釜之魂釜飯專門店 (淘大商場) (Closed)

好耐都冇過去淘大個邊覓食，沿路見到好多餐廳已經轉過好幾次，跟住咁岩比我見到一間專食釜飯嘅餐廳，好奇上網search，點知係OpenRice熱店，當然即刻入去食啦！基本上佢叫飯就可以加$18轉套餐，包一款前菜、麵豉湯同一杯飲品。佢嘅前菜係我出乎意料嘅，酸青瓜配上凍鰻魚，出奇地好食。唔好以為佢係前菜所以舊鰻魚會偏細，點知嗰幾粒鰻魚都好厚好好食金魂鰻魚釜飯 （厚）($138)：佢基本有金魂同銀魂兩種鰻魚飯俾你揀，而每種鰻魚飯都可以再選擇鰻魚嘅厚度或油膩程度等等。你可以根據自己嘅口味去選擇，由於我好怕食太油膩嘅鰻魚所以就揀咗厚既鰻魚。佢塊鰻魚真係非常之厚肉，食落口都好甘香，雖然係好厚肉但仍然保持到鰻魚嗰種油膩感😋鰻魚芝士玉子燒（ $68 ）：呢份玉子燒比起另一款價錢較貴，但係真係好食好多，玉子燒煎得好嫩啱啱好，而且夾埋芝士鰻魚甜甜地，好夾😍黑松露玉子燒（$18）：呢個玉子燒講真有少少失望，個蛋好老😅梅干手羽先（$28）：隻雞翼食落去有淡淡的梅味 ，而且佢炸得啱啱好，啲肉唔會太老，層皮亦都唔太厚焦糖番薯（$28）：我好鍾意食番薯，所以當店員推介嗰陣我就叫咗啦，講真佢舊番薯本身唔甜，但好在佢面頭加

自從係鹿兒島食過生平最好食既鰻魚飯之後就成日心掛掛。但偏偏香港有好多餐廳既鰻魚飯都唔好食，有啲甚至又薄又腥又貴，中伏率都幾高🙁。見九龍灣呢間主打鰻魚釜飯，好似幾好食咁，而且鰻魚都有分唔同價位，感覺好pro咁，下午茶就試一試佢。前菜小碟+味噌湯 (跟套餐）前菜既漬物好清新，爽口得黎又辣辣地，好開胃👍🏻。味噌湯味道岩岩好，唔會過咸過濃，清清地好好飲😋😋金魂 - 鰻魚釜飯 (下午茶餐 $78）首先鰻魚好厚肉😍😍😍厚肉肥美既鰻魚真係好好食！❤️鰻魚好香唔會腥👍🏻👍🏻可能因為要配飯，所以啲燒汁有啲咸，飯硬左少少。個飯量好多，為食妹一個食唔曬，我諗2個人share會好啲。日式叉燒稻庭湯烏冬 (下午茶餐 $48）個湯底好好味，清清地但一啲都唔無聊😋烏冬質地偏硬，同平時啲稻庭烏冬唔似，反而似讚岐烏冬多啲，不過我鍾意硬身既麵，所以覺得幾好😆叉燒就不過不失啦，唔係特別香，無乜太大感想。髒髒炸香蕉(朱古力）($18)本身以為入面係真香蕉，點知係煙煙韌韌好似麻糬既質地，又唔太好食，好失望😕😕蘋果蜜 (跟餐，凍飲+3）清清甜甜，又有好多果肉，好好飲😙😙整體黎講下午茶好抵食，淨係個金魂已經係平左好多！😜😜

忙完婚禮，終於可以出山，再同Mr.R一齊四出覓食！！嚟到我哋新居點—九龍，原來哩頭係勁多嘢食，特別係淘大翻新咗之後，多咗勁多食店！我同Mr.R嚟到淘大熱爆人氣之選嘅「釜之魂釜飯專門店」。一入鋪頭，即刻有店員招呼我哋，仲好細心同我哋介紹有咩新菜式、釜飯嘅食法等等，問咩店員都好有禮貌咁回應，服務態度認真一流！俾個讚第一道落單之選係「黑松露玉子燒」。係日式餐廳叫玉子燒，而且有黑松露醬，都係$18一串！真係抵食到唔信！！係我心目中，蛋同黑松露係好朋友，所以實在唔可以唔叫。佢無令我失望，雖然18蚊貨仔，黑松露醬有足黑松靈味，很好蛋亦煎得好靚。既然係鰻魚釜飯專門店，無理由唔叫鰻魚釜魚嫁，所以第二道落單之選係「金魂蒲燒釜飯」，至於點解叫金魂，而唔叫銀魂；無他，因為我同Mr.R都係重口味之人。不過我哋係叫「極」定「贅沢」就掙扎咗陣，究竟要油份最高，定係要厚肉啖啖肉呢？最終「極」勝出，食鰻魚釜飯，當然油脂多啲，會滑口香味啲。我哋都好滿意哩個選擇。不得不說，佢嘅蒲汁處理得好好！最後一道之選「汁煮豬軟骨釜飯」令我哋充滿驚喜。佢除咗啖啖肉之外，係淋得嚟唔老亦唔韌，最重要係入面嘅筋煮到膠質出晒嚟，係我哋嘅推介之

