LAVA Bar & Restaurant (Closed)

天寒地凍，今日仲落住密密雨，去到太子搵嘢食，泊車在附近錶位，原來旺角警署附近開了好多不同類型的食肆，這間氣氛唔錯，入去坐低，店員招呼周到，先送上暖水，好貼心。小鐵盆上，辣肉腸不算太辣，配以車厘蕃茄，加上紅洋蔥炒得好香，絕對係啤酒的好配搭。脆脆豬配泰式沙律汁~个豬皮卜卜脆好香口， 泰式沙律汁嘅味道辣辣的，好醒胃! 黑松露醬另一感覺，配上厚脆豬皮非常可口! 整個小食用一個酒樽器皿盛載，非常有創意慢煮牛腩手工包~夾了脆脆腐皮，fusion感覺好好，腐皮一咬便知脆，不油不肥，正!牛腩炆得好林好入味，吃得出師傅花了不少心機去調製牛的味道。蒜香大蜆扁意粉~師傅一點也不吝嗇，重手落白酒煮蜆，非常香大蜆既新鮮又嫩滑，味道一流穀飼羊架配火箭菜沙律~羊架新鮮熱辣辣，煎好七成熟，切開見到粉紅色，肉質又嫩又滑， 羊味好香，肉汁豐富，正呀！ 火箭菜沙律配醋汁，酸酸地，越食越好開胃。今日揸咗車唔敢飲酒，這裡手工啤酒都好吸引，如果可以提供熱飲會更理想。下次可以找多兩個朋友一齊傾計暢飲，好想試下其他小吃呢!

好耐無食西班牙菜，見到d野食都幾吸引就入去了。🐑西班牙小羊肩 $418西冷同羊肩都好想食，最後簡左小羊肩，雖然貴左D，但唔係度度有得食，食完亦無後悔。小羊肩賣相好靚，皮超薄香脆，肉質軟腍，羶味淡，肉汁多唔油膩，好味道丫。希臘乳酪味道唔錯，薄餅交叉形狀，伴碟夠哂心思。🍝蒜香大蜆扁意粉 $148蜆夠哂大隻，粒粒飽滿鮮甜，亦充滿酒香味。意粉煮得口感剛好，整體除咸左少許外都唔錯。🍰Lava分子蜂蜜海綿蛋糕配意大利雲呢拿雪糕 $72色彩繽紛，海綿蛋糕充滿蜂蜜香氣，食落鬆軟，口感似棉花糖。食埋個雲呢拿雪糕就夠哂滿足。

上次來LAVA只吃了一客焦糖燉蛋，難以忘懷，今次特次再約朋友到訪，重溫西班牙的味道。餐廳位於太子酒吧街當眼處，距離太子地鐵站約三分鐘路程，位置方便。餐廳不算大，幸好有事先電話訂座，晚上七時半來到便獲安排中心一張四人桌。LAVA以西班牙fusion菜為賣點，特別菜式有鵝肝金莎、慢煮牛腩手工包及分子海綿蛋糕等，不過這次先試傳統西班牙菜看看水準如何。炸薯粒配溫泉蛋，蕃茄香椒汁 Patatas Bravas $65Patatas Bravas是我最喜歡的一款tapas，簡單而好吃，在西班牙吃過後一試難忘。店員著我們先試炸薯粒的原味，再拌勻底部的辣醬來吃。薯粒香脆而內軟，大小適中，一口一粒；辣醬以蕃茄、甜椒和蒜蓉製成，微辣，非常惹味，略嫌蒜蓉味不夠突出；六十三度煮的溫泉蛋流心度十足，有畫龍點睛之效，大家都吃不停口，侍應來收碟時也忍不住笑我們吃得很乾淨。海鮮飯 Seafood Paella $250Paella算是最廣受認識的西班牙菜，起源於華倫西亞，傳統的Valencian paella主要材料有雞肉、兔肉和豆，當然少不了用蕃紅花調味。地中海地區則喜以海鮮代替肉類，變成Seafood Paell

來到Happy Friday, 梗係約朋友飲飽食醉, Relax 一番 。 選擇 LAVA Bar & Restaurant 位於太子酒吧街, 除了飲酒外,當然食好西呢! 店落地玻璃有種休閒新派型格裝潢,增添氣氛,環境舒適 。 *  * *首先來小食【LAVA 格仔餅配西班牙芝士,黑毛豬火腿】 $79 格仔餅外皮十分香酥,內夾著餡料有甘香濃郁的黑毛豬火腿 及鹹香的芝士,以黑毛豬火腿味濃主味突出, 食起來香味濃郁,以鹹鹹地為主, 可沾點秘醬,更為惹味,是一味獨特的好下酒小食。*  * *食鹹鹹地小食, 當然叫了大大杯Hoegaarden 飲下啦!*  * * 點下主菜, 醫肚先 【澳洲安格斯牛扒配時令蔬菜】 $268 見賣相非常吸引,好有藝術感,令人垂涎三尺。上台前已將一塊牛扒切開了, order煎五成熟,肉質鮮美嫩滑,而扒底有帶甜南瓜醬來沾點,提升牛扒味道更香濃甜美。*  * *食了濃味野後, 食點清清地野食【蒜香大蜆扁意粉】 $138 這意粉睇起來清清地,但味道好鮮甜, 全因蜆精華滲透意粉。 意粉口感不會太硬及不會太糊,因沒醬汁, 口感較清爽, 而蜆沒沙也好鮮味。