飯先生

Open Now

Now Closed

飯先生今次要介紹喺大角咀一間小店叫「飯先生」，最近大廈維修搞到佢哋週圍被鐵柱包圍住，我搵咗佢哋好耐先搵到，換著以前我份工，一定會幫佢哋爭取一條大橫額，依家要幫佢哋嘅人走哂，淨返喺度只係得個殼，做唔做野大家心中有數，其實咁多條鐵柱輪椅都行唔到，完全唔無障礙，阻塞行人道路，我哋只能夠多多支持小店，其他野一切都做唔到，完！1.日式咖哩炸蝦丼+茶一刻檸檬茶$65（9.5/10）呢個日式咖哩炸蝦丼個咖哩唔辣，炸蝦都有4件，炸得好脆，每隻炸蝦都好大隻，咖哩汁同炸蝦係分開放，咖哩汁入面有洋蔥、紅蘿蔔同薯仔等，再配埋紙包檸檬茶，呢個套餐非常抵食！2.日式咖哩吉列豬扒丼+無糖可樂$68（9.5/10）呢個日式咖哩吉列豬扒丼個咖哩唔辣，吉列豬扒炸得好酥脆，炸完仲幫手切一條條，一共有5大條，食落好方便，咖哩汁同吉列豬扒係分開放，咖哩汁入面有洋蔥、紅蘿蔔同薯仔等，再配埋罐裝無糖可樂，呢個套餐非常抵食！3.紫薯甘栗薯餅$32（10/10）呢個紫薯甘栗薯餅入面紫薯味好香，食落有少少甜味，外面好脆，入面就食到勁多紫薯同栗子粒粒，呢個簡直係必叫之選！4.日式一口唐揚雞球$38（10/10）呢個日式一口唐揚雞球一共有6

呢間外賣店開咗幾個月，雖然舖仔細細，但外面都好有心思放咗張bench 同枱仔，for d 等拎外賣嘅人坐或選擇快快地立食都得。今次叫咗兩個飯同三個小食。呢間小食店好貼心咁將飯同餸分開，咁叫兩個飯就可同朋友仔share 啦！舖頭即叫即整，喺窗會聞到煮食嘅香味。蘭王醬油漬牛肉丼 $58蘭王蛋同紫菜分開上，返到家先自己加落飯度食，提升咗個儀式感。首先個醬油好夠味，用嚟撈飯一流；個牛肉薄切，有牛味，唔會係食柴皮咁；牛肉面仲有炸蒜片，將牛肉沾醬油再加埋蒜片食，超香口。野菜燒汁慢煮雞扒丼 $53個燒汁有d似牛肉丼嘅汁，雞扒好嫰唔會鞋恰恰，最重要係無騷味！和風一口芝士 $34外脆內軟，芝士味好香濃。一口炸蝦多士 $34香脆嘅麵包中間夾住蝦餅，個饀幾鮮甜。就算食到最尾攤凍咗，個包都無變到又硬又靭。海鹽鴛鴦炸薯條 $32蕃薯條crossover 薯條，一次食晒兩隻款，再配埋茄汁同黑松露汁，好香口。另外，所有食品（小食除外）都包飲品，性價比都幾高。返工食外賣嘅話，呢個會係我嘅首選！

大角咀隱藏咗好多小店呢間主打和風外賣平民價格．吸引附近街坊同上班族仲可以whatsapp落單唔洗等就有得拎除咗丼飯 之外關東煮同小食都好吸引✨野菜燒汁慢煮雞扒丼雞扒大塊厚肉肉質嫩滑．配上燒汁味道好夾仲附送罐裝飲品✨小食拼盤裡面有五款，共10件小食即叫即炸．熱辣辣又香脆▫️和風一口芝士▫️一口蝦多士▫️日式炸蝦▫️和風吉列炸蠔▫️日式芝麻雞翼兩個人share．份量恰好呢間好味抵食．以後外賣又多個選擇喇

