閨•家 (寶榮大廈) (Closed)

因為同女朋友都係喺喺港島返工，收工之後都會搵吓啲港島嘅餐廳去試吓，估唔到咁啱俾我搵到呢間咁好食嘅小店！坐落喺炮台山嘅 「閨·家」，喺地鐵站行三分鐘左右就到，去到嘅時候係夜晚八點幾，人流唔算多，就咁入就有位….以佢OpenRice咁高評分，估唔到咁好彩撞正冇乜人嘅時間嚟….坐低咁啱坐中冷氣出風位，就算我著恤衫坐慣office 都覺得有啲凍，亦都可能係咁，啲嘢食凍得有啲快，所以所嚟緊下面所有食評都以身一啖為準….個餐牌都有好多選擇，以晚餐嚟講，價錢真係好貼地，50蚊樓下就叫到個飯再包湯，喺港島區嚟講算係少見！我同女朋友分別叫咗蓮藕餅豬扒飯同埋手撕雞飯，大概等十分鐘左右就整好。喺等緊嘅期間，佢送咗佢地自家製無味精老火靚湯，雖然份量唔大，但真係好足料，飲到濃濃嘅肉味，調味又唔會過咸，喺出面真係好難得會有餐廳花幾個鐘落足料唔落味精咁煲！仲要係跟飯送嘅！果然係良心小店！之後嚟嘅係熱辣辣嘅手撕雞飯，本身以為佢會係類似厚興瑜記個隻味，但食落發現佢嘅調味幾有特色，配合濃濃嘅沙薑醬，算係幾唔錯啦！不過雞嘅質感有少少梅，同埋佢冇皮！就唔係咁啱我呢啲雞皮愛好者啦之後就到招牌菜，果然名不虛傳！呢個豬扒，我俾10

Homie food & dessert @ north point - 用心製作的家常便飯💛👧🏻 ate...蓮藕餅豬扒飯👧🏻 wants to say...有睇過yellopenrice嘅朋友應該都有聽過哩間餐廳 就係杜生係咁話太平嗰集 食過就會明 48蚊有老火湯又有塊同我塊面差唔多大嘅豬排仲有勁大塊蓮藕餅 原來店主用咗你汁同埋秘製醬汁將豬扒醃過夜 唔怪得知塊豬扒咁鬆軟喇衰鬼🙌🏻😻重點係喺呢間舖頭食嘅所有嘢都係冇味精❣️😻雖然我對味精冇過敏但係次次食開落左味精嘅嘢都會好容易口乾 今次食左成個飯連水都冇點喝❣️😨知依個蓮藕餅都好有驚喜 食落唔會好粉 蓮藕粒令到成個肉餅好爽脆之餘肉量仲好足 又煎得啱啱好又唔會太窿😽個人認為還有改善空間就係個飯 落多咗少少水乾身返少少就完美喇💛想食下家常便飯嘅港島人記得嚟幫襯啦💛

今日又黎到呢間位於蜆殼街既隱世小店：閨家啦😍😍😍😍叫飯類既話會附送一碗湯，好足料既老火湯😍😍，淨係碗湯都值回票價🥰🥰之後就到招牌豬扒飯啦，一如以往豬扒飯個豬扒醬汁惹味，好juicy，好食👍🏻👍🏻👍🏻而個蓮藕餅，就真係第一次食，結果係超超超超級好食，食落去仲食到一條條既蓮藕😍😍，黎到值得一食😍😍之後到呢個人人叫好既豬手飯，豬手同花生都好冧，好入味，個南乳醬又好食，撈飯食一流，好味，係豬扒飯外既另一選擇😍😍

