肚餓了串燒烤焗專門店 (Closed)

呢排有d愛上左食串燒，今日泥到比較港式d串燒店，想揾返一d地道嘅味道😍佢都算幾多選擇，仲有唔少手工啤揀，啱晒一路食一路啤一啤！我自己比較欣賞係d肉類串燒，雞肉串幾抵玩，一份有兩串，肉汁幾正，又大大舊咁🤩鹽燒牛舌芯都正，醃得剛剛好，幾爽口~燒黑豚肉同羊仔柳都用左孜然醃，好惹味！芝士蟹籽玉子燒都有驚喜，勁多蟹籽，芝士有拉芝，yummy~雞泡魚乾都ok, 幾香口！海鮮類叫左個黃金醬焗蠔同蒜蓉扇貝，都幾有港式味道，未去到好鮮，但呢個價泥講都算ok. 最後都要食下d蔬果類別，叫左大大條蒜蓉燒茄子，爆多蒜蓉，係幾入味，不過都偏油少少😂 甜薯串係每次我食串燒必叫的，唔算好甜，但正正常常😜整體性價比唔錯，5百幾兩個人食飽飽👍

餐廳係樓上串燒店，除左串燒仲有香港手工啤酒、紅白清酒提供，都好多人上黎同朋友chill下食串燒飲下酒😋。唔係上網見到我都唔知依到有樓上餐廳🤣，環境都幾大，坐得舒服😌，4個人上黎聚下都不錯～-🤍椒鹽白魚蛋$22🤍金菇牛肉卷$39🤍燒豬頸肉$69🤍雞肉串（兩串)$39🤍蜜糖雞翼（兩隻）$30🤍香燒餃子雞翼（兩隻）$49🤍原條饅魚$62🤍難泡魚乾$49🤍蒜蓉茄子$49🤍燒韭菜$25🤍罐裝烏龍茶$18🤍支裝水$8✨設加一服務費-🤍椒鹽白魚蛋⭐⭐⭐⭐椒鹽白魚蛋，食落彈牙爽口，椒鹽味唔算好重，不過好香炭燒味。🤍燒豬頸肉［滿星］⭐⭐⭐⭐⭐‼雖然價錢有少少偏貴，不過份量串燒黎講都多既，而且每件都好厚肉😋好香炭香同椒鹽味。🤍蜜糖雞翼［滿星］⭐⭐⭐⭐⭐‼雞翼係中型size，唔係過瘦冇乜肉個隻黎，重蜜糖味，味道香甜👍🏻🤍香燒餃子雞翼⭐⭐⭐⭐一見到餐牌有一張餃子雞翼既圖就比佢吸引咗，覺得好似雞翼包飯🥺，太掛住雞翼包飯了，咬開一半，會見到滿滿既明太子同埋豬肉碎，餡料豐富飽滿，煎後皮脆肉嫩，外層雞味濃郁。👍🏻🤍原條饅魚⭐⭐⭐⭐饅魚唔係好肥好厚肉個種，不過都成隻碟咁長！食落都唔多骨，濃郁蒲燒味，燒得個皮好煙韌，有咬

💛肚餓了串燒烤焗專門店·我本身睇相以為佢係地mao啲個種串燒 原來佢係樓上鋪黎既😂😂坐得都幾闊落 有少少似港式居酒屋feel咁樣 傾偈都傾得幾舒服😎·蒜蓉茄子$49芝士蟹籽燒玉子$38燒雞肉串(2串)$39燒雞軟骨串(2串)$39·我地就係俾佢個蒜蓉茄子吸引 佢嚟到真係超級大條 而且佢啲茄子肉都幾多 調味都唔錯 不過我覺得佢蒜蓉有啲太多 食到個底會比較多蒜油 所以呢樣野就差少少🤭之後佢個燒玉子係實啲嗰種質地嚟嘅 我自己覺得似蛋餅多啲🤣🤣不過就真係好足料 真係有海量嘅蟹籽同埋芝士 值得一讚係佢個燒雞肉串超好食 佢啲肉係真係好嫩 而且仲有超多肉汁🤤·蜜糖扇貝$68蒜蓉牛油雜菌$48冬菇串$29因為我哋一路傾偈所以我之後就冇再影相啦😏😏佢個蜜糖扇貝都大粒嘅而且蜜糖出乎意料地幾夾 我本身仲驚會好奇怪 另外個蒜蓉牛油雜菌同埋冬菇串就正常水準啦😌·#rbyeat#rby港式#rby💛#rby尖沙咀·📍尖沙咀亞士厘道17-19號6樓

