YakiniKuu Japanese Bbq (Moved) New Location

適逢舅父壽辰，靚靚媽咪就叫小肥揀間新野一齊慶祝。肥肥家族經常都有幫襯「山下」、「蟹道野田」、「壽司喰」，因得悉同集團仲有間日式燒肉店「YakiniKuu Japanese Bbq」家人未去過，所以就決定大好日子去試一試。隱蔽於歌賦街暗角o既燒肉店面積一啲都唔細。正門有間通風o既酒吧陽台，估計飲客可以喺嗰度邊飲邊抽煙。用餐大堂分開右邊o既二至四人卡位。及左方合併式o既二至六人散座；全部都有獨立式抽油煙機，感覺極之衛生。店子牆身掛出牛隻解剖圖及啤酒卡通，直接到題。餐桌上有齊備o既餐具及燒烤廚具。最衛生當然係每人有塊掛頸o既紙圍巾啦！餐店晚市有三款套餐可選，價位唔算過高，又可以叫黎分，個人覺得最划算。嘻嘻，生日派對由細佬負責點菜喎，唔洗諗更係五個人分四個餐啦！點選套餐隨咗有追加項目之外，最抵就係可另加$120玩兩小時生啤放題。如果唔想叫套餐的話，散叫項目及小食都有兩頁半之多。單點飲品同樣有兩頁半。由於屋企人唔係咁好啤酒，結果就即場開咗兩樽日本清酒。要讚o既不單係店內全體服務生態度都一樣和藹好客，斟酒更加係專業有效率，換酒後會自動換埋杯，見到不潔o既碗碟亦會立即換掉，當真令人食得飲得都咁放心。

老公生日lunch就食咗台式料理, 晚飯我倆就去咗一間位於中上環日式燒肉店「YankiniKuu Japanese BBQ」。今次揀烤肉店完全為咗滿足"食肉獸"嘅老公, 平時屋企盡量少肉多菜, 見佢生日就畀佢食盡啲。上網見中上環有幾間日式燒肉店, 最後揀咗YankiniKuu係因為價錢及評價都唔錯, 所以就走去試試。我地好早去到, 初初得兩三枱人, 心諗中伏? 原來七點後陸續多人, 而且滿座。既然老公生日, 就豪少少, 叫咗精選晚餐食Kuu Omakase,套餐都幾豐富, 包括:1) 季節沙律2) 是日精選牛扒3) 上等和牛壽喜燒4) 牛舌(薄切)5) 特選牛肉5款6) 是日廚師推介7) 和風牛肉烏冬8) 牛肉壽司9) 雞腿肉及豬腩肉10) 附上前菜、餐湯、白飯丶蔬菜條及Menu雖然每種肉只有兩至四片,但當食完成個餐真係好飽好滿足。講返啲肉, 其實waiter介紹完我都唔太記得邊款打邊款, 但大部分都好有牛肉味, 好嫰滑, 好稔。只覺有一款牛的肉味唔夠濃, 但整體好好味! 若追求好似神戶牛果啲雪花肥美的人士, 可能未能滿足。由於我好怕果種油膩感, 所以呢度嘅牛啱我餵口。牛舌薄切亦好正!

歌賦街、九如坊食肆林立, 當中隱藏了一間高質和牛燒肉店, The Kuu Group旗下的 - Yakinikuu。 燒肉店就卧藏於歌賦街樓梯隔離, 狹窄的入口, 一不留神就會錯過, 因為入口隔離的吧檯太搶眼, 食客等待入座前, 可於這裡先喝兩杯。 呈長型的食店室內陳設簡單, 深色座椅跟紅磚牆, 光線柔和, 瀰漫燒肉的氣氛, 除了開揚的用餐區外, 也設有較私隱的卡座。 餐牌分為A La Carte和Omakase, A La Carte的和牛分為三大類: 油花類、 紅肉類和精選類, 可按牛的部位解剖圖及個人喜好選擇, 份量亦分為全份100g, 或半份50g, 非常具彈性, 除此之外也有豬肉、 雞肉和海鮮提供, 而套餐亦有三款選擇。 Yakinikuu有別於一般燒肉店, 用上的是座檯煤氣爐, 火力比一般燒爐强。 抽風系統設置有LED燈, 方便查看熟度。 Kuu Omakase精選晚餐 $480季節沙律沙律菜份量非常慷慨, 蔬菜新鮮爽口, 加上魚乾的鹹香和醬汁, 美味令人開胃。 前菜有3款: 青瓜、 蓮藕和南瓜蓉, 份量剛好, 不會太多影響之後的肉食。 是日精選牛扒於廚房已預先