"閨家"嘅屯門分店比popo同正苦借「投訴」之故, 不斷騷擾, 搞到無奈結業, 當然要身體力行去炮台山分店支持一下!💪🏻呢間良心小店名符其實, 食落真係好有家的感覺, 又主張唔落味精👍🏻出名招牌豬扒飯, 有豬扒2塊thanks! 😂但第1次黎梗係試多d😌, 點左"蓮藕餅豬扒飯", 仲包埋抗疫老火湯, 竟然50蚊都唔洗, 實在太過份😦😦, 大家真係要夾手夾腳多d去懲罰下佢先得!🙏🏻🙏🏻🙏🏻當日老火湯係蓮藕章魚煲排骨湯, 原來呢到老火湯都係用慢火熬製4個鐘以上, 好用心呀!😳飲落好清甜又唔淡, 唔似平價茶記一係加勁多水變到好淡, 一係就勁多味精, 好似呀媽煲開嘅味道XD😆豬扒好大塊鬆軟, 店主用鮮梨汁同埋秘製醬汁醃過夜, 取代砂糖、梳打粉同味精, 入口有果香好惹味, 必食呀!🤤🤤配菜有薑蓉同雪菜, 同豬扒汁, 撈埋飯食勁夾, 食到一半見到有人點餐時可以叫多汁, 部份飯有煮得比較淋唔平均, 大家有機會去食都記得叫多汁, 用黎撈飯更好!🤨而蓮藕餅幾爽脆, 蓮藕肉量好足, 唔會太煎得太過, 調味亦岩岩好, 但就有少少油膩, 呢到仲有製手工麵, 下次再黎試埋先~P.S: 午餐時段, 任何飯類會送上

今晚屋企人出街，屋企冇飯食，放工後要自己一個人出街食，食完先返屋企又要上OpenRice搵嘢食，最後搵到一間小店叫「閨·家」，食評好似唔錯，最重要係一d都唔貴未夠7:00PM已經去到餐廳門口，已經有人排隊，我叫左「招牌豬扒系列 - 蓮藕餅豬扒飯 $48」，所有飯類贈送老火靚湯(小)整體來講，味道係唔錯，聽職員講，老火湯唔落味精；對於繁忙都市人嚟講，放工有一啖湯水飲，係一件唔錯的事價格💰：$48味道😋：OK

17:30要去到太古所以16:00就過嚟試吓呢間社生介紹嘅黃店！因為時間唔早唔晚 所以人流都唔算太多 唔需要排隊入到去量一量體溫 但係都要搭枱咁我就叫咗招牌蓮藕餅豬扒飯 連一碗細湯 都只係$48 因為怕食得太飽所以叫咗小飯一塊 豬扒 一塊蓮藕餅 一小份姜戎 一小份鹹酸菜叫老實講嘅話塊豬扒同蓮藕餅都幾多油最後我都係食唔晒啲飯 不過除咗多油之外味道真係唔錯嘅塊豬扒真係好大塊 但係因為佢冇比到差我所以其實咁大塊真係好難入口 佢Menu張圖係有切開嘅 但係上到碟就成塊冇切過 不過都唔太緊要嘅碗湯都幾好味港島區嘅人有口福了

一直都知道呢間餐廳主打自家經營，入面食嘅野都係全無味精，好有媽媽係屋企煮嘅感覺，今日終於都去試下佢！地點：餐廳雖然好近炮台山地鐵站（大約五至十分鐘路程）一出站向天后方面行就到。坐巴士嘅話就會再方便，行五分鐘內就到。環境：餐廳用左粉紅色主色作設計，除左舖外，連入面都係用左粉紅色做主調，而成間餐廳最大嘅果果度牆畫左一大幅獨角獸+城堡嘅畫，感覺有如置身於小女兒嘅房間之中，十分fancy係抗疫期間仲放上「安心用餐四部曲」黎提提大家要注意衛生，而且告示設計富有創意，真心好正！食物質素：青欖青蘿蔔杏汁煲豬展午餐時段每款食物都會送上一碗老火靚湯，而且每日都會有唔同款式同唔同攻效。今日呢個湯主要係生津解毒，入口清清甜甜，味道啱啱好，最緊要佢係老火湯，一啲味精味都無！不過份量就相對少啲，而且無乜湯渣食。秘製咖哩柳飯（$51）聽聞呢間店最出名就係佢嘅秘製咖哩，果然無令我失望！佢嘅咖哩食落真係好有港式自家製馬來咖哩嘅口味，味道唔太辣（辣度可以自選的）椰汁味比較重，加上魚柳煮到淋淋的，吸晒所有咖哩汁嘅味道，相當惹味！唯一要彈嘅地方就係佢啲飯煮得比較淋，如果煮乾啲嘅話就可以更加提升咖哩汁嘅味道！蓮藕餅豬扒飯豬扒

