高興+ (Closed)

有好野當然要分享吓，中西 fusion ，菜式選擇多。重點係抵食好味又好坐，而且餐廳近北角碼頭，食飽仲可以去散步，幾好！沙律同薄餅，幾十蚊有交易。扒類就百零二百，多選擇的。大量特飲，二十幾三十咋，茶仔價柚子大蝦沙律 $76頭盤叫個柚子大蝦，很大份，新鮮抵食的。亦特別欣賞佢既沙律醬，酸酸地，開胃又美味。配埋冰凍的有汽酒，平平地都可擁有高質享受。法式橙醬三文魚扒 $172魚皮薄，但充滿魚油香。魚皮煎得好脆身，魚肉仍然是滑的，唔會鞋口。配合橙醬橙片同香葉，頗新鮮的口味。底層配上不少蔬菜，有豆角同蕃薯片等，健康好滋味。蒜香車厘茄帶子寬條麵 $88三粒超珍寶帶子，煎到好香，聞到都令人感到肚餓了。咬落皮係脆脆地，而帶子肉仲係好多汁，好滿足。寛條麵煙煙韌韌得來又有蛋香，配上蒜香汁是好味的，可惜份量少了點，兩人分唔夠噃。不過價錢唔算貴，八十幾蚊，合理的。餐廳都有 Happy hour 價，兩款酒的質素都尚算不俗，四十幾蚊杯真係抵到爛。高興白酒 $46 （後）口感比較乾身，有果香。有氣酒 Riondo Mosca $44 （前）夠冰涷，果味濃郁而且甜甜地，易入口的。

聽朋友講先知原來高興有間分店係北角 星期二既晚上我地就約左係度食晚飯去過觀塘店既朋友都會發現2間既擺設有唔少都係一模一樣既 都係行懷舊風 不過2店最大既分別就一定係個對落地大玻璃度 北角店感覺開揚好多 好有空間感 感覺更舒服蒜香車厘茄帶子寬條麵 ($88)個3大隻煎到焦香既帶子好吸睛 食落好鮮嫩 質感爽軟 寬條麵煮到入晒味 不過如果有多少少汁 食落就無咁乾慢煮美國頂級肉眼扒 ($218)塊肉眼扒都幾大塊 對得住價錢 揀左七成熟同黑椒汁 食落都有少少乾 不過不失 薯條用上粗薯條 食落好香脆菠蘿香蕉牛奶沙冰 ($38) 跟餐半價我都幾鍾情佢呢間鋪嘅沙冰 之前已經試過三款唔同既口味 今次試埋個菠蘿香蕉牛奶沙冰 香蕉牛奶味好重 飲唔岀有菠蘿味 味道都係偏甜 沙冰口感細膩 感覺似奶昔多d 不過我都覺得好好飲士多啤梨益力多奶昔($28)呢杯係朋友叫既 奶昔既顏色賣相都好和諧 好有少女既味道 奶味同甜度岩岩好 質感相當幼滑 唔會太杰 而且解渴心太軟 ($62)本身係想叫高興鮮雜果窩夫 但係個日咁岩無 最後唯有叫個心太軟試下 心太軟用個雪糕杯載住 個外觀同預期之中有少少落差 不過好彩食落都唔錯 熱辣辣

一排無係港島區食飯, 上星期便相約友人去了北角的高興+食晚飯.小食點了洋蔥煙肉流心蛋焗啡菇. 賣相精緻.一切開蛋黃流出. 啡菇夠多汁, 配上蛋等配料, 多重口感. 主萊點了蒜香車厘茄帶子寬條麵. 帶子夠大粒, 口感不錯.而寬條麵軟硬適中.自家牛扒漢堡溫泉蛋日式咖喱飯. 咖喱調教的口味不錯, 只係牛扒漢堡稍為乾身了一點. 葉香烤焗比目魚. 一口氣食了幾款較濃口味的菜式, 食番個魚中和一下. 魚肉夠嫩滑, 味道又夠清新. 甜品不少得. 高興鮮雜窩夫. 簡簡單單的窩夫面上放滿了各式鮮果.味道不錯, 而窩夫口感也適中.

約咗朋友嚟食飯，第一眼見到呢間餐廳就已經覺得裝修好搶眼~店內裝修以北角為主題，有不少燈牌，配合店名以開心為主，望落都幾治癒~前菜叫咗個洋蔥煙肉流心蛋焗啡菇，賣相好靚，芝士焗得啱啱好，一切落去連埋流心蛋有爆汁效果，睇落吸引~食落去味道都不錯，啡菇juicy，吸左洋蔥嘅味道，配合煙肉嘅鹹味味道剛剛好~葉香烤焗比目魚魚肉多汁，因為烤焗關係，魚肉吸收了荷葉嘅香氣，配合埋車厘茄薯仔等等嘅配菜味道清新，而且魚肉不連骨，啖啖魚肉食落非常滿足~比較欣賞佢嘅醬汁，酸酸甜甜可以更加帶出比目魚嘅鮮味，而且亦夠醒胃~另外仲叫咗鹹蛋黃卡邦尼煙肉意大利粉，意粉造型幾特別，有一個以鹹蛋黃醬為雪糕既雪糕筒，幾有趣~第一次食鹹蛋黃+carbonara 既組合，食落味道有幾夾，鹹蛋黃嘅鹹香加埋卡邦尼醬汁令到意大利粉食落味道更為豐富，煙肉份量亦夠多~蒜香車厘茄帶子意大利麵味道也不錯，帶子煎啱啱好，外面夠香脆，肉質亦夠鮮甜，配合蒜蓉調味令整體味道較為豐富，車厘茄則令整碟菜更為清新，意大利麵採用闊面，比普通意大利麵較有口感~飲品叫咗焦糖燕麥沙冰，焦糖沙冰嘅甜度啱啱好，配合忌廉奶味較重，加左不同燕麥可以一路食一路飲，燕麥都有口感

黎過幾次北角做野已經發現呢度可算係美食沙漠，地鐵站附近行一圈難得發現新開左間型格玻璃屋餐廳，正正就係我曾經係觀塘工廈留下不俗印象既"高興"分店，二話不說就同朋友入左去happy friday。蕃茄菠菜芝士雲吞 ($72)意大利雲吞好多時都係醬汁比餡料更令人難忘，今次亦唔例外。 蕃茄醬汁飽含蕃茄蓉，味道天然鮮甜又有蔬菜口感，重點係面頭灑上晶瑩剔透既分子料理，咬開就發現係黑醋粒粒。 肉餡有輕微奶香味，雲吞皮亦夠煙韌，本來平平無奇，但黑醋粒粒同時係口中破開，就拼發出奇妙既化學作用，好清新開胃。蒜香車厘茄帶子寬條麵 ($88)色彩繽紛又足料，寬條麵明顯係自家製，煙韌彈牙又有蛋香。 雖然鋪滿左車厘茄同蒜粒，食落其實蒜香味唔濃，反而係麵條本身既原味為主。 要讚下車厘茄同帶子都好新鮮，帶子幼嫩鮮甜，不知不覺連邊位都食埋，有三大粒好滿足呀。高興雞中翼配牛油果醬忌廉醬 ($48)雞翼超級嫩滑多汁又入味，典型水牛城tabasco調味，唔洗再點醬已經好惹味。 牛油果醬幼滑香濃，點少少又令味道昇華，反而忌廉醬就失色左少少冇咩存在感，但整體性價比好高。洋蔥煙肉流心蛋焗啡菇 ($42)雖然每次見到大啡菇都會有心癮