摩登堂 (荃灣廣場)

Open Now

Now Closed

上次經過，見到佢門口有外賣專區可以買嘢飲同甜品～試咗甜品覺得唔錯😋，今日終於有機會試下鹹食！🌟曼谷醉貓金邊粉 $128所謂醉貓但係其實冇任何酒的成分/味道～只係喺泰國醉貓炒河係一味解宿醉嘅餸，所以先咁叫🤣金邊粉必嗌！食落口感煙靭，加埋各種香料，大大提升整體層次感！廚師仲加入大蝦及蝦仁，肉質鮮甜彈牙，配合金邊粉食口感豐富✨🌟馬拉盞炒時菜 $72馬拉盞嘅香氣與通菜完美融合，仲有炸蒜提升整體口感～🌟黃咖喱脆皮軟殼蟹 $138 + 蒜蓉包 $28餐廳好細心咁用爐一直熱住咖喱，確保食到最後都係熱辣辣！軟殼蟹經過炸製，外皮酥脆，點埋咖喱汁食超夾～另外仲有好多配菜，抵食抵食～我哋仲有+$28環埋蒜蓉包，用方包整嘅蒜蓉包焗得香脆，濃郁蒜蓉味加埋咖喱😋，包你食完Encore~~🌟芒果糯米飯雪糕 $32無論係坐低定外賣，真係強烈建議大家要試雪糕！！雪糕牛奶味濃郁，配埋芒果汁及新鮮芒果，食落超滿足😋😋😋！還有糯米飯！口感彈牙，大推大推！🌟班蘭生椰 $39中意斑蘭的大家一定要飲！斑蘭味超濃🥹🥹🌟菠蘿x芒果x四季春 $38菠蘿嘅酸同芒果嘅甜融合在四季春茶底，味道啱啱好～

荃灣廣場又開左新餐廳，就係通去aeon個條天橋個位，餐廳以泰國渡假風為主題，裝修以木系風格及草系裝飾為主，令人感覺放鬆，就好似去左渡假一樣，餐廳都幾大，門口仲有外賣飲品既專櫃。摩天輪小食拼盤見到每檯都叫左個摩天輪，好吸引，摩天輪裡面有5款小食，共15件，分別係咖喱角、榴槤酥球、班蘭包雞、米網蝦春卷同香矛雞中翼，因為我地唔食榴槤，店員幫我地轉其他，米網蝦春卷好鬆脆、班蘭包雞既雞肉嫩滑，好香班蘭味、咖喱角炸到脆卜卜。炭燒牛肉串燒呢個串燒燒得好香，配埋酸酸甜甜既醬汁，食落好開胃。黃咖喱脆皮軟殼蟹配蒜蓉包 (2件)呢個黃咖喱帶少少辣，咖喱味香濃，軟殼蟹已經充滿咖喱汁，好入味，另外仲可以加$28有2件蒜蓉包，蒜蓉包配咖喔汁又係絕配。鮮菠蘿百香果綠研茶綠茶味夠香，有濃濃菠蘿同百香果味，但又唔會太甜。

見到荃灣廣場新開咗間泰國菜餐廳，貪新鮮嘅我梗係要試吓新嘢😂▪️炭烤豬頸肉烤到好香，豬頸肉肉質爽口，但偏肥少少▪️古法黃咖喱脆皮軟殼蟹咖哩少少辣，幾惹味。軟殼蟹有兩隻，都幾大隻。仲有啲紅蘿蔔、翠玉瓜、茄子、菇喺入面。另外下面有火可以keep住熱，但愈煮愈杰，令到味道變咸▪️蒜蓉包蒜蓉包係軟身嗰隻，面頭搽滿蒜蓉醬，就咁聞都已經好香蒜蓉味，點咖哩食唔錯▪️菠蘿虎蝦蟹肉炒飯好大碟，入面有唔少蟹肉，同埋炒得幾乾爽，唔油膩▪️鮮芒生椰楊枝甘露嘢飲唔會好甜，不過入面有啲西米未熟透，中間仲有少少硬本身其實最想試甜品，但因為太飽，唯有留返下次😂摩登堂📍荃灣大壩街4-30號荃灣廣場3樓350-352號舖