Soi Eat Thai Cuisine

Open Now

Now Closed

住喺長沙灣嘅朋友仔推介咗呢間泰國餐館比我哋  ，話幾抵食，咁我哋就決定去試試佢😌二人晚餐 $418鳳爪沙律鳳爪份量都幾多，仲要係無骨嘅，酸酸甜甜又夠彈牙，用嚟做前菜真係零舍開胃🤓蝦餅一共3件，對半切開，炸到金黃色，食落脆卜卜熱辣辣，蝦餅夠哂厚身，食落唔係非常爽口彈牙果種，但蝦味就非常濃郁，必點👍🏻通菜用咗馬拉盞炒，食落有微微蝦米嘅咸香，份量都幾足，重點係佢唔辣，啱哂我哋呢啲怕辣嘅人🤣酸甜蝦球配薄餅個感覺係咕嚕肉嘅變奏版，用蝦球代替，蝦球都幾多，酸甜度適中，用嚟食薄餅又出奇地夾，本身個薄餅齋食都幾好味，再配埋個汁就無咁Dʀʏ喇😉飲品我哋嗌咗珍多冰同泰式奶茶，正常發揮，飲落唔算好甜😗呢到嘅裝修都好有泰國Fᴇᴇʟ，環境都唔錯，整體嚟講係真係抵食嘅，4百頭連加一就可以食到咁多泰菜嘢，質素仲要唔錯，值得一試👏🏻

有時當你行入一間餐廳，第一個感覺或多或少feel到餐館的氣氛或食物對唔對路。呢間餐廳比我嘅感覺就似自己在泰國自助遊、行到攰見到街角一間不顯眼的地道小餐館諗住坐低醫肚飲杯嘢，意外發現食物很用心煮兼且老闆幾nice Thai Style Oyster Shooter 泰式生蠔 > 生蠔新鮮、配料味道唔錯，一啖一隻舉杯吞下、爽Thai Style Chilli Minced Pork with Lettuce Warp正宗泰式生菜包 > 個人覺得呢個幾正，肉碎調味地道有層次，食到魚露、紅蔥頭、南薑、香茅、九層塔、檸檬葉等配料嘅香味，肉末爆得惹味帶少少辣，用咬落颯颯聲的新鮮生菜包嚟食感覺清爽，依家天氣咁悶熱食呢味會開胃啲Chicken in Green Curry青咖哩雞煲 > 青咖哩甜中帶微辣有椰香，內裏乾坤包括嫩滑雞件、茄子豆角香菜香料等，配佢哋嘅薄餅一齊食。剩低啲汁唔好嘥、撈麵或飯又可添多幾碗Crepes 薄餅> 濃濃椰油香未必個個啱，我就覺得幾香且口感酥脆鬆化，4片有啲唔夠喉

放工搵舊同事食飯，我哋行咗去長沙灣嗰邊，以前午餐時間行過嚟始終係有啲遠嘅。由於想食泰菜，所以幫襯咗「Soi Eat Thai Cuisine」，佢係呢區少有嘅泰菜館🇹🇭。店舖面積唔大，一眼睇晒，整體感覺都幾四正。再加上老闆同店員服務態度親切，好有家庭小店嘅感覺☺️。小食拼盆($188)，拼盤內容幾豐富，有四樣項目，包括炸春卷、墨魚餅、魚餅同蝦餅🍤。後面三樣就咁諗落其實會覺得差唔多，因為都係爽口小食。不過每款味道確有明顯分別，魚餅令人印象最深刻🐟，因為好重薑味同香茅味，而墨魚餅就係三款之中最彈牙🦑。炸物配酸辣醬食好搭調，而且亦好似無咁熱氣。黃咖喱牛腩煲($168)，咖哩以煲仔上，全程熱辣辣暖住，好啱呢個天氣食🥘。黃咖哩幾香，但略嫌辣度偏弱，唔夠惹味。牛腩有好多件，肉質唔韌，又夠大粒，食落富有咬口🐮。薄餅($38)，食咖哩一定要配嘢食，如果嫌白飯太單調，就可以選配薄餅。🥙薄餅一客有六件，每件均烤至外脆內軟，就咁食都經已幾正。蛋網海鮮炒金邊粉($138)，炒金邊粉造型幾精緻😍，蛋網完美包裹住Pad Thai。金邊粉炒得夠爽夠均勻，條條分明，並無漿埋一餅。另外，金邊粉加入咗唔少配料，例如有鮮蝦、

住喺度咁耐，附近呢間泰菜係我覺得最好食架啦！ 都開左有三年幾四年！佢地既門口好正。唔多似食店，如果無出面個凍櫃，都唔知係餐廳。老闆話有客人以為係一間泰式按摩店添吖🤣疫情關係都係外賣啦！但佢地外賣都唔馬虎架！有啲菜裝飾墊底👍生菜包(豬)：最小辣，keep住水準！次次食泰國嘢都一定要叫！馬拉盞炒椰菜苗：我自己麻麻椰菜苗，都覺得好食！炸蝦餅: 脆，彈，正！黃咖喱牛腩: 我冇跟飯配左個薄餅，如果有飯肯定食幾碗吖！但配薄餅都好好食！薄餅好脆酥皮，牛腩淋，好夾👌泰式炒金邊粉: 都係keep 住個水準！燒豬頸肉: 有燒到脆邊架，刀功扁得好！塊塊均勻。個汁少辣，但惹味😆冬陰功湯：最少辣但係都好辣！好飲既。