呢一間黃店晚市都食過一次，估唔到下午茶份量一樣但係價錢平一截！好抵食呀！今次因為下午茶比較平，所以都食咗唔同嘅小食同主食叫嘅係下午茶餐，配嘅係有麵豉湯、沙律、餐飲。我真係要大讚佢沙律！！！因為開頭佢細細碟，見到係綠色，我以為只係糖醋青瓜，之後見到有一夠大概$5銀咁大嘅，我以為係青瓜未拍開，點知原來係鰻魚啊！！！佢有幾舊甜醋鰻魚，同招牌鰻魚飯嘅味道都幾唔同，口感較為軟身，我覺得真係超級出色，因為通常沙律你都唔會有啲咩期望🤣🤣🤣 點知真係超曬班，有一魚兩吃的感覺！今次主食都係叫咗金魂鰻魚飯，招牌鰻魚飯燒汁好好味，有滿滿鰻魚，肉質偏有彈性，唔係入口即溶嗰一種，鰻魚好好食，煮到邊邊有少少焦香，膠質有溶化感！鰻魚真係超級多，差唔多係手板咁大嘅鰻魚，仲有蛋絲鋪墊！油香米方面用日本產米好放心，口感好好（我鐘意偏硬的飯），整體就比較鹹少少，所以可能大家如果怕重口味就要撥開鰻魚汁嘅份量啦～ 朋友叫嗰個係芝士汁豚肉釜，豬肉份量超級多，豬肉出邊燒得夠香，雖然整體偏硬少少，但係豬肉味足，肉汁唔算好多，但唔鞋身，同芝士汁好夾，重口味香濃之選！雞翼方面係梅平手羽先，雞翼食得出有芝麻嘅香味，皮相對較厚身但係唔會油，

之前一路都想食呢間釜飯， 但係一直未有機會， 今晚無啦啦飯局可以試喇因為武漢肺炎， 周圍d食店都吊緊鹽水， 呢間都唔駛等位，我地兩個好快就入咗去坐。 佢地好細心咁用隔板隔住兩枱， 又好好service喎。 平時嗰d餐廳通常就咁放低d嘢， 唔會同你講嘢， 但係佢地係會同你講架 佢唔係hea你嘅口吻， 係真係有禮貌架，抵讚我地揀咗嘢食之後諗住落單， 我舉手唔夠一秒， 就已經有人叫話會過嚟， 超快. 過到嚟原來係自己寫嘅， 佢拎張落單紙過嚟， 話可以幫我地寫埋，真係好好禮貌。 個姐姐仔把聲好甜，最衰武漢肺炎要戴住口罩， 但係聽得出佢除咗口罩係靚女嚟嘅.我個friend叫咗個金魂嘅鰻魚飯，我就叫咗黑豚釜， 佢有得加$18 轉set, 有味噌湯， 前菜同嘢飲， 原來仲有得再加$18, 可以食埋茶漬飯~ 我地驚太飽， 所以就咁轉set, 冇要茶漬飯。 但係其實。。。。 叫兩個飯都已經太飽。。。。 我地應該叫一個飯再加小食， 冇諗過佢咁足料， 飽到我反肚我地兩個飯都好靚好好食， 真係好大份， 不過個friend嘅鰻魚飯佢話多骨咗d, 我嗰份黑豚釜就太大份， 真係飽到食唔晒. 佢地仲好好ser

