得龍大飯店 (Moved) New Location

咁好天氣, 先去左郵輪碼頭行下, 諗下食乜好, 近近地就決定去新蒲崗尋味 ! 我地一行4人去食飯, 由於時間尚早所以都唔使等位...見到金錢雞, 但好似需要預定先有得食, 咁就厚住面皮問有冇得食啦, 好彩有得order, 味道幾好,濃濃既子薑味,食落去都唔算太過肥膩. 總體黎講食物質素同價錢都可以接受. 值得試下

一班朋友12人諗住吃咩好呢！？大家都提議搵好野食......朋友推介位於新蒲崗的一間舊式大飯店，盡管訂位試試啦！在OPENRICE搜尋，原來部份菜色要先預訂....如太爺雞、金錢雞、鴨腳包、風沙雞。我地就訂訂一試。當日淨睇門口唔算突出，有點舊，無咩特別，入到飯店內地方雖然唔大，有點迫！總之"舊式飯店樣"啦！大家一坐低...就攞個Menu睇，有好多都係OPENRICE推介食品！我地一早訂左金錢雞、鴨腳包...這懷舊菜。精裝佛跳牆：12位用$888，有蹄筋、花膠、海参、竹絲雞、瑤柱、田雞、赤肉、火腿，非常足料靚湯。（超好食）金錢雞：是一層肥膏一層雞肝一層叉燒，沒有想像中肥膩。（好食）鴨腳包：是懷舊菜，卷著鴨腳、火腿、芋頭、肥豬肉，亦沒有想像中肥膩。（尚可）風沙雞：不算嫩滑，有點煙燻味，不算驚喜。（普通）蒜蓉茄子：好入味，好香蒜蓉味，食入口無油膩感覺。（好食）蟹蒸燸米飯：蟹OK，燸米飯普通。（尚可）話梅豬手：豬手入味，那點酒香，話梅酸酸甜甜，十分醒胃。（尚可）咕嚕肉：鬆化可口，比外面一些酒樓好食得多。（好食）馬拉糕：熱騰騰，鬆軟，不算太甜。（尚可）馳名的蓮蓉西米焗布甸（好食），外層焗到焦香，