第一郡 (Moved) New Location

聞說要搬址去油麻地，所以決定今日去試埋個蔬菜燉牛腩先！$60 配法包，可以加錢配餐飲，我冇叫。紅蘿蔔🥕薯仔🥔各兩嚿，好鍾意個汁😂好似羅宋湯但好多牛腩碎同埋濃稠好多，一睇個色水就知係我鍾意既味道！不過牛腩就唔夠稔，份量都算多啦，雖然個碗唔係深，薯仔唔係粉狀，我冇食，紅蘿蔔都入味，法包鬆軟即烘新鮮！如果可以，我想要個🥕🍅汁配法包🥖老公就再食蟹膏蕃茄湯河，今日落黃雨唔洗等位仲比佢試到班蘭綠豆糕！面層太煙韌，中間夾綠豆，一致覺得其他糕點較好食😂跟咖啡$10☕️

以前經常光顧Q1第一郡的天后分店，可惜天后分店已經結業，終於來到深水埗本店懷念一下熟悉的味道。最推薦蔬菜燉牛腩配法式麵包，不過屬於假日限定，大家想吃這道菜只能星期六日去（不過要有心理準備要排隊），一口下去超級感動，非常好吃，牛腩燉得不軟不硬，醬汁用作蘸麵包最好吃。蟹膏蕃茄湯檬是另一熱門菜式，蕃茄湯清甜得來非常開胃。牛油果冰沙也味道濃郁，喝一杯已經半飽。蔬菜燉牛腩配麵包（$65）蟹膏蕃茄湯檬（$60）左：牛油牛沙冰（$35）；右：青檸梳打（跟餐$18）斑斕綠豆糕（$15）

深水埗好多好西食 哩第一郡係荔枝角道 唔算係深水埗中心地帶 不過就成日都keep住有條隊係門口平時次次去都係蟹膏蕃茄湯蒙+米紙卷+斑蘭糕今次晏左去 米紙卷同斑蘭糕都賣晒🥲然後老公見到蔬菜燉牛腩寫星期六日限定就叫左係蕃茄湯底燉夾埋牛腩係有少少似足料版羅宋湯配埋個外脆內軟嘅法包 其實都幾飽下牛腩係腍架 而且有肥瘦 加埋蕃茄湯底酸酸地所以唔會覺得好漏 同埋唔好諗住食晒啲牛腩同蔬菜就算 好多肉碎佢個湯底查法包不得了😍另外叫左個烤豬肉軟包 都一樣唔會失望個包一樣都係外脆內軟 夾住juicy 豬肉有新鮮青瓜同埋菜 好多texture (如果唔識芫荽嘅朋友記得要講明走芫荽) 加埋個牛油果沙冰 完美

我好鍾意食越南野，所以會周圍搵下邊度有好嘅越南餐廳食,喺網上搜尋到呢間第一郡，所以即刻去試吓。第一次食係3個人去食，我地點左勁多嘢食：越式法包$40、蟹膏番茄湯檬$45、蔬菜燉牛腩$48、斑蘭豆糕兩個（每個$13 ）、糕點四個每個$24 、牛油果沙冰一杯$28，總共$211,每個人$70。我哋外帶左其中一個班蘭綠豆糕和一半法包，因為我地兩個男仔一個女仔三個人都係食得超飽！飽到想嘔！😂你間鋪頭好細，入面只有十幾個位，食物品質真係唔錯，而且份量好多，價錢係好符合返嗰個質素，CP值係好高，係我係香港食過咁多間越南餐廳，我覺得係非常之值得推薦這一間，呢一間算係我食過最好食嘅一間。我個人特別推介蟹膏番茄湯檬、越式法包、班蘭綠豆糕。蟹膏蕃茄湯檬：熱辣辣，勁足料，材料又新鮮，湯底又甜，一d腥味都無，我之前去荃灣試過一間的蟹膏番茄湯檬係有腥味又凍。越式法包：都係必試，好多料！法包外脆內軟！勁好味！班蘭綠豆糕：好特別，外面無見過，唔會太甜，好香！我之後又去多次，試埋個米紙蝦捲，兩條$32，個人覺得麻麻地，好齋，米線好多！

與家人港島遊完畢後，我們還是喜歡到深水埗尋吃的，深水埗美食多元化，價錢相宜，有很多小店我們亦未曾嚐過。就如這晚吃的第一郡，我去了好幾遍不是休息，就是店主外出旅行十多天，或是關店，今次來到有營業，我當然堅持要吃。我們三個都各自品嚐不同風格的主食，媽媽吃蔬菜燉牛腩，弟婦吃烤豬肉撈檬，我則嚐蕃茄蟹膏湯檬，三種菜式看來美味可口，令我們口水直流。媽媽頗喜歡蔬菜燉牛腩，她說蔬菜湯汁香甜中帶微酸，濃郁極致，沾點外脆內鬆化的法包，好不味美。薯仔，紅蘿蔔經已燉得綿密，牛腩肉質軟腍，挺有肉香。弟婦原以為烤豬肉撈檬乾巴巴的，因為一般吃撈檬時都會附上一大瓶魚露醋汁，這裡竟然沒有。她再翻一翻檬粉，原來餐廳都調好，檬粉內滿是魚露醋汁，酸香開胃。檬粉是白色的那種，較平日所吃的更具米香和咬勁，烤豬肉脆彈萬分，香味撲鼻。我朝思暮想的蕃茄蟹膏湯檬終可一吃，蕃茄蟹膏湯頭鮮甜得沒話說，蟹膏精華發揮淋漓盡致。扎肉彈力十足，豆卜毫不浪費吸飽熱湯，入味非常。豬紅我就沒吃，本身我不吃豬紅的，故全給弟婦吃。最驚喜非蟹膏餅莫屬，個人首次吃這，蟹膏餅濃重鹹香，同時吃到絲絲蟹肉，口感，味道層次多變，回味無窮。