唔好成日以為香港賺錢深圳洗錢先叫抵，其實香港都有唔少地方好適合打工仔平日去搵食，尤其大角咀一帶，喺奧運站行去都係幾分鐘路程，就有林林總總多平靚正的選擇。今日放工就去左大角咀搵食，出地鐵C1出口轉角位呢間日式外賣便當，選擇都好多便款價錢都係幾十蚊就可以，選擇都好多，包括有鰻魚飯、封門牛柳丼、日式咖哩丼、關冬煮等等，而且味道都唔錯。🐔野菜燒汁慢煮雞扒丼 非常健康的一個配答，野菜份量充足，雞扒嫰嫰淋上燒汁，味道不錯，健身人士可以柯打小汁則唔會驚怕肥，力推。🐮蘭王醬牛肉丼網上食評力推的封門牛柳丼，可惜今日售罄，試到，就試吓蛋黃醬汁牛肉丼，蘭王蛋及紫菜分開放，回家自行加入飯中拌勻，不會因途中令飯泡得太濕而影響味道及口感。醬油漬味道唔會太喊，牛肉薄切一啖入口牛味十足，肥瘦恰當，配上香脆炸蒜片更添層次。下次仲有機會的話，應該會試吓，食物自由配搭，款式選擇亦相當多，仲有我大愛今次竟然係溫泉煮。小店小小五臟俱全，更有不同小吃炸物可選，如果唔想煮飯，又係加餸好選擇。

【大角咀•飯先生】@ππππππππππππππππππππππππππππππ岩曬上班一族既日系丼丼蘭王牛舌飯牛舌經過精心燒烤，外焦內嫩，肉質鮮美，帶有淡淡的煙燻香氣。搭配上香噴噴的白飯，飯粒鬆軟，吸收了牛舌的肉汁，口感更加豐富。元祖溫泉蛋牛肉飯牛肉切得厚薄適中，煮至剛好熟透，保持了肉質的鮮嫩。溫泉蛋的滑嫩口感與牛肉相得益彰，蛋黃流出來後，與米飯和肉一起混合，形成了一種獨特的奶香味。 日式蝦多士日式蝦多士是一道輕盈可口的小吃，外皮酥脆，內餡則是新鮮的蝦肉，鮮甜無比。每一口都能感受到蝦肉的彈性。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#大角咀美食 #飯先生 #web3大角咀飯先生大角咀海景街36-46號富貴大廈西座地下6號舖

大角咀匯豐中心對面外賣小店「飯先生」，餐牌以丼飯為主，另有以炸物為主的小食及關東煮。店面很迷你沒有座位。🍚蘭王醬油漬封門柳丼牛肉切的厚薄適中，口感嫩也帶點咬勁，蒜片酥脆爽口，調味上不會太重。白飯給的挺多的，且與牛肉分開，完美達成乾濕分離。🍚日式咖哩炸蝦丼蝦炸的外皮金黃，即使有一半泡在咖哩醬汁中，口感仍挺酥脆。蝦肉大小適中，口感彈牙。咖哩味道偏重，裡面有薯仔、甘筍、洋蔥等，搭配白飯十分適合。🍢小食拼盤小食有近十種選擇，其中拼盤可以一次享有五種，十分優惠。特別推薦雞翼，肉質嫩且多汁，外皮很脆，調味上帶點辣很爽口。炸芝士味道濃郁，滿滿的芝士很邪惡。

大角咀海景街附近食店大多數係日式酒吧或者拉麵店，價錢相對偏貴，最近發現原來呢條街開左間關東煮小店，鋪頭對正匯豐中心出口，非常方便，重點係價錢非常貼地，簡直係打工仔恩物🤩🤩🤩🍲關東煮十貫稻庭烏冬$52十貫稻庭烏冬真係好抵食，可以食到餐牌上面10款不同的關東煮，每款材料都非常大件，而且湯底好清甜，烏冬好彈牙👍🏻🐥野菜燒汁慢煮雞扒丼$48慢煮雞扒非常健康，雞皮好薄，而且中間唔會有好大層脂肪，雞肉非常入味，用嚟送飯非常好味🤤呢個晚市套餐仲會配埋飲品真係非常抵👍🏻👍🏻

