一番日本料理

Open Now

Now Closed

收工在元朗晚飯，選擇了一番日本料理近來佢哋推出好多唔同嘅優惠但我覺得最正嘅係以下呢樣赤蝦刺身$11一隻，忍口只係叫咗四隻，大大隻又新鮮，抵到爛！加埋呢個餃子拉麵，湯底好鮮味，餃子炸得啱啱好，餡料好足夠，大大碗好滿足唉，又要減肥！

🍽 一番日本料理📍元朗教育路29號地下C號舖用得日文🇯🇵「一番（最好的）」做店名嘅鋪頭，一定有佢過人之處😎，臨近聖誕，雖然已經plan咗去日本做美食家😚，都係忍唔住要過住刺身癮先😈，號稱第一嘅日本料理究竟有幾勁，試過先知🏃🏻。～大盛刺身🥢🐟（60片）一番震撼🎊，齋望都覺得吸引，種類應有盡有，我心目中排第一🤤嘅應該係日本甲紋魷魚，上面鋪有三文魚籽，入口除咗有魷魚刺身嘅爽滑，仲有魚籽嘅海鹹味配搭，當然魚生都好多款，款款都好新鮮，樣樣都有6片，大滿足！唔單止過足口癮，質素都唔係隨便👏🏻。～巨型鰻魚丼一番巨型💯，條鰻魚仲長過手掌，肥美到不得了💪🏻，一切開啲鰻魚汁喺肉入邊滲出嚟，配埋粒粒分明嘅珍珠飯，咁巨型嘅鰻魚丼先88蚊😳，仲有碗面豉湯送，不過聽聞呢個優惠今個月最後啦😯！～喳喳仲有晚市堂食優惠，送嘢飲又送糖水，店員話夏天通常送雪糕，呢排有啲凍就轉咗暖粒粒嘅喳喳🤩，有啲椰香味，一番暖心💕！大家成日都話食刺身不如去日本食✈️，不過我都真心讚賞本地嘅鋪頭同佢哋啲師傅😊，一直堅持提供高質又抵食嘅直送食材，呢個先係「一番」心意🥰！真心推薦俾大家

下班與朋友在元朗晚餐，去了性價比高的一番日本料理。這裏不時推出時令菜式，介而且價錢很優惠。首先是珍寶赤蝦刺身$11/隻，大隻到不得了，十分新鮮！鮮嫩的蝦肉在口中瞬間融化，搭配一點醬油與芥辣，增添鮮味。接著是餃子拉麵$59，麵條彈牙，湯頭濃郁。煎餃子外皮薄而餡料豐富，咬下外皮脆脆的，特製餃子醋還有蒜蓉香，味道不錯。吉列豬扒飯定食$63，豬扒外脆內嫩，搭配沙律醬增添濕潤感。白飯是珍珠米，很煙靭。還有麵豉湯和中華沙律，這樣一個套餐非常划算。最後是串燒茄子$15，茄子燒至柔軟，淋上特製醬汁，既有甜味又帶有微微的煙燻香，十分開胃，我和朋友都覺得好味。這裏晚市堂食都會送飲品，我們點了一杯紅棗蜜和柚子蜜熱飲，在轉涼的天氣增添溫暖，很貼心，又實惠。海鮮的鮮美，麵食的溫暖，加上性價比高，還有職員有禮的招呼，都是令人滿意的用餐體驗。

一番日本料理地點：元朗教育路29號地下C號舖今次分享一間抵食日式料理🇯🇵聽元朗朋友講，呢間舖頭出曬名性價比高😏一於嚟試下大盛刺身菜單上食物款式非常多，有選擇困難症嘅我決定直接嗌一個大盛刺身先😎400幾蚊有60片刺身，份量非常足，款款都係經典！有三文魚、甜蝦、希靈魚、帶子、北寄貝等等，刺身控一定明有幾幸福🥹所有刺身都好新鮮，夠鮮甜。魚刺身夠曬厚，食落好滿足！巨型鰻魚丼睇相就知道份量有幾澎湃😝鰻魚足足有我兩隻手掌咁長呀！視覺上超震撼🤤鰻魚肉厚，刺少，皮薄煙靭，肉質鮮嫩。鰻魚汁嘅調味好惹味，配飯食一流，$88就食到呢個質素，真心推薦👍🏻店員話呢個優惠做埋今個月咋，鐘意食鰻魚嘅朋友仔唔好錯過！晚市堂食會送飲品同甜品，甜品根據季節而變化，冬天嘅甜品係暖笠笠嘅糖水😍超窩心💕今日嘅糖水係喳咋，香甜得嚟椰汁味好濃，係完美嘅收尾甜品✨