原來已經有一段時間沒有吃串燒， 昨晚與朋友想搵個地方一邊食串燒一邊傾計， 突然想起肚餓了串燒烤焗專門店， 就即興去食。 大家揀自己喜歡的串燒，鹽燒牛舌$68、金菇牛肉捲$39、雞肉串$39、香燒餃子雞翼$49、蒜蓉廣島蠔$68、 蒜蓉茄子$49、燒韮菜$25、蜜糖廣島蠔$68、罐裝烏龍茶$18、罐裝檸七樂$18。🍡蜜糖廣島蠔🦪～ 稍為有點燒過時間， 廣島蠔乾了少少。🍡蒜蓉廣島蠔🦪～ 入口juicy又肥美， 新鮮。🍡鹽燒牛舌～ 牛舌厚切， 食串燒最鍾意點牛舌。🍡蒜蓉茄子🍆～ 每次必點蒜蓉茄子， 蒜蓉和茄子兩者的味道是最夾的。🍡香燒餃子雞翼🍗～ 明太子餃子雞翼， 少少微辣 最惹味。🍡雞肉串～ 啖啖肉， 入口嫩滑好味。🍡金菇牛肉捲～ 燒得剛剛好有肉汁， 有三件份量都唔少。🍡燒韮菜～ 朋友很喜歡吃燒韮菜， 這裏燒得很嫩滑。🥤罐裝烏龍茶～ 我飲烏龍茶， 可以去膩。🥤罐裝檸七樂～ 朋友的檸七樂， 不太甜幾好。約埋三五知己吃串燒，一邊傾計一邊飲嘢， 過了一個開心的晚上。

我喺香港唔多食串燒店，因為怕又貴又唔飽，但係同事極力推薦呢一間串燒店，佢覺得好好食，咁另一半又鍾意食串燒，就嚟咗試吓啦！ 環境位於亞士厘道嘅食肆商廈，唔算難搵，小店座位唔多，不過枱與枱之間都寬敞坐得舒服。餐牌同事同我講黃金薯條係招牌，可惜是日未有供應，唔緊要試咗佢啲串燒先。粗口啤(diu) $78 有唔同款式嘅特色粗口啤，我揀咗呢款東革亞里味道嘅啤酒。飲落口真係幾重中藥味，我自己唔係幾啱飲。安格斯牛柳粒 $79 食串燒點少得嗌牛肉？牛肉燒到外面有焦香，但係內裏又唔會乾晒柴，食落大少少肉汁，配啤酒一流。雞肉串(兩串) $39 呢個勁抵食！ $39有兩串，而且每串都有五件，仲要係五大件，冇骨，絕對係啖啖肉，雞肉本身已經醃咗未，唔會食到雪藏味，而且醃得幾好食，香口得來雞肉亦都幾滑身，必食！勁辣跳舞雞翼(兩隻) $30 另一半好鍾意食雞翼，既然係燒雞翼，一定要嗌啦！仲要有好多唔同款式，我哋兩個都鍾意食辣，所以揀咗呢款勁辣跳舞雞翼。面頭燒到微燶，不過食落去就唔覺得辣，相比之下更鍾意食雞肉串。汁燒原隻魷魚 $69 呢個等候時間就比較長少少，不過見到實物就覺得等待都值得，有兩隻原隻魷魚，燒汁塗滿整隻

