拉麵來 (Closed)

✨蟹肉味噌豬骨湯拉麵 💰158💫評分: 8.8/10📝呢間嘅豬骨湯底味道濃郁，仲可以揀濃度同麵質嘅軟硬度，麵唔算好多，叉燒半肥瘦，主角蟹肉就好夠份量，超重蟹味，呢個配搭好match🌈✨櫻花蝦豚骨湯拉麵💰98💫評分: 7.8/10📝櫻花蝦份量超多，豬骨湯底同樣味濃，櫻花蝦味佈滿全碗拉麵🍜 同埋記住加一隻半熟嘅味付玉子（+💰17），佢會一分為二，可以share食，好流心同入味，好食!✨自家製餃子 💰40💫評分: 8/10📝食拉麵一定要叫餃子，一份餃子🥟有五隻，皮薄餡料豐富juicy，煎得香脆，配特製酸甜餃子汁🥳✨鹿兒島豬軟骨💰38💫評分: 8.5/10📝大大件入味，軟骨係淋同爽之間，配埋蔥同芥辣再豐富啲🤣✨免治雞軟骨串 💰34/2串 💰18/串💫評分: 8/10📝燒得啱啱好，廚師技術好，打碎嘅雞軟骨口感有軟有脆，燒汁幾濃味✨蘋果梳打 💰25💫評分: 7.8/10📝有唔同款式嘅日本汽水，試咗蘋果梳打蘋果味道清香唔會太甜，飲品好新奇，有激辛咖喱味波子汽水，下次會想試抹茶可樂/抹茶波子汽水 拉麵來📍大坑浣紗街20-22號地下B舖(天后🚇A2 出口行9分鐘就到)💫評分: 8.2/10💬大坑充斥住c

今晚放工同男朋友黎到大坑食拉麵。餐廳格局充滿日本風情。呢間拉麵店無加一，抵食。鮮鯛魚雞白湯拉麵，鯛魚鮮甜，切到好細，整到一個波甘。湯底濃郁，拉麵掛湯。叉燒有兩大塊，肥瘦適中。白松露豚骨湯麵帶點白松露味，有大量紫椰菜絲、木耳絲同炒雜菌，好健康。兩碗都加左日本溏心蛋，流心又入味，正。火炙叉燒比較香口。火藥玉係勁辣既肉碎，好刺激，撈落湯到會好啲。自家製餃子，味道唔錯，包住豬肉同椰菜。免治雞軟骨串好好食，啖啖肉得黎又有咬口。鹿兒島豬軟骨唔算好腍，鹹度降低少少會好啲。蘋果梳打幾清甜。

依晚嚟到大坑食晚飯，去咗呢間次次都勁吸引我目光嘅日系拉麵店，舖身以木為主風格，成個格調真係令人有置身喺日本嘅感覺🇯🇵。星期一晚上8點鐘去到，人流不絕，加上而家座位要隔開，間唔時要等位。店內嘅裝修亦係好和風，貼咗好多日文海報同懷古玩具🏮。而且拉麵店嘅餐牌超級無敵靚，因為我勁鍾意呢類型手畫嘅餐牌，好似公仔書咁。近來食多咗拉麵，但仍然稱不上自己有幾識嘆，我多數都係隨心點自己想食嘅。🍜拉麵來嘅拉麵湯底選擇比起其他店多，而且每款都有一個代號。不過我同朋友今次好快就決定到，每人再寫喺張紙上面，湯底要幾濃、幾油、走唔走蔥咁。首先，飲品我哋要咗⛰山葵薑味汽水($25)同🍎蘋果梳打($22)，價錢唔算貴啊！我兩款都未飲過，自己鍾意蘋果嗰款多啲，梳打無果汁咁杰。至於山葵薑味汽水，我覺得同普通Ginger Ale無乜分別，飲唔出Wasabi味。🐟鮮鯛魚雞白湯拉麵($108)，又名「人間限定19」。餐牌寫住即係雞白湯拌上鮮甜美味嘅鯛魚肉，再配以日本清酒、自家製叉燒、香蔥及香荀。一年之計在於春，呢個時候係品嚐鯛魚嘅最佳季節。好喇，其實我哋嗌嘅時候都無睇咁多😂，只係見係期間限定同埋張圖好吸引。一上枱真係見到有一大

剛剛星期曰同K先生去咗光顧位於大坑人氣拉麵店拉麵來我地選擇中午時段去食，非繁忙時段吾晒等位入到去拉麵店內，真係有一種去左日本嘅感覺，店內裝修同格局都好有日本feel而店員非常禮貌地同耐性地介紹餐牌食物俾我地。佢介紹我地食魂之一杯，攞過獎嘅拉麵，每日只會賣十碗。我都好好彩，今日第一次去就食到呢碗拉麵。魂之一杯（$98），我覺得非常好味，個湯底極濃厚，而拉麵非常彈牙，另外豚肉非常嫩滑，果然係得獎之作。而K先生就叫左個濃厚魪豚骨湯麵。呢個濃厚魪豚骨拉麵（$98)，豚肉份量非常多，而且很好味，K先生好鐘意食，佢話湯底好好味，想飲曬佢。而小食我地就叫左炭燒雞翼拌薯仔沙律（$39）同自家製餃子($38)。炭燒雞翼個燒沖真係好入味，而且雞翼係無骨，肉質好滑，非常好味。而煎餃子很好味，配上拉麵一齊食，天氣炎熱，我同K先生都叫咗蘋果梳打飲，味道很清新，一邊食拉麵一邊飲蘋果梳打，真係透心涼。其他款嘅拉面都好想食，下次再黎食過先

