摩登堂 (荃灣廣場)

Open Now

Now Closed

荃灣廣場又開左新餐廳，就係通去aeon個條天橋個位，餐廳以泰國渡假風為主題，裝修以木系風格及草系裝飾為主，令人感覺放鬆，就好似去左渡假一樣，餐廳都幾大，門口仲有外賣飲品既專櫃。摩天輪小食拼盤見到每檯都叫左個摩天輪，好吸引，摩天輪裡面有5款小食，共15件，分別係咖喱角、榴槤酥球、班蘭包雞、米網蝦春卷同香矛雞中翼，因為我地唔食榴槤，店員幫我地轉其他，米網蝦春卷好鬆脆、班蘭包雞既雞肉嫩滑，好香班蘭味、咖喱角炸到脆卜卜。炭燒牛肉串燒呢個串燒燒得好香，配埋酸酸甜甜既醬汁，食落好開胃。黃咖喱脆皮軟殼蟹配蒜蓉包 (2件)呢個黃咖喱帶少少辣，咖喱味香濃，軟殼蟹已經充滿咖喱汁，好入味，另外仲可以加$28有2件蒜蓉包，蒜蓉包配咖喔汁又係絕配。鮮菠蘿百香果綠研茶綠茶味夠香，有濃濃菠蘿同百香果味，但又唔會太甜。