最近去咗一間尖沙咀既串燒小店, 座位喺高枱和椅, 店內地方寬敞, 幾岩朋友聚會吹水啤下幾relax! 牆身有好多酒樽做裝飾, 幾有氣氛!🍺我地先點左佢最吸睛就係佢既粗口手工啤, 有5款唔同口味, 揀左"吊" (為免被ban, 原字請睇圖XD), 酒精濃度唔高, 飲落麥味幾出, 少少偏苦, 另外點左Sapporo生啤, 夠晒大杯, 岩晒同朋友啤啤佢🍻~🍴黎到食物方面, 選擇都幾多, 最出色既係雞肉串, 有2串, 肉質嫩滑, 加埋掃上雞肉既甜醬汁好夾, 必點😋! 每次食串燒都會食牛舌, 呢到牛舌喺厚切, keep到彈牙, 不過上枱前, 已經撒滿孜然粉, 略嫌落得太多, 有d蓋過左牛舌原味道, 建議店員可以改為提醒食客自己落孜然粉, 咁就可以自行控制想落嘅分量~ 金菇肥牛卷, 肥牛燒到岩岩好, 唔會乾身, 金菇幾足料, 數量好多又夠濕潤, 咬落去爆汁, 好惹味!燒豬頸肉切得薄身, 肉質結實, 燒至金黃色岩岩好, 唔會太乾身, 皮邊燒得香口脆身!🍟黃金薯條係加左咸蛋黃, 薯條有少少乾身overcook左, 略嫌咸蛋味唔夠香, 但咸蛋分佈平均, 岩晒配啤酒一路飲一路食🍺~🍆蒜蓉茄子係開邊焗, 好

夜晚冇book，但等左一陣就見有人走就有得入！環境比較暗，好岩small talk同飲野。但我係勁鐘意串燒既人，所以重點當然係串燒啦！茄子🍆 必叫開邊焗：好香，熟晒，皮都食埋，一啲都唔硬，蒜蓉均勻搽落成條茄子，乾蒜鋪面增加口感。雞肉串：好抵食，大大條兩條，甜既醬汁同雞好襯。肉質嫩滑。牛舌：上次黎食超正，今晚有兩舊略嫌少少窿，但都無阻牛舌既爽口同香味！玉子我見蟹子比較受歡迎，但我又想試下肉鬆，都不錯！好多木魚，個蛋好厚好正。肉鬆口感又正。鰻魚勁正，佢唔算好大條，但性價比好高，燒得岩岩好。雞腎好爽口。豬頸肉比較林身，但夠味，送酒會唔錯。

尖沙咀好多野食揀，見依間openrice好多好評，就一於試下啦！週末夜晚出街食飯，本身都驚好多人，但七點幾上到去竟然唔洗等位，可能因為依間係要上樓，而且唔係開係好旺嘅位置！咁就可以慢慢食住傾計，爽野食選擇好多，燒海鮮、蔬菜、肉類、玉子、小食、連飯都有！嗌左個燒蠔有啲失望，雖然有六種唔同口味，但食落每種口味都唔太出味，基本上分唔到係咩味打咩味！雞肉串 燒得好，夠哂嫩滑唔會太乾，孜然味道岩岩好玉子燒又係好好食！好厚好重蛋味，芝士仲要拉到絲，算幾抵食牛柳粒有啲失望，可能燒得太耐勁難先咬得開，牛味都唔係好重，而且價錢偏貴，性價比低！依個唔錯嘅，夠哂脆身，但略嫌鹹蛋黃味唔夠多，有啲無乜味咁！最後食串燒點少得燒茄子，不過水準都係一般，蒜蓉可能唔夠多，茄子無乜蒜味，唔夠入味！整體黎講，唔差但唔算太出色，可以發掘下更多平靚正嘅選擇！