2020年3月16日。晴。炮台山。呢日屋企冇飯食，放工就同同事一齊喺附近搵食喇～撳下撳下見到呢間黃店，就食佢喇！一坐落店員就好貼心咁擺低兩個抗疫信封畀我哋～～見到仲有酒精搓手液添～餐廳入面牆身畫咗好夢幻嘅獨角獸～啲凳仲要係粉紅色，成個風格好少女～餐牌最引人注目就係呢個招牌豬扒系列～見到都流晒口水！仲要有湯送～供應時間係11am至2am！換言之即係全日供應咁濟！晚餐都只係$45，呢個時勢真係買少見少！另一樣引人注目嘅就係呢個色彩繽紛嘅手工麵～嗌飯餐嘅話會有湯送，仲要每日轉款！！！凍檸茶，跟餐+$5可能太耐冇飲凍檸茶喇～覺得好好飲～凍奶茶，跟餐+$5同事嗌嘅凍奶茶，都唔錯咁喎～抗疫老火湯，跟餐免費有湯飲～星期一係青欖、青蘿蔔、杏汁同豬展介紹度寫嘅功效係青欖利咽生津解毒，杏汁止咳平喘好啱呢排飲呀！！仲要係不含味精！健康好味～蠔油生菜，跟餐+$10除咗生菜仲可以揀菜心唔鍾意蠔油又可以揀豉油～蓮藕餅豬扒飯，$48飯量非常多，最後食唔晒。。。早知叫少飯喇，唔好浪費～有一塊藕餅同一塊招牌豬扒～藕餅睇落平平無奇，食落喜出望外！口感有層次，蓮藕嘅質感爽脆，但又未去到食落嗦嗦聲嘅地步同肉碎撈埋整成肉餅，煎

近期出面好多病菌，除咗帶口罩同做好個人衛生，食得健康啲，增加抵抗力都好重要！不如，今日就飲番碗老火湯，滋身補益啦。不過，我又唔識煲湯，而A姐又要番office返工，所以近近哋去到屋企附近，位於炮台山嘅閨•家，價錢夠實惠，仲好有家嘅味道。蟲草花冬菇煲雞湯星期一至星期日，日日都唔同款！呢個跟餐嘅老火湯，細細碗但就好足料！湯渣勁多，有蟲草花同冬菇，個湯好濃好甜，而冬菇入晒味又夠稔。完全無味精同唔口渴！麻辣雞腎小食方面，揀咗麻辣雞腎，麻香但唔辣，好有口感。蓮藕餅豬扒飯呢度嘅招牌菜就係豬扒，香茅味好香，而大大塊既豬扒勁鬆軟，如果可以厚切小小就更完美。而蓮藕餅都唔錯，表面乾身，但咬落去仲有肉汁咇出嚟！咖喱雞飯辣度都有得揀，我哋就揀咗中辣。咖喱香濃，雞嘅份量唔少，仲要係雞脾，好入味！但每次食咖哩，除咗主角之外，啲配菜，好似薯仔同蘿蔔，係更吸引！食到照鏡，好滿足。唔記得影相嘅凍檸茶（少甜），A姐話係佢飲過最好味嘅凍檸茶沒有之一，茶味好濃，比例啱啱好！