民聲冰室

Open Now

Now Closed

已經食咗好多年 每一次依然咁鍾意 因為實在太好味， 還有手撕雞都好正！ 個肉餅整得好鬆， 個汁先至最好味 每次都加碗飯 ； 雖然地點不算太方便 但係絕對值得去，位置不多但一般唔駛等好耐都會有位

岩岩睇完電視講，即刻諗起咁耐都未寫過民聲冰室，呢一間既蒸肉餅，係我食過咁多間裡而最好的。蒸肉餅如早前所講，不能用肉餅來形容，用一個”塔字”來形容比較好，因為大大話話都有5-6吋高，最頂放上了一顆圓潤爆油既咸蛋黃，十分鬆化，而且味道鮮美，咸度剛剛好，用黎送飯或就咁食都同樣回味無窮，因肉餅內有足夠既肥肉，肉餅無肥肉就失去了應有既鬆化感覺，而且生粉也下得很少，沒有漿糊既感覺，完完全全超出了以往對肉餅既觀感。豉油薑蔥雞，份量頗大，肉質非常之嫩滑，皮下脂肪唔會太多岩岩好，而且雞味十足，唔似冰鮮雞的味道，但又一定不是新鮮雞，感覺真係好似用冰鮮雞做出新鮮雞的味道，配上甜豉油，夾著薑蔥一起食，更加美味。反而接著的紅酒牛肋條，雖然味道不俗，但只是一般，紅酒燜野應有既酒香及果香，沒有太大感覺，可能茄味完全覆蓋。另外，肉質雖則已經燜淋，但由於太大條既關係，並且有塊筋膜連著，，食落好似無咁方便，如果可以一開二就更加好啦。另一招牌菜 - 泰式炸排骨，估唔到咁普通既炸排骨，配合泰國辣雞醬係咁好味，排骨炸得酥脆，醃得很入味，呢到既特式擺法，向上疊，真係有趣。蝦醬通菜，炒得很入味，唔錯唔錯。汽水用上大支裝可口可樂，還