尖沙咀一向多美食選擇，今次就試一試呢間串燒燒焗專門店。店名好得意，叫肚餓了，十分吸引人眼球。店內環境乾淨企理，值得一提是窗口位可以望到街景，仲可以望到小小幻彩詠香江，尖沙咀夜景真係幾靚!Menu有多款串燒烤焗肉類蔬菜，仲有啤酒，很適合約朋友來吹水,慢慢傾。食串燒店其中一個好處就是不用整到自己一身燒烤味，也可享受美味的燒烤。安格斯牛柳粒先上的是烤安格斯牛肉，牛肉juicy,好香牛肉味,簡單地用孜然同鹽吊味已很滋味!燒雞腎雞腎十分大粒，口感爽脆，雖然大粒，但內裡都烤熟透。孜然椒鹽調味，不太辣，但有種新疆風味～香燒餃子雞翼再黎是餃子雞翼，雞翼表面塗上燒汁，中間塞了滿滿明太子，味道十分惹味，食得辣既朋友要試試呢個，它比起平日釀滿糯米的餃子雞翼少了種‘滯’的感覺，味道更有層次。鹽燒牛舌下一樣是牛舌，牛舌很厚身，質地彈牙，一口咬下，牛油脂香味四溢，對於牛魔王的我來說是必吃的選擇！蒜蓉茄子燒茄子是很多人的至愛，茄子好巨型，茄子肉烤得軟綿綿，配上面頭滿滿的蒜蓉，重口味但係好惹味！茄子與出面不同是落了炸蒜在面，更多一重脆脆口感，更濃蒜味!黃金炸雞鹹蛋黃醬呢排好好hit，店內都有鹹蛋黃薯條、魚皮、炸雞等選

下班後甫與友人會面，我便跟她大吐苦水，力訴自己饑腸轆轆的感覺。誰不知她一句「肚餓了嗎？我們去吃串燒吧！」，便把我帶到這間串燒專門店的門前。.在接待處稍候片刻後，店員便隨即安排我們入座。檯上已預先擺放了餐具和餐牌，不用客人再勞心張羅，而且還有不同的調味粉，好讓客人按個人需要加入。餐牌上的選擇形形色色，琳瑯滿目，由雞肉、豬肉、牛肉、羊肉類，到海鮮、蔬菜類等，均一應俱全。如果還未有頭緒，也大可參考「餐廳推介」一欄，便省得煩惱。由於初次來訪，未知味道如何，我們在各類別也分別挑了幾款燒物來嚐嚐，包括黑松露扇貝、汁燒BB露筍、蒜蓉茄子、燒安格斯牛柳粒、勁辣跳舞餃子雞翼、芝士蟹籽玉子燒和黃金薯條，葷素兼具。原本我們還點了一串金菇肥牛卷，只可惜當天剛好沽清了。.露筍一條條的串連在一起，猶如稻草裙一樣，造型奇特趣緻。經燒製以後，露筍仍舊保持爽脆多汁，吃起來既不覺乾韌，也不見裡頭有渣，口感頗佳，果然對得上「BB露筍」的名字，頗為嫩口。加上它的表面有一層薄薄的調味粉，味道甜甜的又帶微微的辣勁，真的頗為惹味。.雞翼烤至焦糖色，表皮還塗了一層油亮的醬汁，賣相吸引誘人。一咬下去，還未至內層的肉餡時，一股辣勁便隨即

在不太肚餓的情況下找地方吃晚飯，串燒店是最好的選擇。位於尖沙咀的肚餓了串燒烤焗專門店只做晚市和宵夜，營業時間為晚上六時至凌晨一時。串燒的選擇不少，還提供多款焗飯和推介美食，窩夫對黃金薯條和黃金炸魚片很感興趣，可惜蝦子餅不太愛吃鹹蛋黃。打頭陣是燒韭菜($25)，燒完還保持濕潤，味道亦控制得剛剛好，好吃得要安歌多點一客。鹽燒牛舌($59)一串有四大粒，表層燒得有點脆，裡面很彈牙，充滿肉汁，驚喜之作。蒜蓉茄子($49)的金銀蒜份量很多，但稍嫌部分金蒜粒太硬。柚子雞翼($30)是全晚叫人最失望的，雞翼燒得不香不脆。芝士廣島蠔($59)的廣島蠔十分鮮味，芝士醬亦調得不錯。自家製醬燒黑豚肉($49)燒得過火了一點點，不過自家製醬汁的味道非常好，卻又不會蓋過黑豚肉本身的香濃肉味。蒜蓉扇貝($59)新鮮熱辣，都算大隻。珍寶帆立貝($69)很厚肉，簡單的調味便能帶出它的鮮味，而且火候控制得很好，值得一試。

