廣成冰室 (Under Renovation)

据知呢間冰室在上水有幾十年歷史，睇下格局和食品選擇，就知“真”冰室係點🤔，和坊間的“新”冰室真係好唔同。早上8點幾來到，有位直入。叫左全日茶餐，滑牛通，蛋治和茶走。都要等下至送到，滑牛通味道並不複雜，簡單的牛味和薑絲，作為早餐個人覺得較沙嗲牛肉通更合適🤭。蛋治就真係好，又滑又厚無得輸😌。茶走呢。。。無乜茶味，奶有點多🙄未到9點門口已經有人群聚集要等位。姐姐們都好禮貌好好人，也許這就是街坊店的人情味。😆👍

🐰超厚雞蛋三文治配紅豆冰🥪山長水遠入到上水一嘗馳名嘅廣成冰室！烘底蛋治：真係好厚嘅雞蛋呀！有好香嘅牛油味，雞蛋炒得好滑，仲有少少鹽吊味👍🏻非常出色紅豆冰：有好多紅豆呀！軟硬適中，不過有點太甜。值得一提嘅係佢嘅冰係刨冰黎架！個人覺得可以有多少少奶，同埋支飲管可以用粗飲管🙈啲紅豆成日塞住，根本飲唔到😑我仲有食佢嘅牛肉通心粉，不過實在太普通😖啲通心粉太淋了🙄湯底亦無乜味！店舖環境非常懷舊，店員都好有禮貌。

北上作樂但未到約定時間，而又可節省車費的前題下，先在極少踏足的上水稍作逗留醫肚！網上介紹的食店當然不少，但此廣成冰室在上水區的推介列上名列前茅。就為它的老字號名氣，為它的食物，更為它與我家人同名，我非試不可。哈～店面裝飾古舊，保持七八十年代的佈置，座位較為擁擠，通道非常窄，小心伙計傳菜會有輕微碰到食客的情況。而理所當然茶餐廳要搭枱啦！我點了一份HK$38的茶餐，包括一杯咖啡，牛肉通粉及蛋治。可能週末人多坐滿，出餐要點時間，等了差不多20分鐘先來一杯咖啡，港式咖啡香滑度不過不失。不久牛肉通粉就到了，牛肉有點半生熟，浸一下剛剛好，並混有少量薑絲吊味，不過整體通粉味道略淡。吃完通粉再等了會，蛋治到了。厚厚的鮮蛋夾在中間，蛋香幼滑，不錯！若到上水走走也不妨支持一下，老牌茶餐廳也算是買少見少了～

星期日放假同阿女去街街前，先食飽個肚再出發！阿女自己話想去廣成冰室食牛肉通。由於是假日，去到已經有十幾人排緊隊。但大約等左10分鐘都已經有位，叫左兩份早餐，一杯熱飲，一個牛肉通，一份蛋治。杯茶走好正，有茶香味但不會太甜，味道剛剛好；牛通既牛好軟，小朋友唔會咬唔到；成份早餐，至正既係蛋治，麵包好軟好新鮮，炒蛋份量勁多又唔會overcook，阿女至愛呢份蛋治！至於冰室既環境係懷舊裝修，地方比較迫，不過人人都係食飽就閃！價錢方面，$38一份餐，以份量同味道都可以話係好抵食！真心推介呢間上水懷舊冰室！

廣成是我由細吃到大的茶記，沒靚裝修，卻有懷舊冰室的味道。這裡也沒menu，只有牆上的餐牌。星期六放假，早上帶男朋友去吃，11點左右等了5分鐘便入坐，裡面滿是人。入坐點餐後，我倆等了差不多20分鐘，終於來了牛肉通粉吃！鮮牛肉吧？很滑！湯底也是牛肉碎的🤤❗️牛肉通粉之後再來了蛋治，蛋的水準依舊高，炒得很嫩很滑，不足之處是蛋汁令方包都浸淋了蛋治我點了熱檸水，有4塊檸檬，一點都不慳皮。雖然冰室不大，坐位也不多，但是餐廳內外的人都耐心等待，為的是吃性價比高的牛通、蛋冶、紅豆冰🙂

