香辣軒

Open Now

Now Closed

環境有渡假風情，有好大嘅戶外區。當日坐喺戶外，有一圈圈燈籠圍住，附近頗多外國人，清風送爽，忽然有去咗布吉或者越南渡假嘅感覺。餐廳收費頗貴，冇水供應。椰青都有都要$98。食物質素屬於正常，主要係食環境同風味。烤雞凱撒沙律：烤雞係印度烤雞香料嗰種味道。沙律撈埋烤雞一齊，就會多咗一陣淡淡印度香料嘅味道，但唔算overpower，整體味道okay。芝士烤餅，蒜蓉烤餅：烤餅應該係全晚最好食嘅食物。個餅皮烤得又鬆柔軟。芝士味係鬆軟嘅外皮中間夾住煙靭嘅芝士，就算唔使點咖喱汁都已經非常好味。蒜蓉味就覺得可以再濃烈啲，但係都算香口。👌🏼和牛沙嗲：唔係好食到和牛嘅感覺，不過牛肉都幾嫩滑，撈埋沙嗲醬都惹味。Overall牛肉質地好過平時一般嘅質素，但係又未至於真係和牛果種嫩滑或者油甘香味。紅咖喱荔枝烤鴨 - 味道溫和香甜唔辣，鴨肉份量ok, 好味。❌蒜椒炒雞：點嗰陣以為係烤雞或炒雞，嚟到先知係炸雞塊。炸得唔掂，得個皮冇咩肉。唔推介。👌🏼豬頸肉：正常水平。環境： ★★★★★ 食物： ★★★★☆ 性價比： ★★☆☆☆ 推介度： ★★★☆☆ 

淺水灣酒店，位處南區，多年來仍然維持著美不勝收的風景，慶生宴特意到來酒店的泰國餐廳懷緬一番！由雞肉沙嗲、和牛沙嗲、蝦餅、咖哩角以及蝦片組合而成的香辣軒雜錦拼盤，落單後不久經已呈上。肉串沙嗲肉感豐盈，雞肉比牛肉更嫩，沙嗲醬調得適宜，沒有過重的花生味。蝦餅酥脆爽彈，跟蝦片同樣蝦味極濃。咖哩角乃雜菜做餡，主力為薯仔粒，咖哩很香，酥皮亦薄，好感動！大的酥炸椒鹽軟殼蟹一客三隻，大到不得了！酥皮完全不油，蟹肉甚多，柔嫩豐厚，蘸些甜甜的點醬，是一級的享受！印度咖哩煮羊肉似乎細細兜，但其實內藏勁多羊肉，上置的三角烚蛋較為奇怪。羊肉腍中帶嚼勁，惜咖哩調味稍嫌過鹹，跟上的飯亦奇硬無比。看著由真正的印度人泡製的印度蒜蓉薄餅，餅身非常之厚，僅帶少少蒜味，略為油膩。環境寫意舒適，坐一整個下午都不為過！