URBAN Cafe (彌敦道)

Open Now

Now Closed

又嚟到URBAN cafe食午餐嚟探貓咪喇，每次嚟探佢哋啲煩惱都會冇晒！隻隻都好活潑可愛，今次用open rice訂定位，唔使企喺門口排隊等位。香辣蒜香蜆肉野菌橄欖油炒意大利麵$57- 我地都揀左藜麥胡麻醬野菜沙律，沙律意外地好味，生菜新鮮，藜麥同胡麻醬味道配合。朋友話意大利麵辣度充足，好刺激！秋葵野菌忌廉意大利飯$60- 意大利飯調味較輕手，整體味道較淡，秋葵野菌感覺健康。可能因為素食，所以食完好快就肚餓。建議如果可以加少少肉類應該會更好。主角貓貓今次有罐罐食，活躍左好多！如果疫情緩和，應該有更多顧客光顧！

油麻地有間貓餐廳，今日就同個貓癡嚟呢度食嘢順便玩貓貓。入餐廳之前要先穿上鞋套，給人非常衛生嘅感覺。呢度嘅午餐價錢一啲都唔貴，一般意粉扒類薄餅等大概$60就已經有齊餐湯沙律同餐飲，就算牛扒餐都唔過$100，仲有貓貓娛賓，算是價錢相宜。沙律用上芝麻醬，加入藜麥及蕃茄，清新又飽滿。南瓜忌廉湯，入面仲有淡淡的南瓜肉，好味又有口感。呢個豬扒味道都唔錯，佢係首先煎香豬扒之後喺上面再加車打芝士，然後稍為焗一焗，待芝士融化後再淋上黑松露燒汁，旁邊配有薯角同蔬菜，味道不俗。紅咖喱蜆肉意大利飯帶微辣，唔食得辣嘅朋友相信都會接受呢個香多於辣嘅味道，入面蜆肉同野菌份量都唔少，味道醒神又飽肚。雖然特飲要補差價，但嚟得cafe都會想要杯特飲。呢杯蘭香子雜莓綠茶酸酸甜甜幾好味。薄荷朱古力味道清新，奶泡香滑，而且都係大大杯。窩夫即叫即製，上碟仲係暖笠笠又脆口，呢個價錢甜品大大份真超值！綠茶心太軟有流心效果，配埋雪糕一冷一熱真係大滿足！

試過好幾次attempts 想拜訪Urban Cafe，奈何週末都大排長龍🥺 今次閒日lunch time去碰碰運氣，點知唔使等位，媽我得咗喇！終於有機會俾貓圍 ヾ(●´▽｀●)ノ 提提大家有90分鐘時限喔～店內簡約整潔，有一個面向彌敦道大大嘅窗，中午時間陽光灑入嚟，好chill好舒服😌 店員友善細心照顧貓貓，貓貓亦好自在行嚟行去，感覺好窩心💕 食物定價比一般cafe抵，但絕對食得出店員用心製作，食物有驚喜，係一間有heart嘅小店！=========================🍕[ 瑪格麗特拉絲水牛芝士手工薄餅 $59 ]面頭鋪滿滿水牛芝士、車打芝士同埋野菌，加埋羅勒葉同番茄醬香噴噴✨ 薄薄嘅餅底香脆，邊邊位唔會過燶，拎起嘅時候果然拉絲㗎🤤🍝[ 香辣蒜香雞軟骨野菌橄欖油炒意大利麵 $57 ]意大利麵口感唔錯，al dente彈牙嘅感覺👌🏼 用辣椒蒜蓉炒香，非常惹味👅 橄欖油包裹每一條意大利麵，但食落一啲都唔油膩，整體配搭唔錯😻🥩[ 燒紐西蘭牛肉眼扒配黑松露燒汁 $89 ]肉眼扒好！大！塊！熟成度適中，肉質有韌度口感，但絕對唔係咬唔開嘅程度☝🏼 醬汁嘅黑松露味相對較弱，不過用嚟di

性價比極高嘅樓上Cafe | 滿足幾個願望 今日lunch黎到旺角家樂坊附近嘅樓上cafe，由於位置係一幢比較舊嘅商業大廈，黎得呢間網上好評如潮嘅樓上cafe都一定係特意過黎！ 由於Cafe內有貓貓🐱陪住客人享用食物，所以入門口前除左例牌量體溫外店員都好細心提我地要用鞋袋機著好鞋袋先可以進場，入座起限時90分鐘。 Cafe嘅午餐每兩個星期轉一次，絕對可以黎完一次又一次。午餐選擇非常豐富，有沙律、意大利粉/意大利飯、扒類、薄餅同Egg Benedict等等。望一望個價錢，嘩大部分午餐都係大約$60蚊，非常抵食！我地咁啱一行4人黎送埋個西班牙香酥雞翼。 午餐仲包埋一杯$38嘅飲品，有成3頁嘅drink menu慢慢揀，多過$38就要補差價。 =========================藜麥胡麻醬野菜沙律 少有嘅藜麥沙律，配上胡麻醬，非常清新！ 黑松露燒汁紐西蘭牛肉眼扒拼薯菜 $89肉眼扒配上薯菜份量多，扒煎得啱啱好唔會過熟，鎖住肉汁，黑松露味唔突出，整體黎講唔錯 瑪格麗特拉絲水牛芝士手工薄餅 $59 啱啱焗好嘅芝士薄餅熱辣辣送到，脆卜卜嘅🍕加埋濃濃嘅mozzarella芝士，正呀！ 

之前去過一次觀塘分店☺️野食真係令我感歎🤤今日就黎旺角分店參見主子🐱旺角店比觀塘店細好多😂感覺貓的數量就好多😽午市所有套餐免費贈送藜麥胡麻醬野菜沙律🥗野菜新鮮十分開胃🤤$57板栗野菌意大利飯🌰飯粒剛好熟透，唔會食完硬飯粒👍🏻夠哂creamy🤤栗子又唔會過硬☺️好味道👍🏻$59夏威夷拉絲水牛芝士手工薄餅🍕配料有煙肉🥓、菠蘿🍍及車厘茄🍅皮邊十分脆口🤤🤤🤤水牛芝士夠咸，拉絲效果完美🤤食到好香蕃茄醬味😋$59煎檸檬香草龍脷柳配薯菜🐟醬汁揀咗黑松露燒汁👍🏻👍🏻魚柳嫩滑，邊邊位煎到香脆，配埋濃味燒汁亦唔會太咸🤤跟餐+$38西班牙香酥雞翼🐓雞翼炸得香脆，炸起熱辣辣入口非常惹味🤤🤤外脆肉嫩👍🏻跟餐+$31洛神紅莓莓乾花茶🌺花茶有淡淡花香，無糖飲落又唔會太澀口👍🏻+$13黑糖拿鐵🥤甜度恰到好處，易入口又唔苦😋$58朱古力雪山心太軟🍫心太軟雖然冇想像中咁流心，但都做到鬆軟味濃😋食完咁多咸食真係需要甜點平衡番🍮🤤（吃貨萬用藉口+1）總括黎講旺角地段lunch set $50up真係非常抵食！質素唔差之餘，份量又多，有得食又有得同主子們玩😽難怪見到咁多單身漢來獨自吃飯😏😏😏