LAVA Bar & Restaurant (Closed)

好耐無食西班牙菜，見到d野食都幾吸引就入去了。🐑西班牙小羊肩 $418西冷同羊肩都好想食，最後簡左小羊肩，雖然貴左D，但唔係度度有得食，食完亦無後悔。小羊肩賣相好靚，皮超薄香脆，肉質軟腍，羶味淡，肉汁多唔油膩，好味道丫。希臘乳酪味道唔錯，薄餅交叉形狀，伴碟夠哂心思。🍝蒜香大蜆扁意粉 $148蜆夠哂大隻，粒粒飽滿鮮甜，亦充滿酒香味。意粉煮得口感剛好，整體除咸左少許外都唔錯。🍰Lava分子蜂蜜海綿蛋糕配意大利雲呢拿雪糕 $72色彩繽紛，海綿蛋糕充滿蜂蜜香氣，食落鬆軟，口感似棉花糖。食埋個雲呢拿雪糕就夠哂滿足。