大角咀新開咗間日式小店，主打外賣，食物精緻又好味😋▫️蘭王醬油漬M5和牛丼 🥩 $108真係要極力推介大家試一試佢哋嘅和牛丼！醬汁惹味，再加上炸蒜提香，每一口牛肉都有濃郁嘅和牛味，用嚟送飯一絕！▫️關東煮十貫 $48女仔想食清淡啲嘅話都可以選擇佢哋嘅關東煮，十分足料！超巨型嘅竹輪同日式蒟蒻，再加上入味嘅大根，完美還原日本風味🤤💬 整體餐廳食物乾淨精緻又好食，好適合放工叫定外賣直接拎返屋企食，期待下次嚟試一試佢哋嘅烏冬💕

呢間「飯先生」餐廳真係好正架!佢位於大角咀，離奧運站只需要兩分鐘路程，交通超級方便。餐廳淨係做外賣，餐牌種類好豐富，有各式各樣嘅便當同小食，每款都好吸引。今日我就試咗佢哋嘅招牌菜 - 蘭王醬油漬風門柳丼飯同埋一口炸蝦多士。呢碗丼飯真係好正，封門柳肉質鮮嫩多汁，份量十足，配埋香脆嘅炸蒜片，香氣四溢。白飯軟綿綿，配搭得好好，加埋生蛋醬汁同紫菜，令整體味道更加豐富。另一款炸蝦多士同樣出色，外層金黃酥脆，裡面嘅蝦肉鮮美彈牙，一口咬落去，外脆內軟，真係好食到停唔到口。📍 飯先生 (大角咀)大角咀海景街36-46號富貴大廈西座地下6號舖

舖頭位於奧運站附近，細細地嘅一間，尊做外賣，唔算顯眼，但食物種類豐富，有丼、關東煮、咖喱飯、烏冬......選擇齊全。呢度嘅價錢超實惠！丼唔算貴，最平$40都食到，仲連埋一罐凍飲（飲品種類又有唔少選擇），我同朋友都感嘆會唔會太抵。Lunch time比較肚餓，同朋友一人嗌咗一個外賣丼飯食。蘭王醬油漬牛肉丼 & 蘭王醬油漬封門柳丼店家好貼心將飯同肉分開裝，飯量同牛肉量都比得相當足夠，封門柳丼肉質軟腍、牛肉味濃郁，啲汁撈落飯到好好食，特別推介比鍾意食牛嘅朋友。好抵食，食得好飽，係會encore嘅一間日式小店~

放工好餓點好，又想食到快靚正外賣，行經過比佢精緻嘅招牌吸引到，有便當，烏冬，多款小食佢提供特別套餐，丼/烏冬 都係 $50左右，仲有飲品送- 元祖溫泉蛋牛肉丼 牛肉片唔會好多肥根，燒汁連同洋蔥絲一齊煮，牛肉片入味，撈埋玉子食，用來送飯唔錯- 鰹魚湯燒雞扒稻庭烏冬會分湯裝！打開飯盒，已經被雞扒個樣吸引左，多種蔬菜點綴鰹魚湯入邊會有白蘿蔔，鳴門卷，倒入烏冬內幾清甜燒汁雞扒咬落口感軟滑，帶點甜味，雞扒食落juicy試左佢嘅小食，一口炸蝦多士6粒一盒，每粒一小口剛剛好外皮麵包炸得酥脆，唔油膩，中層蝦滑食落非常有口感，點埋千島醬味道更加好*可另外加 $8 配黑松露沙律醬/明太子沙律醬- 紫薯金栗薯餅炸得唔會太過燶，食到裏面有紫薯粒，紫薯甜甜地，幾香口！

