六合小廚 (Closed)

之前睇評論已經比個香辣/避風塘炒蟹🦀燒著左，就一心過黎食，點知好早就賣哂了！😭想食記得打去預訂呀！下次一定再試！-1️⃣避風塘茄子🍆 $88［滿星］⭐️⭐️⭐️⭐️⭐️‼️炒蟹賣哂，老闆就推介依個，都彌補到我一半慾望既🥺避風塘蒜香味十足，蒜甘口焦香，脆而不煳，蒜香味與辣味、豉味結合，而天椒乾用四川的夠香夠辣，達到了一種口味的平衡，香、辣、惹味俱全😍茄子煎得金黃酥脆，而不索油💕/2️⃣秘制沙拉豬扒 $88⭐️⭐️⭐️⭐️醬汁似京都豬扒+沙律醬混合左既味道，酸酸甜甜，十分開胃！而豬扒煎得外邊香脆，口感不錯💕/3️⃣薑蔥鯇魚腩煲 $98⭐️⭐️⭐️⭐️薑蔥爆得好香，黎到既時候炸炸聲😍鯇魚腩骨唔算多，而且都粗粗地，唔會難吐骨，魚肉都好新鮮，好滑🥰-環境：6.5/10服務：7/10好味指數：8/10回頭率：7/10

今日出左尖沙咀行街，行到廣東道Apple店附近有棟大廈有好多姐姐介紹自己餐廳，同友人見好耐都冇食過茶記，又見星期五其他地方難搵位，於是便黎到7樓這間六合小廚試下。原來呢間茶仔有做早餐的，都唔算好貴，可惜唔係係呢頭返工！除了有普通茶仔食到既飯外，仲有車仔麵、燒味、雞煲食，食物幾多元化。因為我跟友人好耐冇食燒味的關係，於是點了燒味飯、海南雞及一個小菜試試！燒腩仔叉燒飯($54)，叉燒燒得個邊脆脆地，半肥瘦既肉，岩哂我食！燒腩仔個皮脆卜卜，而個飯亦加左色，唔會好dry!海南雞飯套餐（$60），呢個餐有飯有例湯，飯係平時海南雞飯的油飯，雞肉嫩滑，配埋附有的醬汁一齊食更惹味！薑蔥鯇魚腩煲($98)，上菜仲係熱辣辣沙沙聲，魚腩跟以往出面食的不同，大大舊多肉!味道剛剛好，用黎送飯一流!燒味飯同海南雞飯+$7可以有凍飲!呢個價錢夜晚係尖沙咀食飯黎講都OK!而且餐廳其實都多內地人同其他國籍既客人，係一間唔錯既的茶餐廳!

這間六合小廚菜單種類非常多，小菜、燒味、海鮮、麵類、快餐飯類這裡也可以品嚐到。天氣開始轉涼，當然要點番個雞煲暖暖胃。這裡的雞煲不是預先炆好的那種。是以火鍋形式，透過高温湯底即時把新鮮切起的雞肉淥熟，放入鍋內大約煮15分鐘後就可進食。這種食法雞肉會比較嫩滑，不用擔心炆得過耐破壞肉質。胡椒豬肚湯底除左豬肚仲放左排骨熬製，所以湯好香豬骨味。豬肚清潔得好乾淨，無異味。胡椒味不辣不咸，味道温和，迎合大眾口味。最後記得把湯喝掉，精華所在🤤。薑蔥鯇魚腩煲，經薑蔥爆香後味道非常惹味。鯇魚肉份量非常足料。每塊魚肉都有半隻手掌✋🏽般大，啖啖肉。魚肉表皮煎到香脆，口感可口。食雞煲一定要點杯蜂蜜青檸柑桔🍊。柑桔味好重，可以潤喉清熱氣。少少甜少少酸非常開胃。