🍽️一番日本料理 (元朗)📍元朗教育路29號地下C舖食完下午茶去元朗遊車河同行吓，今日真係好胃口，5:30p.m.又有啲肚餓㖭，見到呢間日本料理好似唔錯，又去食少少🤣～叉燒湯烏冬湯底濃郁，好甜唔肥膩，麵條滑嫩，叉燒好瘦好好味，肉質鮮嫩多汁，搭配上新鮮的蔥花，食完感覺溫暖、美味及滿足🍜🥢～三文魚呢個一向我鍾意食，刺身色澤鮮紅，魚肉鮮美，口感細膩，入口即化，搭配少許醬油和山葵，更能凸顯三文魚的鮮甜🍣🐟～芝麻雞翼雞翼香脆調味佳，外皮酥脆，內裡鮮嫩多汁，芝麻的香氣濃郁，美味之選🍗🌿～鰻魚壽司應該形容係特長鰻魚壽司👍鰻魚鮮美多汁，醬汁甜而不膩，搭配上軟糯的米飯，口感豐富，一試難忘🍣🐟～甜蝦壽司甜蝦甜美的味道在口中回蕩，簡直係味蕾的享受，尖嘴嘅老公都讚好好食🍣🍤

珍寶赤蝦刺身原隻赤蝦啖啖肉，香甜新鮮，咬落去好彈牙，勁多汁，連蝦頭既蝦膏都唔好晒，食過返尋味！名不虛傳鎮店之寶No one!三文魚手卷三文魚十分肥美，食落有油脂香味，油脂分布平均，新鮮可口，令人回味！蝦天婦羅手卷😄😄炸蝦熱辣辣，外脆肉軟，味道香口！燒鰻魚手卷燒鰻魚超級推薦，鰻魚質地厚實，啖啖肉，食材新鰻，咬落有口感，配上特製既鰻魚醬，香氣撲鼻，實屬必點之選！其他壽司店不能婫美！星鰻手卷星鰻魚味濃郁，但沒有腥味，肉質細嫩，配上特製既醬料，唔會油膩！加州卷一份有六件的加州卷實屬大胃王之選，飯量十足，大大件，CP值高高高！最後一讚係餐廳為顧客送上免費餐飲及甜品，十分貼心，而且餐廳店員服務態度友善，細心解答顧客既問題，回頭之選！！👍🏻👍🏻

住元朗的朋友應該對一番日本料理不會陌生，出名性價比高而且份量十足。即使現在日本料理有好多不同的選擇，但一番日本料理依然是我選擇之一。晚市的優惠實在吸引人，除了送飲品和甜品外，刺身的特價更是讓人心動。特別是珍寶赤蝦，只需$11。生蠔也只是$15。珍寶赤蝦每隻赤蝦的尺寸都超過我的手掌，蝦身的色澤鮮亮，肉質鮮甜。加拿大冰山蚌肉質爽口鮮甜鮟鱇魚肝道菜並非所有日本餐廳都有供應。魚肝滑嫩，味道甘香，搭配一點柚子醋，可中和魚肝的膩。京蔥本鮪小卷小卷加了芝麻和京蔥，使得其香氣更為濃郁，鮪魚的鮮香得以充分展現。姜蜜食了刺身及壽司後點了一杯姜蜜暖暖胃。姜味十足不算太甜。小總結❤️❤️❤️❤️❤️📌高性價比📌珍寶赤蝦超大且新鮮