經過見到佢嘅木系日式裝修已經覺得好靚，所以要入去試下佢😝去嘅時候啱啱好係佢開門嘅時間，所以店內店外都冇咩人，唔使等位就入得😁哩間係出名食釜飯嘅小店，見有好多人都推介鰻魚同牛肉釜就決定叫哩兩個嚟試下😜其實本身諗住試埋佢嘅黑松露玉子燒，但原來午市得普通玉子燒，唯有留返下次晚市再嚟食嗰陣試啦😣• • • • •🧚🏻‍♀️汁燒牛盛釜🧚🏻‍♂️ [$48]飯上面有好多牛肉，佢嘅汁係有少少甜咁😛釜飯可以保持飯嘅溫度，所以就算影完相𢳂起下面啲飯嘅時候都仲係熱到噴哂煙🔥個底仲有少少飯焦架😆.🧚🏻‍♀️金魂🧚🏻‍♂️ [$98]鰻魚幾大塊又厚肉，肉質唔會好鬆散，雖然有少少骨但完全唔影響佢嘅口感🤓加埋少少甜甜地嘅蛋絲同好香嘅芝麻好夾😆重口味嘅我平時食鰻魚飯最驚就係食食下發現唔夠汁，會食得唔夠盡興😖不過食哩間嘅就唔使驚，因為佢本身已經幾多汁，如果唔夠嘅話仲有得免費加汁，好貼心😚.🧚🏻‍♀️蘋果蜜🧚🏻‍♂️蘋果蜜都幾好味，甜甜地個底仲有好多蘋果粒粒🍎.🧚🏻‍♀️味噌湯🧚🏻‍♂️個湯幾好味，唔會太鹹，但又夠濃味，仲有好多洋蔥🧅• • • • •總括嚟講覺得好抵食，Lunch Set有飯有湯有飲品，兩個Set加埋都唔使$200就

落雨濕濕，同朋友係九龍灣買完野就食晚餐，四圍睇左一陣，最後朋友揀左黎哩度食鰻魚飯，哩度鰻魚飯有分金魂同銀魂兩種燒法(即汁燒同白燒)，仲有三個唔同部位比客人選擇，最後朋友選擇叫魚尾位置，加$18可以有埋飲品、麵豉湯和前菜，我就要了個蕃茄牛肉稻庭烏冬，另外見到沖繩苦瓜餃子都幾特別同平時少食到，一於叫埋先。套餐的前菜係醃泡菜，當中有大豆芽、紅蘿蔔絲和炸菜，甜甜辣辣，食到好開胃，我的蕃茄牛肉稻庭烏冬送到了，先飲一口湯底，湯很結身，濃濃的蕃茄味道中帶小小微辣，稻庭烏冬比較扁身的，與平時所見到的一般烏冬唔同，口感滑Du Du，浸耐左都唔會湖，肥牛既份量都算多仲有些蔬菜配搭。沖繩苦瓜餃子: 外皮煎到金黃色，一咬落去巳食到苦瓜既味道。朋友期待的金魂到了，朋友急不及待起筷享用，他邊吃邊說鰻魚咬落肉質好鬆脆香滑，不油不膩，廚師烹飪火候控制得很好 ，所以先會令到皮與肉之間的脂肪沒有被燒乾餐廳的佈置光猛寛落，四圍都掛了招牌食物的相片，令人增加食慾，仲有些攪笑卡通棒棒，比喜歡拍照的人拎黎影下相增添氣氛。

辛苦工作完，放工同同事去附近九龍灣搵下好野食先，我地見到哩間日式餐廳既野食都幾吸引，加上價錢唔系好貴，所以一於入去食下，我想食清淡D, 於是揀左個五目釜魂，另加$18轉做套餐，有埋前菜、湯和飲品，我揀左飲蘋果蜜，再要多個黑松露玉子燒，朋友話好想食是日推介的日式霜燒牛肉，加多份梅干手羽先。蘋果蜜好快速便送到，裡面有好多蘋果果粒，唔算太甜，跟住前菜(豆芽)和麵豉湯，五目釜魂飯隨後都送上，所謂五目即係雜錦既意思，當中有蛋絲、荷蘭豆、香菇、筍片、黑目耳、紅蘿蔔和粟米芯，味道清清淡淡，岩哂我，當我食下食下時先發現原來當中仲有蟲草花，感覺好似搵到寶物甘。接住黑松露玉子燒送到，忍唔住即刻食，黑松露係面頭沙律醬中，放入口先感覺到。這時朋友的梅干手羽都來了(手羽先即係雞全翼)，朋友食左一啖告訴我:裡面酸酸地，好特別。朋友期待的霜燒牛肉出場了，店員提醒我地要同蒲在下面底層的洋蔥一齊食先好味，朋友請我一起品嚐一片，食落洋蔥係生既凍凍地，雖然牛肉好似半生未完全熟哂，但食落完全唔覺有血腥味，仲幾有牛味。我地食完仲叫多左個焦糖蕃薯食，面頭脆薄薄的焦糖，裡面有烤過既味道，好甜，好似冬天食到的薈蕃薯既味道一樣，好味。

