美心小品

Open Now

Now Closed

今日有空，即興約了朋友來到坑口既美心小品食個晚餐。我最先來到這間餐廳，但周圍都坐滿了食客，我只好站在其中一枱食客，等佢地走。這間餐廳位置都比較闊，有些少cafe味道，但全部是全自助式，需要自己攞餐，清潔張枱，因為店員不會主動幫您任何野。連張枱有污糟，我都要自己用紙巾清潔。食物方面，我和朋友四人，因為仲要食糖水，所以我們點了兩個忌廉汁野菌意粉share食，佢每個餐可以加10蚊換小食，有辣薯條/湯/蒜蓉髮飽/凱撒沙律可供選擇；另外，飲品需要加九元可以飲到奶茶/咖啡/可樂。當我去櫃枱攞餐，發現意粉比想像中少，而且味道質素一般般，真有點失望；而薯條方便，因為我唔食辣，叫左一碟嘅唔辣薯條，同辣薯條。但發現辣薯條辣度輕微，而且味道更吸引，可是份量都略少😭。總括來說，我覺得美心小品既辣薯條比較吸引，值得再試。埋單約$140。

美心集團之一，小品cafe! 飲品相當出色，👍🏻檸檬茶有茶味！檸檬非常新鮮！最近飲筒轉用左支飲筒，有環保意識♻️值得一讚！炸薯條🍟！有辣有唔辣👍🏻任君選擇！本人揀咗唔辣！一啲都唔油膩！同埋係用真薯仔炸的！有埋薯皮！依個香草意大利糙米飯非常之清新！食過返尋味！糙米飯個口感非常有咬口！粒粒分明！佢個炸魚柳非常之新鮮唔似係雪藏魚柳！仲有一個蒜蓉包附送！亦都非常之好食！最後甜品時間，簡左呢個合桃蛋糕！

😕呢間餐廳長期滿人，如果假期星期六或者星期日更加多人，張張枱都滿座，等好耐先會有位～但同時多人即係代表佢有料😈裝修前都已經係咁多人，裝咗收之後算好咗㗎啦，因為座位多左～由於係屋企附近，所以等亦都係常客～🤓🤓我成日一有朋友黎將軍澳，我都會帶佢地黎食美心小品😋而每次佢地都會比like~👍🏻而我每次都淨係會order 松露汁野菌意粉（多汁）😍真係好味到媽媽咪呀～😚😚成日都好掛住佢，我呢個食肉獸都被它ko了，冇肉都咁開胃～加上佢有個蒜蓉包，好香～好味道！！😚😚仲可以加$10 order個薯條～不過份量就少過以前好多，同埋以前都係加幾蚊～但係佢個朱古力明顯差咗好多，係裝修之前我已經成日幫襯，裝修前加杯朱古力都係＄6～上面仲有cream～依家直情杯朱古力同平時係百佳買嘅朱古力奶一樣～唯獨得杯朱古力冇特色😪其他都比like~👍🏻👍🏻👍🏻💋