Erawan Thai Premium (Closed)

朋友當中總有幾個是泰菜迷，閒來沒事就會去泰國食食冬蔭公，三日兩夜都好過無，我地呢啲無假無時間只有在香港陪食的份兒。今次朋友收到風，香港開左間新的泰菜館，主廚曾經為泰皇御廚，咁趁住試業期間就快快食一次先！一入門口就見到三張食神爭覇戰的獎座，證明今晚有食神，仲有露天地方，感覺好開揚！一班人飲住Cocktail 食泰菜，再不是夢話！另外仲有金色的櫈 ，有衝動坐上去Selfie 下！朋友到齊先有Welcome Drink, 是沒酒精的Mocktail ，味道是提子加檸檬草，味道酸甜有致，不錯不錯。平時食泰國菜都會食青木瓜沙律，柚子沙律咁，呢個泰式茄子肉碎沙律，特別之餘亦比想像中好味！感覺有啲似中式的魚香茄子，茄子甜美又Juicy，只係肉碎辣左少少，整體都好開胃，值得介紹。蘇梅火辣海龍Koong呢個係得獎作品，上枱已嘩聲四起，好大隻蝦，差不多有手掌咁大隻！虎蝦肉質彈牙，外殼炸到脆卜卜，伴以炸過的紫蘇葉同腰果都好吸引，香口得嚟唔太油膩，真係碟都清埋！豬頸肉炒粉絲一開蓋已經聞到香噴噴，但又講唔出係咩味，粉絲好彈牙乾濕度適中，吸收晒啲醬汁，豬頸肉肉嫩，食到尾見到玉桂條，啊！原來秘密就係玉桂了！不過呢個

一位識飲識食的朋友邀請我到這間高級泰國菜食飯，設有private room，所以傾偈完全無問題開餐前試了杯cocktail，味道十足十冬蔭功，後勁帶少少辣，我非常喜歡，好味道！上菜前，餐廳都會奉上welcome drinks，有lemon grass等味道，味道開胃，樣子就像潮州菜的功夫茶哈哈前菜是少見的凍盤，茄子辣辣地，不太油，有水準，是叫木瓜／柚子沙律外的好選擇由於主菜都叫了好幾道，我就重點介紹一下：羊腿好嫩滑，有股討好的羶味，印式咖哩汁配上後面的naan，天衣無縫，是我當面最喜愛的菜式之一以上兩道個人認為比其他菜式比下去，但也不失為有水準兩道海鮮都是得獎作品，新鮮不在話下，蝦非常大隻又彈牙，底下的紫蘇葉同腰果都係精髓，脆卜卜食到停不了～咖哩蟹是時價，用上泰式咖哩，加上蛋花，送飯一流！雞燒得皮脆肉滑，好耐無食過如此有水準的雞，這道係除左羊腿以外，另一道我最喜愛的菜式飲品我分別試了兩杯，質素一般，cocktail會比較有驚喜甜品試了拼盤，來個大包圍，樣樣都試到～中間的芒果是不能不吃，但不是每天都供應，看來要靠運氣了哈哈！糯米飯白色的較好吃，椰汁糕呀，南瓜布丁等我覺得無驚喜:/總括：有

最近知道尖沙咀開左間Moon Thai 既姊妹店，哩晚一於約埋朋友試一試！香炸軟殼蟹…好香口，又夠哂脆，雖然肉唔多，但蟹味同肉汁都好足夠！芝士烤薄餅…熱辣辣拉到絲既芝士！但可惜芝士味唔夠濃郁，薄餅有煙韌口感蘇梅火辣海龍Koong…蝦勁大隻！一人一隻真係大滿足丫味道唔辣但超級惹味，海蝦啖啖肉又夠實淨夠彈牙，連底下既炸蒜炸紫蘇葉都好好味，原來哩道菜仲拎過獎，真係好正呀芭提雅蟹逅…蟹肉蟹膏都好有份量，雖然配上咖哩汁，但都唔會蓋過蟹既鮮甜味芭提雅燒雞…皮脆肉嫩既燒雞係最好食既！配埋佢地自家制既醬汁真係夠哂惹味。馬沙拿羊肉腿…羊腿肉完全唔會氈！怕氈既朋友仔一定食到。羊腿肉煮得又夠淋仲入哂咖喱既香味，咖喱汁仲可以用薄餅點黎食，一d都唔嘥野嫁豬頸肉粉絲煲… 簡簡單單既配搭原來都可以咁好味，粉絲帶彈性，吸收哂醬汁既味道，但食之前一定要先攪勻，咁d粉絲就可以更索汁！而豬頸肉就冇乜驚喜，但都唔錯。泰式甜品拼盤… 本來叫左芒果糯米飯，但廚師話芒果哩日唔靚，所以就轉食哩個拼盤啦…好欣賞佢地既認真，唔會serve唔靚既食材俾客人，抵讚而哩個拼盤都幾豐富嫁，有黑白糯米飯、椰汁糕、西米糕同南瓜布甸，為哩餐畫上完美句

又一米芝蓮泰國菜！一去到見到成個四面佛已經驚呆了行多2步仲見到好大個寶座Oreo MonkeyCocktail嘅一種，oreo打成沙冰🍪，再加啲酒味🍸，幾特別，酒味唔會好濃芭提雅燒雞雞肉燒成粉紅色，超級嫩又實肉，但個皮又可以燒到好香脆加埋秘製醬汁更加不得了，少少辣，惹味！蘇梅火辣海龍Koong得獎作品，成隻碟咁大隻虎蝦！開邊連殼烹調，殼都食得架。啖啖實肉唔鞋口，香料將美味升級泰式甜品拼盤大份夠4-6個人share嚟食。原本糯米飯係配埋芒果，不過餐廳話今日啲芒果唔靚，我哋冇介意都想照試，可以睇得出餐廳唔會將唔完美嘅嘢食上枱。其中一個南瓜布甸幾特別，好滑

亞士厘道成條街都好多野食,今次就黎食泰菜餐廳充滿泰國特色既裝飾,不但有從泰國運過黎既四面佛,仲有張龍椅放係餐應正中位置好有霸氣呀先黎飲杯welcome drink先,係香茅整既味道帶小小咸,幾特別又幾開胃飲品我地叫左幾杯特色野飲Tong Yum Cooler第一次飲辣既cocktail,真係估佢唔到!雖然唔係話好似冬陰公味,但係一飲落去係清新既,然後辣味隨之而黎飲到尾就feel到好辣,但不會嗆喉,好有層次Ocean Wave靚到dum一聲既tiffany blue,一見到即刻哇左聲荔枝味幾甜,但唔藥水,飲到底仲有少少益力多味真係睇得又飲得,好特別Oreo Monkey睇名就知係oreo加香蕉,仲加左少少baileys不過個人認為有少少藥水味前菜就叫左泰式茄子肉碎沙律茄子唔太油,而蝦亦好大隻好新鮮不過啲肉碎就幾辣下,食頭幾啖都接受到,食食下啲辣就湧上黎啦!唔係太食得辣既人真係未必食到香炸軟殼蟹炸得好脆,而入面仲有啲蟹膏再配埋啲泰式辣醬,一來減少熱氣感,二來加番少少辣更加惹味蘇梅火辣海龍Koong原來係得獎菜式,唔怪得咁正!好大隻虎蝦呀!!!足足有成隻手掌咁大隻炸得超脆,脆到連個殼都可以食