壹壹漁一 (Closed)

呢間邊煱位於大角咀一間酒店內, 唔係朋友住附近都唔係好知佢既存在, 甘啱去大角咀探朋友, 大家都話係附近食算, 所以就黎試下啦!! 話晒係酒店內, 裝修同佈局不竟都唔差得去邊, 空間感又非常之好, 坐得好舒服呀!! 我地一行三人, 所以點左呢個自游火鍋餐同散叫左D食物~~我地揀左壽喜燒湯底, 喜歡佢清清地...呢碟係跟餐既澳洲M4 Oyster Blade及牛肩背+日本四完豚肉, 眼見脂花均勻, 食落牛味好濃, 肉質都好嫩, 亦唔覺得好肥膩, 屬於高質牛肉及豚肉~~作為一個海鮮控, 一見到呢盆海鮮併盤當然都會失控啦!! 併盤時令海鮮係視睇當日有乜靚海鮮由餐廳安排的, 今晚有鮑魚, 生蠔, 海蝦, 元貝, 蟶子同貴妃蚌, 每樣都好大隻同好新鮮, 特別喜歡海蝦, 肉質夠彈牙, 而元貝同貴妃蚌又超級鮮甜, 好滿足呀~~跟餐仲有個田園菜籃, 入面有唐苟, 粟米, 蘿蔔, 雞肶菇同冬菇, 除我唔食唐苟, 每樣都OK, 其實都好多人唔食唐苟, 如果可以轉其他菜就更加好啦~~以下就全部另外散叫的...薑汁皮蛋貢丸配椒麻貢丸    HK$68薑汁皮蛋貢丸配椒麻貢丸係必食之一, 兩款丸都係第一次試, 味

朋友話帶我去大角咀打邊爐，仲話一定有驚喜，心諗，大角咀打邊爐係人都估到邊間，有咩驚喜，點知真係有驚喜，位於旺角帝盛酒店2樓，一入到去，就見到一個大酒櫃，成幅牆咁大，放滿酒，環境舒適，而且檯與檯之間嘅空間好大，更重要係張枱都好大，打邊爐最緊要枱大，又放爐，大又放食物，呢到嘅枱都仲有空間沙參玉竹杞子胡椒燉鮮豬肚雞湯 $288一坐底，經理就推介胡椒豬肚湯，佢話係季節限定，仲要每日供應唔多，係要好花時間整嘅，要煲兩小時，個湯仲好保好正，反正未試過，就要一個，真係有驚喜，上菜時，只見到隻豬肚，咁隻雞呢，完來隻雞係個豬肚入面，好震撼，上面仲有好多藥材，有沙參、玉竹及杞子等，店員先夾起個豬肚，然後就拎入廚房切件，我哋就飲住個湯先，個湯好濃，有胡椒香，不太辣，好好飲，食咗粒杞子，好甜，好暖胃，飲咗三大碗，下次同朋友來一定要訂咗先豬肚斬件上碟，好大碟，雞同豬肚好淋，豬肚比平時食嘅薄，可能係包住隻雞嘅關係，實在太大碟，又想食其他嘢，決定打包一些回家七味炸魚皮肉 $68炸魚皮佢哋自己炸嘅，特別係加咗七味粉，唔打邊爐，用來送酒都好正，的確好脆，粉漿好薄，加咗啲七味粉，所以有少少辣，佢仲話如果唔食得辣，仲可以落

呢度平時食buffet，夜晚就打邊爐嘅，信唔信得過㗎？不過旗袍個朋友話好得㗎喎，我又唔介意試新地方嘅，最緊要好食，咁是但啦試吓囉！呢度環境好舒適，檯與檯之間嘅空間非常多，講是非都唔怕俾隔離檯聽到！沙參玉竹杞子胡椒燉鮮豬肚雞湯 ($288)胡椒豬肚湯就飲得多，攞嚟打邊爐就真係第一次。上菜時好震撼，真係一大個豬肚包住成隻鮮雞再加埋沙參、玉竹及杞子等一齊煲2個鐘。之後點員會切開豬肚，再斬件上碟，好大碟呀，豬肚盡吸雞湯精華，又薄又唔臊！湯有胡椒香，少少辣不過OK，飲完暖晒，未開始打之前已經飲咗好幾碗！七味炸魚皮 ($68)經理強烈推介，係佢哋自己炸嘅，粉漿好薄，夠晒大塊，食落好脆，魚皮上加咗啲七味粉，微辣咁樣又幾有新意，如果唔鍾意食辣嘅可以喺落單時走七味粉本地手切牛頸脊 ($288)啱啱先送貨嚟嘅，係用閹咗嘅牛嘅，叫騸牯牛，貨源唔多，係餐廳識窿路所以日日都有貨到。呢種牛嘅脂肪會分布均勻，令每片肉都有細緻嘅雪花紋理。牛頸脊即係牛耳對落嘅肉，油脂唔會好勁，所以鍾意食唔肥牛嘅朋友就啱喇，肉質鬆化鮮嫩，肉味甘香得嚟又唔臊響鈴 ($68)喺腐皮名店樹記入貨，包好成響鈴嘅形狀之後先拎去炸。第一次見咁薄嘅響