飯先生

Open Now

Now Closed

呢間小店位於港鐵奧運站附近，雖然無座位只可以外賣，但食物質素有驚喜，啱晒附近返工嘅朋友同街坊有特價套餐，經濟之選😎門外有張小圓枱同木凳比食客立食可以先用WhatsApp落單，再預時間去拎💫蘭王醬油漬M5和牛丼M5和牛比想像中厚好多，入口牛味重，肉質有少少咬口但唔會咬唔開嗰種，配炸香嘅蒜蓉片香口到不得了分量十足，男士當一餐都絕對夠飽～撈埋蘭王蛋perfect池💫紫薯甘栗薯餅外層酥脆，炸衣厚薄啱啱好，內餡口感綿密除薯仔之外加咗紫薯蓉同埋甘栗粒，少少甜甜地，簡單好味，食唔停口

餐廳：飯先生地點：大角咀海景街菜式：外賣便當餐牌：蘭王醬油漬丼，外賣便當推介，鰹魚湯烏冬，日式咖哩丼飯，和風滑蛋丼飯，可加錢配小食，飲品或者溫泉蛋，仲有關東煮。蘭王醬油漬M5和牛丼 $108呢款蘭王醬油漬M5和牛丼係招牌。和牛丼用紙盒裝住，餸同飯隔開，熱辣辣。好多和牛粒，伴有椰菜絲沙律，蒜片同蔥花。紫菜絲同蘭王蛋分別用膠兜上。一開就聞到好香和牛醬汁味。M5和牛好嫩口，唔怪得係招牌！醬汁夠送飯，加埋蘭王醬油漬蛋撈飯入口多汁又滑溜，正！飯量多不過一樣夠醬汁。蘭王醬油漬封門柳丼 $78蘭王醬油漬封門柳丼都係招牌。M5和牛就變成薄少少既牛肉片，口感好嫩，味道一樣好食！日式一口唐揚雞球 $38日式一口唐揚雞球一客六件，灑上香草，下底墊有椰菜絲，另配沙律醬。鷄肉夠嫩，加埋沙律醬入口好滑溜。每盒飯仲包一罐飲品，有凍冰冰椰青水。包裝乾净衛生，返到屋企已經係半個鐘後食都熱辣辣，質素無問題。