作為大西北半個地膽，都唔敢講完全了解元朗所有餐廳。而響呢個美食集中地，就有唔同既臥虎藏龍。今日路過見到呢間日本餐廳既下午茶餐相當親民，即刻入去試一試佢！超抵巨大吉列雞脾 $19一上枱就見到隻雞髀大過我塊面！熱辣辣！外表揸得相當香脆，但係炸粉又唔會好厚，一咬落去依然保持到肉質鮮嫩，肉汁豐沛！最重要係表面灑左少少孜然粉，更加惹味！奶醬多士 $15熱辣辣，簡單又香口！肥牛湯拉面 $38湯底唔會太濃，面條軟硬岩岩好，配埋啖啖肥牛係滋味既好選擇！凍檸蜜 +$6壽司 （$9-15一客）挪威三文魚、馬刀貝、赤貝、北寄貝、象拔蚌、特長鰻魚今次叫左不同類別既壽司，質素相當有驚喜。先講刺身，肉質彈牙，入口有鮮味，大小適中，入口岩岩好。而壽司飯亦唔會太硬，入口甜酸味道平衡！特別要講既係特長鰻魚，真係有差唔多一隻手咁長，係鰻魚迷必選！呢度食野環境舒服，裝潢光亮簡潔，坐落都好鬆動！最重要係性價比極高，食物水準絕不馬虎，甚至比其他更貴既餐廳做出更好既食物！

久仰大名嘅大大件壽司晚市6點半去到唔係好多人7:00開始就好多人 所以留意時間去食都要加一 Menu都好多選擇壽司刺身鍋物串燒炸物等等而家晚市堂食送飲品送甜品 幾抵👍🏼$9飲品免費 其他補差價叫左杯熱柚子蜜 正常😌甜品係cocoberry嘅益力多味雪糕食落係雲尼拿加益力多味 ok啦😂魚生碎蟹籽沙律 ($55)二人份 主要有劍魚同魚生片加一炸青瓜絲同蟹籽撈沙律醬食落都幾清新開胃😎炸軟殼蟹反卷（$78)上枱O嘴大件到！有6大件！真係眼闊肚窄 當然就飯多😂目測一件已經係半碗飯😂不過軟殼蟹都炸得幾脆入面又有啲青瓜絲拌 冇咁漏三文魚壽司 ($18/件)舊飯真係好大😂 三文魚好薄切Normal😂 不過佢個飯撈壽司醋都好食嘅京蔥拖羅茸壽司 ($21/件)又係超巨型 都幾香京蔥味如果凍d就再好d 不過都好食！呑拿魚壽司 ($14/件)一般 有筋 唔推介燒鰻魚壽司 ($26/件)好長嘅鰻魚 正常啦 有點口感嘅鰻魚火焰雪花腩壽司 ($72/3件)三小件 有點後悔叫左呢個性價比低d 不過個雪花腩又真係高質d滑d入口即溶d 加上火焰左有3種味 香草、海、鰻魚汁但食落唔大分別😂整體係sell大件 味道正常冇咩質

歷史悠久的元朗一番日本料理開業十多年以上依然屹立不倒，週末經常門口很多人等位。讀書時期我經常會和同學來食午餐，餐廳壽司大大件很抵食。今次帶老公來試試，順便舊地重遊。😄首先當然要點刺身，三文魚（2片）、油甘魚（2片）、帶子（2片）、北芪貝（2片）、北極翡翠螺（1隻）一大盤刺身$78，每款都很新鮮。店員推薦珍寶赤蝦刺身$11一隻，赤蝦本身很鮮甜，時令生蠔🦪$15加點檸檬汁新鮮滑口。👍🏻三文魚壽司、鰻魚壽司🍣，貫徹大大件。😃是日便當金菇牛肉便當（沙律）、三點刺身、附甜品，是日便當$68還會不定時轉換款式。南瓜、蕃薯天婦羅，炸到外面鬆脆剛剛好。👍🏻照燒雞扒烏冬，今日好想食烏冬，奶白色豬骨湯底湯味很濃郁但不會感覺油膩，雞扒煎到雞皮少少焦脆，食落很香口。😋餐廳裝修充滿日式簡單格調，坐得舒服整潔，店員很有禮貌值得一讚。現在堂食還送飲品、甜品。整體來說餐廳食物新鮮，價錢親民，用餐愉快。😊

