Amour Corner (Closed)

AMOUR CORNER一年前來過吃, 感覺很好, 鍾意呢度嘅環境, 燈光柔和, 客人斯文, 談話絲絲細語, 可以係度跟情人或朋友靜靜地傾計, 當然食物也不錯。今天的海鮮拼盤配搭吸引餐飲轉1664 blance 只須加$25, 緊係轉SEAFOOD PLATTER ($228)法國N4珍珠蠔 4隻西班牙大頭蝦2隻鮑魚2隻青口2隻法國N4珍珠生蠔法國珍珠蠔細細隻, 新鮮有光澤, 肉質爽甜, 海水鹹度適中, 美中不足便是太細隻, 食完2隻唔多夠喉。西班牙大頭蝦刺身級西班牙大頭蝦, 有點驚喜.....真的巧大隻。大蝦新鮮紥實, 肉質少少爽, 淡淡的海水令蝦肉鹹鮮甜美。鮑魚凍鮑魚可能過左冰水, 鮑魚味不算濃, 但爽口彈牙。這裡的套餐選擇很多, 我和朋友今晚吃經典二人晚餐, $328/2位享用, 價錢大眾化。經典二人晚餐 ($328)頭盤 x 2沙律是日餐湯 x 2主菜 x 2甜品 x 2餐飲 x 2巴拿馬火腿哈蜜瓜今日想食清淡點, 頭盤叫了巴拿馬火腿哈蜜瓜, 火腿比較 fresh, 年資尚淺, 入口不夠油香, 清清淡淡配哈密瓜, 清新之選……比起朋友叫的鵝肝蘑菇湯蘑菇湯香濃creamy, 粒粒

去到旺角食黎食去都係食個幾間，記得上次去左旗下「Amour Garden Grill & Bar」既餐廳，環境同食物都好唔錯，今次就去呢間「Amour Corner」，餐廳門口裝潢以深色為主，燈光都較暗，令到感覺頗為浪漫。🍴🥓🍳🍝🍨🥂餐廳菜式大以套餐為主，而今次點選了：「Seafood Platter$228」法國N4珍珠生蠔4隻、牡丹蝦2隻、鮑魚2隻、藍青口2隻。另外加選「經典二人晚餐$328」包括頭盤:青蘋果鵝肝多士、巴馬火腿蜜瓜；湯&沙律:傳統凱薩沙律、蘑菇湯；主菜:法式慢煮鴨胸配砵酒汁、忌廉海蝦墨魚面；甜品:意式奶凍&Dreyer's雪糕；餐飲:熱檸水、凍奶茶。🦐🐚🥙🥓🍵🍖🐙🍝🍮🍨🍹「Seafood Platter$228」「法國N4珍珠生蠔4隻」蠔身唔算肥大，但口感豐富，滿滿既海水味。🐚「牡丹蝦2隻」蝦身好肥美大隻，爽口新鮮。🦐「鮑魚2隻」鮑魚食落唔會靭，肉質剛剛好。🍞🐟「藍青口2隻」青口細小，不過不失。🐚「經典二人晚餐$328」「頭盤:青蘋果鵝肝多士、巴馬火腿蜜瓜」青蘋果鵝肝多士食落清新，配以青蘋果食可以去油膩，鵝肝煎得好香，多士香脆可口，食落口感豐富。而巴馬火腿蜜瓜好大隻