🐮蘭王醬油漬封門柳丼飯 $78呢個系列亦都可以選擇將飯底轉烏冬無諗過呢款咁有驚喜！封門柳厚薄度啱啱好而且份量超級多口感軟熟醬汁鹹香帶啲啲甜味上面放咗好多蒜片 可以夾住食貼心位蘭王蛋同紫菜係另上嘅 可以喺食之前先倒落去蘭王蛋橙紅橙紅一粒圓碌碌 蛋味特別濃郁！🍳和風滑蛋雞扒丼 $58呢款丼飯都好足料雞扒切成一塊塊粗條 厚肉帶雞皮重點係每款雞扒都沾滿滑蛋 隔離亦有大量洋蔥條 爽脆可口🧀和風一口芝士 $34一份6粒三角形芝士即叫即炸外表金黃酥脆比平時食到嘅芝士鹹香味更加突出一粒接一粒完全唔會停😋👅日式一口唐揚雞球 $38呢款小食同樣係一份6件雞球大大粒同樣係即叫即炸好鍾意佢咬落係啖啖肉而唔係成口粉或者有太油膩嘅感覺

公司對面開咗間外賣店@Mr Rice 飯先生，同事食過佢嘅丼飯，讚口不絕。今日下午茶，決定試吓佢嘅小食。小食一共有10款，當中點了四款試一試。和風一口芝士形狀有少少似三角形的炸薯，熱辣辣炸起，流心芝士好好味一口炸蝦多士多士一面脆卜卜，加上彈牙蝦肉，口感香脆，最驚喜嘅蝦多士冷卻後，仍然脆卜卜，沒有油耗味。日式芝麻雞翼睇相覺得炸過咗龍，其實炸到啲骨脆卜卜，雞肉仍然保留肉汁。可能都係因為新鮮炸起，嗰種熱辣辣嘅味道仍然保留在口中。海鹽鴛鴦炸薯條炸紫薯薯條應該無人不歡，就算無海鹽，薯條都已經好甜，不過不失

位於奧運站C4出口，步行幾分鐘就到。呢間外賣嘅小店主打關東煮🍢、丼飯、炸物小食等等。蘭王醬油漬封門柳丼見到呢個蘭王醬油漬系列都幾吸引🤩，個丼飯啲肉都幾多同夠晒大塊，入口食到好濃郁嘅牛味而且好鮮嫩，個醬汁甜甜地，啲肉夠晒入味。小食拼盤有一口芝士、蝦多士、炸蝦🍤、炸蠔同炸芝麻雞翼，即點即炸。未食已經聞到香味，當中一口芝士同炸芝麻雞翼比較出色。飲品🥤：茶一刻無糖烏龍茶📍 飯先生 (大角咀)大角咀海景街36-46號富貴大廈西座地下6號舖

.#foodie #hk #hkfoodie#HTB美食推介【大角咀外賣日菜｜🍱烏冬丼飯關東煮應有盡有】🐨玉子蒲燒鰻魚飯 $70推薦度：⭐️⭐️⭐️⭐⭐️鰻魚份量接近有半條，食落無魚骨，唔算好淋身係實正口感… 鰻魚汁味道適中，唔會好甜又唔會太鹹，係飯到仲有額外俾到鰻魚汁，認真細心~ 🥚玉子份量唔算太多有兩件，大約係一口一件，做到好夠甜又有蛋香！！.🐨一口蝦多士 $10推薦度：⭐️⭐️⭐️⭐⭐宜家已經好少餐廳有蝦多士🍤所以見佢追加小食只係$10,就即刻叫咗~ 強烈建議大家都要加！！！因為真係好好食~ 細細個嘅回憶返晒黎… 睇相都見到佢比較係一比一比一，蝦膠份量都算多。食落蝦味勁出，而且好彈牙.. 最緊要係雖然係炸物，但一啲都唔油~ 想止下口癮係一流😋.🐨關東煮(大根$6 豆乳魚蛋$8)推薦度：⭐️⭐️⭐️⭐關東煮有8同10件嘅組合，不過今次食咗個飯，所以就淨係揀咗其中兩款試下~關東煮味道唔算十分濃，飲到有鮮味，估計係鰹魚味黎，最緊要係無味精，飲左幾啖個湯都唔駛係咁飲水，正!!! 大根味道好清甜又無渣，豆乳魚蛋入面好滑~.⌫跟餐仲有一罐「茶一刻無糖烏龍茶」添~——☼——☼——☼——☼——☼——飯先生📍地址：大