一番日本料理

Open Now

Now Closed

已光顧過無數次，食物保持水準價格實惠店內空間略小，座位略擠迫點學生贈送飲品，午餐時間經常有大批學生門外排隊，早已不是學生的我們盡量避開12-1:30lunch time去！ 「蒲燒鰻魚丼」鰻魚無骨厚肉入味，雜菜伴日本珍珠米香軟，首選！ $58 「滑蛋吉列朱扒鍋飯」皮脆肉嫩，滑蛋汁伴飯，一流！ $52可選多飯或少飯！每餐贈送麵豉湯及綠茶，茶杯自帶茶葉內層，衝泡方便又衛生！跟餐加$5有熱飲/涷飲，特色飲品加$8。

早幾日做野經開元朗，又到午飯時間就梗是要去醫肚啦﹗呢間位於元朗教育路嘅餐廳唔算難搵，由大渠行過幾個鋪位就到。店鋪面向大街，好易就見到，一啲都唔難搵。由於鋪頭12點先開門，我是第一個客，完全唔使等位。店鋪內間隔幾寬敞，而且有晒隔板，唔驚會同隔離互相傳染。不過木凳就略為有些少硬，坐得耐會有少少唔舒服。蒲燒鰻魚丼 ($52)一上枱就急不及待將鰻魚放入口﹗超濃嘅鰻魚味，好香好鮮甜，而且都幾大條，抵食﹗伴碟嘅菜份量都唔少，啱晒我呢啲健康人士，不過醬汁稍為多左少少，食到最後啲飯吸晒汁有啲重口味。蟹籽壽司 - 跟餐 ($5)午市套餐其中一個優惠是可以加5蚊有兩件自選壽司，(好抵啊﹗)蟹籽份量唔少，色澤較橙，同埋味道唔腥，唔錯﹗大家若果驚壽司太多飯會濟嘅仲可以揀少飯添﹗海膽刺身 - 本地 ($98)最後登場嘅是一板本地海膽刺身，海膽嘅份量唔少，有成15-16件，好正﹗﹗首先就咁啪一件海膽，好鮮甜，而且完全沒腥味，非常正﹗之後再試用隨碟附上嘅紫菜一齊食，感覺上就一般，因為紫菜有少少稔。最後再試埋附上嘅飯糰加埋紫菜黎食，呢次嘅感覺就好啲，飯糰帶有微甜，但又唔會蓋左海膽嘅鮮味，唔錯唔錯﹗以呢個價錢食到咁嘅質