本身好鍾意食串燒，咁啱俾我搵到 一間串燒店 叫做"肚餓了串燒烤焗專門店"，位置響尖沙咀好方便，所以立即過來試試吧！ 餐廳面積唔算大，但都坐得幾舒服，仲見到有很多不同款的手工啤酒，可惜當日要揸車所以只點了可樂。 我們點了雞肉串 ( 兩串 )$39，鹽燒牛舌$59，燒黑豚肉$49，羊仔柳$32，蒜蓉扇貝$59，原條鰻魚$59，燒蠔拼盤6隻$168，蒜蓉茄子$49，棉花糖多士$29，罐裝可口可樂$18。蒜蓉茄子 ~ 超級大條的茄子原條上，香濃的蒜味，好香！原條鰻魚 ~ 鰻魚有少少腥，唔夠肥美，但因為我好喜歡吃鰻魚的關係，所以成條食曬。雞肉串 ~ 雞肉串超級抵食，$39已經有兩串， 雞肉大大粒很夠肉汁。鹽燒牛舌 ~ 厚切牛舌份量十足，雖然是厚切， 但燒得剛剛好，容易入口。燒黑豚肉 ~ 熟度啱啱好，肉汁仍然保留在黑豚肉裏面。羊仔柳 ~ 香噴噴的孜然粉味，但絕對冇蓋過羊串的肉香。燒蠔拼盤六隻， 有六種不同口味，包括有蒜蓉 芝士，自家製金黃醬，黑松露香菇醬，蜜糖， 蒜香勁辣。本身好想試黑松露香菇醬，但是當日冇這個醬啊！ 燒出嚟嘅蠔完全保持到新鮮的味道，蠔汁味濃，size仲幾大隻添！蒜蓉扇貝 ~ 原本

今日放工同男朋友諗唔到食咩好，去咗尖沙咀上OpenRice搵吓睇吓有咩食🤔見到咁多好評最後就去咗呢間 “肚餓了”入到去細細間但氣氛好好本身個人對海鮮冇乜興趣🐠🦂🦀但好彩Menu選擇夠多。。。嘢食到左，見到份量又真係幾多，味道又唔錯！而且價錢親民，全部新鮮熱辣！！！值得下次再去！今次得兩個人食唔到咁多，見到隔離枱仲有其他我哋未食嘅，黎緊要試下。。另外，餐廳有好多類型嘅手工啤酒🍻，放工同朋友去吹下水休息下，係個好地方！

灰暗全木裝修的小店, 全部用了高檯設計, 幾有特色.店內有手工啤酒, 用黎配串燒一流!檯面上有3樽調味料, 可以再自行調味!蒜蓉茄子 $49 - 整條茄子燒, 上面滿滿的蒜蓉, 好香!汁燒BB露筍 $39比BB露筍大條, 好林又無渣, 好好食!鹽燒牛舌 $59 - 超厚切, 超大粒!!!牛舌一定OVER 1寸厚, 唔UN呀, 仲幾JUICY!黃金墨魚咀 $69 - 用了大量咸蛋醬, 粒粒墨魚咀都好大粒, 好彈牙, 呢個好特別!餃子雞翼 $49 - 入面係明太子黎架, 啖啖肉好好食! 一碟2件添!金姑牛肉卷 $39 - 好入味的金姑牛肉卷!冬姑串 $25 - 較為乾身, 只有醬末的味道蒜蓉燒虎蝦 $59 - 呢個一定要食, 超大隻又好多肉, 燒得岩岩好, 蝦肉彈牙!黑椒牛仔骨 $59 - 超大碟, 份量好多, 而且燒得香口又入味!桂花蜜蕃茄 $32 - TOPPING係大量的桂花蜜, 好MATCH蕃茄的清甜, 好特別!香橙比目魚 $88 - 又係大份量, 成PACK比目魚, 好香的橙味, 應該用了橙汁去焗的.牛油粟米 (四件) $38 - 較為失望, 有蜜糖未沒有牛油味.