今日友人帶我到上水食好西尼間既茶餐出晒名，幾乎大多數人來到都係食茶餐裝潢超級復古，保留到以前七、八十年代既味道，尼種舊式風扇都少之有少。雖然裝潢同傢具好古舊但保留一留風味。平日下午茶時間正常人流不多，相反尼間爆滿人，仲要來吃的主要是茶餐或常餐。因為茶餐既多士真係好厚厚厚蛋而且個蛋煮得好嫩滑仲要價錢不貴，《茶餐》只係$38《雞蛋三文治🥪》配《牛肉講通粉》配熱飲☕️尼到既《茶餐》set死左無得改野雖然好專制但就真材實料首先來左杯熱奶茶，尼到既奶茶都係傳統拉茶所以好滑茶同奶調得剛好，所以吾洗加糖都夠味啦另外《牛肉通粉》既牛肉煮得恰好不會過熟，而且牛肉超大塊真係好新鮮而且通粉煮得不會過淋一向最愛食麵包同蛋既我，尼個蛋治成份上仲要超厚既蛋睇來好多，食落吾夠喉，三文治🥪好軟身，蛋厚得來保持到炒蛋既嫩滑吾會過熟，仲有蛋汁流出來食晒成個茶餐都吾夠喉啊有機會可以試埋其他

已經好耐都無黎過上水喇 今次特登為左睇白茅而黎 發現呢道俾大陸客完全侵佔左 行到最角落既呢邊好彩發現到呢間好有懷舊風味既港式茶記中午十二點左右到 等左5分鐘左右就可以入座 因為地方都幾迫 收錢既老闆娘就好似哈利波特捉緊巫師棋咁大聲指示士兵去邊坐低 指示非常清晰我地分別叫左一個早餐同一個茶餐菠蘿油就無乜特別 不過不失 但係男朋友無食到舊牛油 阿姐就好貼心咁提我地下次可以叫走牛油牛肉通粉牛肉微紅 不過係熟透既 食落好鮮甜 無腥羶味 通粉就好滑好彈牙最後 主角終於壓軸岀場 就係呢個睇落平平無奇既雞蛋三文治但係一拎上手望一望就會發現d炒蛋真係超級厚 一口咬落去真係好滿足 軟軟既面包外層加埋又香又滑又有小小半熟既超厚炒蛋 山長水遠黎到上水食都抵左凍奶茶比凍鴦好飲 奶味比較重

上水火車站附近一帶總是人頭湧湧, 離開火車站, 去遠D, 也是人頭湧湧。無他, 因為今日我吃的是廣城冰室。去廣城冰室, 要排隊攞紙仔等位坐, 餐廳樓底高，但入面擠滿座位，難免背隻貼背隻, 通道有點狹窄。牆上盡是歷史的痕跡, 手寫餐牌, 掛圖, 白色瓷磚，牛角扇等等。終於等到位, 但今天不吃冰了, 改吃茶餐。茶餐叫了牛通, 牛通是用薑片鮮煮送上檯時, 湯還滾, 肉還是鮮紅的。唯一美中不足是鬆肉粉有點多。茶餐另外再配蛋治,這份蛋治, 蛋夠多, 也夠滑, 厚厚的, 誠意十足。另外餐茶配熱奶茶, 茶夠熱夠香, 也不過澀, 奶的份量也適中, 夠滑。這餐盛惠38, 不算太便宜, 不算太貴, 其實也OK 的。臨離開時見到菠蘿包出爐, 很順手的買了一個回家吃。

這間廣成冰室我已經光顧了超過15年 從20多元吃到現在30多元 廣成冰室的特式是它只有兩個餐分別是早餐及茶餐 而且只能吃牛肉通粉或是火腿通粉。不過通常來的只有一個目的就是為了吃它的免治牛肉通粉。 早餐和茶餐分別是選擇免治牛肉通粉後，1可以選擇配一件蛋治2.或者配菠蘿油加隻蛋牛肉通粉係必食，因為湯底 係加薑及用免治牛肉製成味道濃郁 有牛味內部嘅裝修係維持以前原有嘅舊有裝修有懷舊風味，不過如果星期六日來的話要排很久就像酒樓輪候號碼一樣，而且裏面很迫 需要人貼人。一張卡位要坐四個人。不過我都習慣了如果在下午茶時間來還有他的懷舊招牌紅豆冰