今晚係旺角上堂，放學後見到黑布街有間拉麵，於是入去一試金木水火土為名，我比較喜歡辣，試了火。枱上有一張紙，劃紙決定所點的湯麵，可以好多選擇，亦可加蛋加义燒，如果男仕覺得肉少。像一蘭感覺。最後我決定試比較少食到的，激辛豚骨湯麵，主要湯膽我想一樣，豚骨湯豐厚，加了辛辣的肉醬，令到味道更惹火，好刺激！流心蛋夠味，有笋有紫菜有木耳，义燒2片，軟腍入味，麵夠彈牙而滑溜，估不到旺角有像樣日本feel拉麵。裝潢我好喜歡，都是日本的東西，仲有點懷舊感覺，置身日本舊式拉麵鋪一樣。令人印象深刻！另外叫了一支蘋果梳打解辣，價錢方面比較貴，因為旺角區太多選擇，如果拉麵過百一位，其實真的不易做，天氣熱更加難做，當晚我都食到出晒汗。冷氣有改進空間！

大坑是一個美食集中營，不知是否大勢已去，還是什麼原因？！聽朋友們講，近年這裡的確冷清不少！若非早前飲食節目區區開伙介紹大坑美食，提醒我這個地方！最近，天氣轉冷，食碗熱辣辣的拉麵就最好不過嘞！所以我專程走到大坑找拉麵店食拉麵！於是走到 <拉麵來>，店子位於香港房屋協會對面，差不多行到浣紗街街尾才找到！星期六中午 2:00 前來到，不用等位可以直接入座！細小的店子貼滿日本漫畫書、日本玩具、超人有關的東西…充滿東瀛懷舊氣息！ 仿如置身日本的拉麵小店！這裡的拉麵款式只有好幾款，特別分為：金、木、水、火、土，各具特色！  還有期間限定拉麵！ 另有小食！拉麵由 $92 ~ $118 不等！點拉麵可因應個人口味而選擇，例如：軟硬度、湯的濃度、要不要蔥、要不要蒜蓉、要不要香味油⋯等，可以！另可追加配料！店員有禮之餘都幾勤快！桌上已備有餐具，昆布醋、芝麻、牙籤…等！(木) 白松露豚骨拉麵 $110 +雞蛋 $15 +粟米 $10熱辣辣的湯底，散發誘人的香氣！ 獨特的菌香來自意大利白松露醬， 質感香滑的濃湯底，主要加入牛油，湯底才是拉麵的靈魂！ 我選擇普通濃度，不會太鹹，鹹度適中！ 很合胃

呢日去開咗幾年嘅馳名人氣店拉麵來。從店外到店內，都係濃濃嘅日本風。入面面積唔大，總共只有大約十幾張櫈，難怪經常大排長龍。牆上貼咗唔少同日本有關嘅懷舊海報等等。屋頂仲掛咗好多懷舊玩具。餐牌入面啲食物都係用手繪方式展示，畫風可愛，原來係出自香港知名畫家小不啦嘰嘅手筆。嚟之前都睇過有關呢度嘅嘢，對佢哋嘅極上海老吟釀湯麵幾有興趣，最後就試咗人間限定嘅款式，始終極上海老吟釀嗰款係佢哋嘅恆常口味，下次如果再嚟嘅話先食都唔遲。檯面放咗餐具、加咗檸檬片嘅水、昆布醋、即磨白芝麻，另外仲有醃蒜頭同醃菜等，可以自己拎嚟用。人間限定嘅牛舌牛尾湯拉麵，由於我唔要香筍，賣相就顯得唔太突出。兩片安格斯牛舌切得算厚，肉質腍而有牛香。湯濃度同麵質就揀咗普通，湯底用牛脊骨同牛尾熬煮成，色澤比用豚骨烹調嘅清澈，另以黑椒粒、香蔥、蒜蓉同香味油提味，調味料嘅味道稍重，蓋過牛尾湯本身味道。另加嘅味玉食落軟滑，中間幾流心。之後一口氣試咗三款小食。自家製餃子，底部煎到微微香脆，另外兩邊嘅餃子皮仍帶煙韌度，內裡肉餡唔多唔少，配上加咗香蔥、味道酸酸嘅醬汁，可中和膩感。鹿兒島豬軟骨，煮得入味，滿口都係骨膠原，肉質亦都幾易咀嚼。雞免治，外層