返工返到咁辛苦 放工梗係要好好慰勞自己啦 今日放工返到去元朗決心試一試平時要大排長龍嘅一番日本料理叫咗個香酥甜薯條 個薯條即叫即炸 份量好夠 炸到外脆內軟仲有淡淡嘅甜味好好食另外仲叫咗雞軟骨 亦都係即叫即炸配合埋檸檬汁開胃又爽口串燒總共叫咗四條分別係翠玉瓜 豚肉 牛舌 雞肉串翠玉瓜串燒燒到外層有少少焦香內里好多汁 口感好豐富牛舌串燒燒到啱啱好熟食落好嫩口雞肉串個燒汁非常出色 師傅啱啱好燒到雞肉熟 完全唔會嚡口豚肉串燒肥瘦啱啱好唔會太肥食落去亦都亦有油脂香味最後店主仲送咗個蜜瓜俾我做甜品 個蜜瓜好甜又好多汁啱晒結束呢一個燒肉之旅

今晚6:30到達食店時, 已經有Waiter在門口招呼, 服務態度不錯. 而且店內佈置都是日式風格, 真的很棒 我點了"是日便當"—性價比高，$68蚊好大份，有6件刺身、3件壽司、4件唐揚炸雞、2件飯團、1碗湯、跟餐仲送野飲同甜品, 份量十分足夠, 當中的帆立貝刺身同埋三文魚刺身都十分新鮮好食呢朋友就點了, $68元的照燒雞排烏冬, 有足夠的燒汁配上皮脆的雞排, 食完都十分滿足. 另外我們選了$28的炸蕃薯條, 呢個真的十分驚喜, 脆得黎好重蕃薯味, 而且擺盤真的擺得好靚呢總括兩個人$180食得好飽,  下次會再幫襯, 但重點會嘗試其他的剌身呢

今次去左一番試下，聽講呢度啲壽司都係出名大大件。我地嗌左平時會起田中嗌既反卷，三文魚刺身，再加其他壽司，諗住對比下。反卷同壽司都真係多飯既，但三文魚刺身就失望了，好薄，田中肥厚好多。不過佢呢度送嘢飲同埋最後送咗西瓜。

疫情之後都仲未返過鄉下，思鄉之情大發，作為元朗人想食日本嘢一定諗起一番呢間壽司舖，係我中學嘅童年回憶，出名大大舊壽司，餡長飯小，良心價、份量多，所以次次經過都會見到都勁多人排隊，今次勁好彩，揀啱時間，唔使諗即刻入。📌壽司系列日本海膽壽司 $48 顏色鮮豔吸引，一睇就知靚嘢，好難得今次咁捨得食好西，偶然一次就豪啲😛鮮甜，一食即刻心心眼😍松葉蟹膏壽司 $18松葉蟹嘅味配上佢嘅膏，完全冇腥蘇味，仲要一大pat，又係即刻心心眼😍海虎蝦壽司 $15好fresh 嘅蝦味👍🏻雜錦魚生碎壽司 $15滿瀉嘅魚生碎，雜錦嘅魚生滿足曬選擇困難嘅我，可以一啖過好貪心甘食曬幾種魚😆玉子壽司 $9好香嘅蛋味，完全冇我最怕嘅雪藏味，正📌日本磯煮鮑魚刺身 $29好細心咁切開三片，好煙韌，好奢侈嘅感覺😈📌鮮茄牛肉湯烏冬 $38濃濃嘅蕃茄湯配上一大匙羹嘅牛肉，連埋一口一口煙煙韌韌嘅烏冬，咁大碗都係38蚊，仲想點😱📌巨峰提子乳酸🍇 +$15夏天一大解暑嘅飲品，味道酸酸甜甜，即刻開胃曬🫦💸連加一$206📍一番日本料理元朗教育路29號地下C號舖#一番日本料理#一番#元朗#童年回憶#日本#壽司#性價比高#良心價

依間壽司舖出名相撲壽司 意思即係件件壽司都好大件 🤭🤭佢單點係一件壽司 但係呢度嘅一件壽司可能等如出邊嘅兩件 所以如果細食嘅你係可以要求小飯黎到嘅時候真係俾佢個size嚇咗一跳 睇相嚟講一定要有隻手掌喺隔離做比較先顯得出佢嘅大份 D魚生非常之新鮮 而且每舊壽司平均價錢都唔算好貴 所以我會覺得性價比超高我會推薦佢嘅三文魚同埋鰻魚壽司 基本上魚生嘅份量大就唔使講 同埋佢個蟹膏蟹肉壽司亦都係非常之好食總括嚟講呢間壽司鋪大件夾抵食 大胃口嘅你可以來挑戰吓