Paintable Cafe (Closed)

天氣咁熱 weekend最啱就係去cafe chill吓😜 啱啱嘅周末就搵咗呢個壁畫打卡cafe 入面嘅壁畫色彩繽紛 啱晒鍾意影靚相嘅友人 餐廳除咗環境好之外 食物都唔錯㗎🥰帶子黑松露蘑菇意粉意粉上面有外表微煎香咗嘅帶子 配上好香嘅黑松露忌廉醬 可以話係非常經典嘅配搭😆 加上意粉嘅份量真係好夠 醬汁都做到恰到好處 creamy得嚟唔會太膩 真係幾好💛薯條配黑松露醬脆卜卜嘅粗薯條加上黑松露醬真係超級邪惡🍟 令人想食完一條又一條花生醬煉奶牛角包窩夫配雪糕Croffle咬落好脆口🥐 有濃郁嘅花生醬同灑喺面嘅果仁 充滿nuts嘅味道 側邊有啲cream 雪糕同生果平衡返 令呢個甜品唔會過膩😎飲品大熱天時飲野都係揀凍嘅正啦 我哋揀咗Hojicha Latte同Dirty 焙茶拿鐵飲得到茶味同奶味融合得幾好 而dirty就飲到咖啡同奶嘅層次☕️臨走之前梗係要喺壁畫前面影多幾張靚相啦 cafe喺中上環一帶 啱晒食完繼續我嘅文青假日😙

放假同朋友去Cafe輕鬆食個brunch🥳 餐廳內採光度十足，店員亦親切友善，整體感覺明亮而温暖☺️ 餐廳採用手機落單，先點🌈彩虹乳酪($98)，原味乳酪呈淺湖水藍色，配有紅石榴、橙、香蕉、奇異果、藍莓、乾果、穀物同脆脆，色彩繽紛鮮艷又奪目，睇見都開胃又開心🥳主食點咗🦐蒜香蝦鯷魚扁意粉($128)，味道帶微微辣味，意粉係偏乾身及硬身炒意粉，蒜香蝦煎得好香，帶陣陣蒜香味甜品本來想要蛋糕，可惜當日賣哂🥲 所以揀咗🧇木糠布甸牛角包窩夫($68)，配🍨雲呢嗱雪糕，窩夫口感香軟小食點咗薯條配黑松露醬($58)，天氣熱亦點咗杯冰凍🧊Mocha($45)

📍上環 Paintable Cafe唔知你有無試過有啲因為生活太急速煩囂，覺得想 Lunch Time 靜靜哋食餐安樂茶飯嘅日子呢😌如果有，而你又喺中上環附近返工嘅話，好推薦你 Lunch Time 試試呢間 Paintable Cafe☕️ 其實有時太平山街附近都會特別多人，但去到差館上街會相對靜少少🤏🏻 完全俾到我一種靜謐感🤓原本同朋友仔過嚟純粹因為打算搵啲文青風純白 Café 冷靜吓兼慶祝 Happy Friday☺️ 食物真係無咩期待，但最後無論係環境同食物都遠遠超出預期喔😎1⃣️ 環境🎨門口低低調調我都唔覺，但原來裡面有我鍾意嘅插畫家杜波琪嘅 wall paint 🥳 嗰種既麻甩又少女 + 色彩繽紛嘅畫風完全就係我杯茶🍵 內心尖叫 x10000嘅我即刻一支箭衝咗出去坐戶外檯🚀 今鋪真係成功解鎖咗麻甩系少女心🔓 大家真係要記得瘋狂打卡呀🤗2⃣️食物🍝Ok都係我自己本身老掉牙嘅理論啦吓🦷 通常我對Café Food都無特別期待嘅 - 少做少錯，唔做唔錯啦🫣 但呢間餐廳都幾顛覆我想像🤭 喺度想呼籲大家記得叫彩虹乳酪🌈 明明我平時係無乜可能叫埋啲咁健康嘅嘢㗎嘛，但上Openrice見到人哋個外貌

餐廳：Paintable Cafe地點：上環差館上街菜式：咖啡室餐牌：全日早餐，意粉，牛角包窩夫，沙律，乳酪，小食，甜品，咖啡，非咖啡飲品，茶。落單用QR code。蒜香蝦鯷魚扁意粉 $128蒜香蝦有3大隻，好爽口，面頭煎得少少燶面，味道唔錯。扁意粉炒得非常乾身，帶好香橄欖油同蒜味，質感都可以，加埋蒜片同辣椒一齊炒，味道微辣。面頭撒上黃色花瓣裝飾。炸雞軟骨 $58炸雞軟骨用吸油牛油紙包住放喺個金屬兜上枱。呢度啲雞軟骨粒唔會死實，連住唔少肉，食落鬆化，外皮香脆，點另上灑上嘅香草沙律醬就更加滑溜，亦可平衡雞軟骨本身鹹味。薯條配黑松露醬 $58薯條係少少粗身，面頭灑上香草同芝士粉，外脆內稔，啖啖澱粉質。另上嘅黑松露醬加上香草，黑松露味好香，我哋清哂。花生醬煉奶牛角包窩夫配雪糕 $78牛角包窩夫一開二疊起，面頭加上大量花生醬同煉奶再灑上花生碎，伴有一球曲奇忌廉雪糕同忌廉，加上新鮮藍莓同士多啤梨。首先主角牛角包窩夫放耐啲都仲好酥脆，花生醬加煉奶呢個配搭冇得輸，甜到漏，再加上脆脆花生碎同融緊嘅香滑雪糕，簡直係人間美食！提拉米蘇牛角包窩夫配雪糕 $78提拉米蘇牛角包窩夫配雪糕就係一個大大牛角包窩夫面