同個好熟既老朋友慶祝生日，想食西餐，大家都同意試下d小店。最後我就搵到係旺角既Li間餐廳，無論價錢定食物賣相都幾吸引，俾朋友睇過Approve左之後就扑鎚Book枱啦！餐廳位置都幾易搵，就係油麻地鐵站A1出口一直行就見到。餐廳唔算大，但裝潢得幾好feel，都幾岩情侶黎食呢！睇睇Menu，佢地晚市主打既二人晚餐有哂兩款前菜、沙律、餐湯、主菜7揀2、甜品同飲品，咁多野都只係$298(另加一)，我地一睇到就二話不說就決定叫佢！二人晚餐 $298前菜 － 青蘋果鵝肝多士煎鵝肝配合蘋果片一齊食非常夾！鵝肝煎得香軟可口，鵝肝味道濃郁，而清甜既蘋果可以稍稍中和到鵝肝既油膩，配合埋烘脆左既多士，係一款好滋味既小食，食完一件之後真係好想再食！前菜 － 巴馬火腿蜜瓜我自己本身都好中意食Parma Ham，所以個Set dinner有Li款前菜真係岩哂我口味！Parma Ham夠咸香，哈蜜瓜多汁，好中意佢地Li到兩款前菜都聰明地用水果去解咸食既膩滯，我同朋友都覺得不但好味之餘又健康D。沙律及餐湯 － 凱撒沙律及蘑菇湯沙律正正常常，而蘑菇湯就有好多蘑菇粒，不過我就嫌味道偏淡左DD，同埋質地比較稀。主菜 － 烤

平日最愛在油尖旺覓食，貪此地方便且選擇多。經愛吃生蠔的朋友帶領，來到這間西餐品嚐生蠔。我以往吃生蠔的經驗都只限在酒店自助餐，一般都是大埋頭的普通級數生蠔，吃罷都不怎麼回味。今天隨著識蠔人來見識見識，口福良多!餐廳提供多款生蠔，我們點了有生蠔界「勞斯萊斯」 之稱的法國 Gillardeau No.0 。數值越小，代表著生蠔的外型越大。生蠔界的「勞斯萊斯」果然名不虛傳。生蠔入口爽滑，蠔肉肥美、結實又富彈性，口感十足，味道鮮甜。咀嚼之後一股淡淡的蠔香在口中漫延，吃罷後很fresh 的海水味夾雜著鮮味的蠔香仍徘迴口腔，滋味無窮。帶子位同樣令人驚豔，鮮甜得不得了!是晚的滋味又豈止於生蠔! 生蠔的餘韻仍在口腔徘徊時，dinner set 的頭盤已陸續抵達。先來的是青蘋果鵝肝多士，輕煎的鵝肝肥美甘香，入口即溶。鵝肝油份豐富，墊著的青蘋果片的出現配合完美，協助吸收油份，減低鵝肝的油膩感。第二款頭盤是巴馬火腿蜜瓜，咸味火腿跟清甜的哈蜜瓜的配搭，永無出錯。接著的凱撒沙律和磨菇湯同樣不俗。蔬菜新鮮，沒有加入忌廉的純磨菇湯非常清新。兩份主菜分別為烤澳洲牛柳扒和鵝肝意大利飯。原本套餐的選擇為黑松露意大利飯，由於

砵蘭街雖然是有名的紅燈區，但橫誇油麻地至太子的砵蘭街其實不是整條街也是燈紅酒綠的。當中在油麻地的砵蘭街因為多是賣皮革的老店，所以入夜後都是夜欄入靜的，我之所以知道，是因為我二十年前的舊居就是在這條街。二十年後再來，好些皮革老店都換成了食店，也帶旺了這條街。餐廳燈光昏暗，人不太多，氣氛不錯，真想不到砵蘭街會有這種格調的餐廳。首先要讚一讚這裡的侍應，因為侍應竟在一餐飯之間替我們換了兩三次碟，只要見我們的碟中有醬汁或骨，就會替我們更換。食店提供的水都伴著羅勒葉，即俗稱九層塔，不過喝起來我又不覺得有甚麼分別。但如果不喜歡它的味道，也有沒九層塔的水瓶。青蘋果鵝肝多士鵝肝入口即溶，加上微酸的青蘋果，消減了鵝肝的膩滯感，不錯。青蘋果因為只是薄薄一片，吃起來不會有過硬的感覺。蘑菇湯湯頭濃稠適中，內裡有已經打爛的蘑菇，但你仍會吃到一粒粒的蘑菇碎，口感頗特別。忌廉海蝦墨魚麵墨魚麵雖然不會吃到墨魚味，不過麵質不會過腍，每一條墨魚麵都沾滿忌廉汁，不錯。內裡有頗多海蝦，蝦肉都非常結實，証明海蝦都很新鮮。香草煎封羊架羊架只簡單以黑椒和鹽調味，不過味道不會過咸。羊架不會過廋，還吃到一點肥膏，令肉質不會過乾，但羊架可