熱得好緊要...但經過開上水.又見到有人話好味...所以點都要行去食!一去到勁多人等左差不多15分鐘之後入到去我嗌左杯COT同埋蛋治...但個姐姐好攪笑....唔比我嗌COT好似想..一定要我嗌紅豆冰..仲同我講【我地紅豆冰咁出名你真係唔嗌呀】我答佢【我唔飲得奶呀...你比COT我得喇..】【真係唔飲?】【我真係唔飲得呀..你比杯COT我好冇?】之後等左差不多15分鐘先有個蛋冶...嗯,究竟用左幾多隻蛋？但,不過不失 啦~~~我一食就只係覺得只不過用左幾隻蛋去整既蛋冶....蛋好油....基本上麵包都比油整到腍哂=.=好似KEEP住連埋D油食落肚咁濟...

在剛過去的清明節遠遠的去到上水，當然要去地道懷舊的廣成冰室 。這冰室相信在上水是無人不曉的，若假日來，要有排隊的心理準備。我和妹妹就是預了要等所以先到明記腸粉外賣打底。說回廣成冰室，店內裝修非常懷舊是其中一個使人前來的原因。今次等了20分鐘在邊吃邊等的情況下是可以接受的。在差不多有位的時候，老闆娘會叫你落定ORDER並告訴你食物要差不多20-30分鐘才有。我們點了兩個茶餐，一個跟蛋治一個跟菠蘿油。其實你不一定要點茶餐，簡單的茶記食物是有供應的只是不在餐牌上。蛋治 – 軟軟蛋配軟軟方包，永沒有錯，值得一提的是厚身蛋和沒有太多調味，吃到淡淡的味道，挻好!菠蘿油 – 依舊鬆軟的麵包，味道口感也好，因為有很大件的牛油，只是不夠熱和脆(其實這兩點很重要)。牛肉通粉 - 軟身牛肉，沒有過度腌製。湯底有薑味無味精，可能有人會覺得好淡但我喜歡在這裡的樸實。妹妹便加了桌上的辣油，吃起來其實更香更有味。奶茶 - 奶茶很滑，很香濃，我只放了一匙糖已十分夠味。其實在這裡是應該點 紅荳冰的，造型特別有心思，紅荳和奶配合得好，很好喝的。只是我上次已經喝過加上要少喝凍飲的原則所以沒點但若果第一次來真的不可錯過。

與朋友來到上水，必須到此區特色食肆試試，朋友推介了此店。到達時已過中午時飯時間，但店內仍擠滿客人。店內裝修非常懷舊，估計是六十年代裝修，非常特色。我們選了2個套餐，包括波羅油、蛋治、牛肉通粉、奶茶、好立克。由落單至第一樣食品送來，也要10分鐘。先送到的是波羅油，很可惜，波羅包凍了，吃起來有點失望，但脆皮仍然是脆的。反而蛋治非常不錯，厚厚的滑蛋，方包新鲜軟軟的。奶茶很滑，香濃茶香，不錯!牛肉通粉加上羌絲，牛肉吃來是新鮮牛肉，份量亦多，通粉略冧，湯味略淡，後加了香濃辣椒油，更添美味。此類特色食肆已絕無僅有，值得推介!