這次在看電影夜場前吃個宵夜，剛好戲院附近有一間睇落好有質感的日式餐廳，咁就入左去⋯釜之魂這個名字都幾開宗明義，就是要吃釜飯！事實上，這裡的選擇很多，光是牛豬都有好幾款部位可供選擇。不過這次我們都是以海鮮為主，食豪D!所有釜飯加$18會包括前菜、麵豉（味噌）湯和飲品。朋友仔有加錢，飲品選了蘋果蜜，攪拌完後味道也是偏淡，大概是果汁水的味道。味噌湯正常，前菜是剁碎的醃青瓜，很明顯不是用來當沙律吃。後來把它拌飯吃，還滿開胃可口的說～朋友仔點了金魂鰻魚釜飯，果真大塊厚肉，肥美油香，雖然這種蒲燒比較普通並非有炭火燒香，但這已是水準之作！而我則更奢侈，點了幾乎是最貴的宮城牡蠣釜。一上桌看到蠔身飽滿，有十隻八隻，絕不偷工減料～整體味道鮮甜，只是不太習慣蠔汁欠芡太多。這樣一吃埋單～$380，聽起來不太便宜，那是因為我們都點了比較貴價的食材，不然也有不少6、70元的選擇，賣相也很不錯👍🏻再來九龍灣這邊的話也會考慮再次光顧。

九龍灣除咗徳福有野食，仲有多個選擇就係淘大商場！之前喺啲平台，見到有啲小編推介鰻魚控一定要嚟釜之魂釜飯專門店咁我就嚟試一下。鰻魚釜飯有分金魂同銀魂，喺蒲燒與白燒之分。今次揀咗金魂，都係偏愛蒲燒鰻魚多點。金魂鰻魚釜飯贅沢 ，即係鰻魚係比較厚肉的。其實都幾厚肉如果女仔一個食應該食唔晒好多飯，男士最啱。甘露甜薯口感獨特，硬硬地甜甜咁嘅，有咬口。黑松露玉子燒重黑松露味，玉子燒得唔錯。博多餃子細細粒易入口蘋果蜜唔會好甜，清清地跟套餐，酸蘿蔔好味平均每人$150左右平日食唔需要等位上菜都算快

其實九龍灣真係無咩好食 晚飯時間唔知食乜好 行過呢間釜之魂見到有唔少人係度等緊位 所以我地都趁熱鬧試下Menu釜飯都有唔少既選擇 不過我見絕大部既人都係會揀番主打既鰻魚飯系列金魂蒲燒釜飯 ($118)本身金魂都已經分左3種 今次我地揀左最厚肉既個款黎試 個塊厚厚既鰻魚佔左差不多半個釜飯咁多 都幾誇張 食落又真係啖啖肉 個飯底就比較淋 同想像中既釜飯有少少岀入古味鹽麴牛舌盛釜 ($88)牛舌有成6.7塊 好足料 醃得好入味 咬落煙煙韌韌 都要有番咁上下既牙力先食到髒髒炸香蕉 ($18)上枱既時候已經feel到熱辣辣 係即叫即炸既温度 炸香蕉外脆內軟 外層仲包住一層層既朱古力粉 食落又多重口感 係好好味既飯後甜品另加左$18轉左套餐 飲品就揀左蘋果蜜座位旁邊放左唔少emoji既牌可以俾大家拎黎影下相

昨晚朋友通知Tony Moly大減價，所以下班後馬上飛奔找朋友血拼，我買得不算多，朋友就買得超多。之後我們去了淘大花園那邊吃飯，朋友挺喜歡來釜之魂釜飯專門店吃釜飯，她說香港吃釜飯的地方不多，要便宜的更少，釜之魂正是朋友所說的少數釜飯專門店。博多餃子何時何地都是朋友的最愛小食之一，博多餃子小小的，一口一顆。餃皮煎至金黃色，外表已非常吸引，咬一下酥脆的餃子充滿香氣，靠近內餡的裡層則是保有濕潤軟嫩，肥瘦參半的肉餡，整顆餃子口感層次分明。熱騰騰的黑松露玉子燒蠻有厚度，焦糖色的外層，幽幽的黑松露香味十足，使我垂涎三尺。黑松露玉子燒彈中帶嫩，絲絲甜滋味，好不滿足。想一次吃到前菜，麵豉湯及飲品，可以像我們一樣加18元升級為星級套餐。麵豉湯上頭灑有些許的蔥花，還有洋蔥絲等蔬菜，喝來不死鹹。前菜則是酸瓜，我們都愛那酸酸的爽脆感，令人胃口大開。飲品方面，我們所喝的蘋果蜜蠻不賴，蘋果的酸香混合蜜糖的甜美，滋潤清甜。金魂蒲燒釜飯迷倒不少鰻魚控，當然我也是其中之一。著重口感的我選了贅沢，最厚肉的鰻魚，看到一大片的鰻魚填滿了整碗釜飯 ，旁邊還有冬菇，粟米仔，蘿蔔和荷蘭豆。鰻魚肥美細緻無骨刺，搭上蒲燒醬汁很對味，每