同公主喺旺角睇《復仇者聯盟》睇咗差唔多兩個半鐘，我都要為自己個肚復仇一吓！由朗豪坊行落油麻地，砵蘭街不知不覺由紅燈區變成一條食街！同得公主食飯，唔食浪漫西餐，佢又點肯放過我呢？好彩，由朗豪坊行落嚟，不倒十分鐘左右，遇見一間西餐廳！依家小店，環境浪費，裝修佈置都幾有心思，公主都話幾吸引！我自己覺得最吸引喺門口棵聖誕樹，雖然同節日無關，但都幾有藝術感！近來公主鐘意食蠔，咁啱又買五送一，就咗佢哋兩種主打生蠔《Noimoutier》同《Carlingford》！聽返待應哥哥講《Noimoutier》原來攞咗《2015 法國金蠔獎》！嘩，我同公主都冇諗過可以喺砵蘭街依頭嘅小店可以食到咁豪嘅生蠔！除咗因為海水較鹹外，蠔身都比較鹹而味濃，爽口又富有口感！第二種喜出望外嘅喺《Carlingford》來自愛爾蘭，相對較長身，較淡身同嫩身！兩種提供嘅生蠔我都鐘意，但較欣賞《Noimoutier》！享用完咁豐富嘅生蠔餐外，都喺時候入正餐！我哋兩個人叫咗個《二人晚市套餐》，其實我個人建議叫《二人浪漫套餐》，咁會比較立適合！不過名稱嘅嘢都唔重要，最重要啲嘢好食！前菜我哋選擇咗《青蘋果鵝肝多士》同《巴馬火腿哈蜜瓜

是晚約了好友於旺角閒逛，為了發掘新美食，特意沿著較少到訪的砵蘭街尋找用餐地點。途經 Amour Corner ，門面格局較附近店舖富格調，菜式價錢又頗合理，決定一試。餐廳裝潢是一般西餐廳格局，部分餐桌放置了燭臺以添氣氛。一行二人簡單點了一客二人餐，內含頭盤、餐湯/沙律、主菜、甜品及咖啡茶五道菜，定價$268，其實都幾抵。頭盤青蘋果鵝肝多士拼巴馬火腿哈蜜瓜，先吃較淡味的巴馬火腿哈蜜瓜，火腿鹹香度合預期，哈蜜瓜雖爽口，但甜度水頭稍遜。鵝肝味道都算濃郁，但油份稍高，配上酸爽青蘋果剛好用來減卻那份膩感。最底層的多士沾滿鵝肝油份，亦固然少吃滋味。餐湯沙律二選一，淺嚐一口南瓜湯，湯質很薄，口味很淡，瓜香甜味給力不足，有點失望。雖未嚐好友的蘑菇湯，但評價都是差不多，味道很淡，看餐廳要加把勁改良餐湯出品。主菜醬烤全份豬肋骨，二人享用份量不算少，醬汁食味調較都算不錯，豬肋骨烤得幾腍幾上色入味，倘若肉汁更豐碩會更佳。配上的薯蓉頗香滑，不俗。另一主菜菠菜汁三文魚意粉，餸料份量明顯少一點，三文魚味道OK，醬汁濃稠口味都算對辦，但菠菜出力不明顯。意粉掛上醬汁都見滑口熱辣，咬下富嚼勁。甜品提拉米蘇，芝士咖啡香味皆