生平踏進上水的次數簡直單手已數完，今次要不是為了和月巴去羅湖並在上水出閘可節省幾個錢也幾乎不會踏足此地…冰室離地鐵站也有一段距離，不過幸好天氣不太冷也適逢新年間沒有過多的水貨客，7-8分鐘的路程便到了。懷舊冰室旁邊的是五金店及寵物用品店，雖然好像顯得有點格格不入，但別小看它的威力，因為即使是兩點多也有不少人在門外排隊等候，幸而人流量都算快，十分鐘左右已可入座。踏進店內，妨如回到八十年代，風扇、餐牌、坐位都變得古色古香，十分懷舊。基本上每個食客都是點了茶餐($35)：牛肉通粉配蛋治加飲品；奈可我今天完全不想吃白麵包，因此轉了其中一個配菠蘿油，而且奶茶可謂是等於一家餐廳的水準，但好甜的我總是愛喝茶走 (經常有餐廳制作馬虎或忙中有錯把奶茶當成茶走，所以這測試絕不隨便！我說的！)菠蘿油很快便來到，我和月巴一人一半，麵包皮脆內凍，牛油的厚度不偏不倚，即使是獨自吃了一整個也不會感到內疚！但個人更喜麵包帶微暖，這樣牛油會慢慢溶化，更為好吃！看著細小的廚房和水吧，兩個人一人顧著一邊分身不暇地做單，唯有喝著茶走靜心等待，大約等了二十分鐘完整的茶餐才來到，急性子的朋友可能會受不了。看著滿滿的牛肉通粉，先吃

一天，忽然懷舊，回到我小時候經常去的地方--上水，發覺到處都變了好多，到處都是連鎖店，上水廣場，上水中心，新都廣場都是。而石湖墟許多的小店，如布匹店，雜貨店等都沒有了，變成了一間間藥房，沒有了我小時候的味道。逛著逛著走到了還是有許多傢俱店的街道，也記得附近有間廣成冰室很有名，但我這麼久都未吃過，就撞一撞看看那間冰室是否還在，幸運地，懷舊小店仍在呢我點了套餐：包括牛肉通粉，蛋治和凍奶茶。首先來的是凍奶茶，凍奶茶既香且滑，味道香濃，剛剛好，很適合我這個奶茶怪呢之後來的牛肉通粉，竟然不是我們在普遍茶餐廳吃的沙嗲牛肉通，冰室用上的竟然是新鮮的牛肉片，很鮮味，湯上還有新鮮牛肉的精華。另外，牛肉通上還配上薑絲，吃著還有薑的味道和香氣至於蛋治應是即叫即整的，因為我吃完牛肉通粉都還沒來，蛋治入面的炒蛋滿滿的，厚厚的，放進口中還會掉出來，可見用料很足蛋都是十分香滑，麵包也沾了蛋汁，很是好吃。由於冰室很早關門，也有很多人等候入座，我一吃完就不作久留了，讓期待的人試試這份美味的下午茶

冰室 - 呢種食肆喺香港可謂買少見少。有唔少香港人將冰室同茶餐廳歸類為同一食肆，但對我嚟講冰室比茶記多左一份專注，賣野貴精不貴多，傳統冰室食物選擇可能只有二十零種，所以佢地可以好專注咁做好呢啲食物，同時亦因為用料集中，所以食材流轉速度快，啲材料保証新鮮。今日我特登揀左上水口碑好好，開左估計最少五十年嘅廣成冰室試下！室內裝修懷舊風味十足，無論室內裝修，餐牌設計，以至汽水柜呢啲室內應用物品都帶有濃厚六七十年代嘅懷舊色彩！請注意，我當日幫趁時間係中午兩點，室內爆滿之餘外面仲不斷有人等位，以一間開喺橫街頭尾嘅冰室嚟講係超好生意！人氣真係爆燈！我亦偷偷慶幸，我只係喺門口等左五分鐘就入倒去。望住餐牌，數數手指連食品種類包括早餐及茶餐都只有二十一款！選擇少但食客多，即係質素好。我成日覺得食肆貪多務得，會影響質素，專注先能夠確保出品質素。九成食客都叫茶餐，我都唔例外，睇下有乜野咁正，咁多人食先。茶餐 HK$33有牛肉通粉、蛋治同埋熱飲牛肉通粉賣相唔錯，牛肉擺哂通粉上面。有兩條薑絲放面，好似靚仔左好多！聞一下，好重薑味，亦有牛肉香味。湯面有熟牛血，即係話湯係同生牛肉同煮，飲啖先！湯底好鮮甜，有牛肉同薑味