瑞記咖啡

Open Now

Now Closed

相信很多人都聽過甚至曾經吃過瑞記咖啡，他們的西多士和樽仔奶茶可謂其一大特色，令不少遊客都特地慕名而來，加上價錢經濟實惠，亦吸引了附近的上班族和學生～到訪正值中午時段，等了不久就有位，當然少不了要點馳名西多士和樽仔奶茶，另外蛋牛飽也是繼西多士後另一名物，也同樣點了一份試試。樽仔凍奶茶 HK$18樽仔奶茶的味道倒是沒有太大特別，只是形式上以玻璃樽盛載甚為特別，雪凍了的樽仔奶茶不用加冰已很夠凍，因此飲到最後味道亦沒有溝淡ʕ •ᴥ•ʔ西多士 HK$29果然是瑞記的招牌菜，沾上蛋漿再加以半煎炸，口感酥脆和帶有蛋香，加上煉奶非常邪惡，雖然都是與坊間同樣的配料，但實在說不出為何瑞記的西多士會份外好吃！蛋牛飽 HK$20瑞記的蛋牛治和蛋牛飽都同樣有名，但因為蛋牛治在一般茶餐廳都能吃到所以選擇了蛋牛飽。很大的一份蛋牛飽，飽經過烘烤所以很香脆，簡單夾以炒蛋和碎牛肉便成為一份經典的蛋牛飽！

雖然一路上黎，市政大廈嘅街市都有陣味，好彩上到三樓熟食中心嘅環境都算乾淨。放飯時間過黎，唔洗等位。傳說中嘅樽仔奶茶好啱打卡，不過味道就普普通通，偏甜; 蛋牛飽係驚喜，個飽烘得好脆，入面嘅蛋牛餡加左葱花同整得好滑好夠味;牛肉麵就普普通通，不過$30嚟講都係翻咁上下。好食指數 : 6/10CP值 : 5/10回頭率 : 5/10價錢 : 5/10

講到港式野食又點少得樽仔奶茶，最近就終於一嚐位於上環文娛中心既瑞記☺️Menu上既選擇唔算好多所以只有2頁紙😆試左樽仔奶茶🫙鮮牛肉腸/蛋麵🍜同埋蛋牛飽🥪奶茶好香濃，係樽到就唔怕冰融左會稀🤗鮮牛肉嘅質地好滑同埋腍😆🐂至於蛋牛飽，烘過後會有少少脆，超多餡加埋蔥好香😚Momo&Boo指數 (5分最高)⁣⁣⁣⁣⁣味道: 😋😋⁣⁣😋⁣價錢: 💰💰環境: 🤩🤩⁣🤩性價比:👍🏻👍🏻👍🏻👍🏻

✨抵食美味嘅老字號冰室✨.星期六中午時段去到位於上環熟食中心內嘅瑞記，當時人唔算多約6成滿座，所以輕易就能入座ʕ•ᴥ•ʔ瑞記開咗超過60年，雖然冇好打卡嘅環境，街市亦向來予人感覺些少邋遢，但都算係乾淨企理，而且多咗種真正嘅港式懷舊情懷🫶🏻.P.S. 佢星期日同公眾假期係唔開㗎～揀番星期一至六去避免摸門釘🙈.▫️樽仔凍奶茶 $17（7.5/10）要講呢到名物一定非樽仔奶茶莫屬！好多人都話佢嘅奶茶雪凍冇加冰，會比平常飲嘅奶茶味道更濃♥︎不過我冇飲開奶茶所以難以比較🙈只能話幾好飲，即使冇得要求甜度，但甜度對我黎講係啱啱好😋.▫️西多士 $27（8/10）平時西多會用一塊厚啲，而佢係用兩片薄嘅疊埋一齊，同埋冇花生醬😳至於食落都好正，麵包色脆內軟且富蛋香，仲有滿滿嘅煉奶꒰ღ˘‿˘ற꒱邪惡地好食🤤.▫️蛋牛飽 $18（9/10）原來佢嘅蛋牛係加咗蔥，成份餡料不少，對本身鍾意食蔥炒蛋啲我好加分😻鹹牛肉亦唔會太咸，好合我心意💓而且佢個包係烘到微焦，咬落香脆好有口感，成份加埋就係正！.▫️鮮牛麵 $29（6/10）有機會因為放耐咗，食落相對失色嘅一碗，但鮮牛份量絕不欺場，口感都幾軟腍🐂.話說原本會覺得呢類老字號嘅

今日行過上環, 去試下出名既茶餐廳瑞記, 唸住食番個靚下午茶, 叫左佢地出名既3大名物: 樽仔奶茶, 蛋牛包, 西多士.環境方面都尚算乾淨, 雖然出入Lift口 有D濕滑, 但坐位附近尚算OK, 始終街市熟食中心, 唔太污漕已經OK.樽仔奶茶: 茶味有D不足, 飲落偏甜.蛋牛包: 麵包有烘過,有嚼口和鬆脆, 蔥花牛肉蛋, 都OK多餡, 唔估寒, 而且都有香味, 溫度暖暖地, 幾好食.西多士: 係用煎既方法去處理, 有蛋香, 無油溢味/焦味, 但中間無其他醬, 上面鋪左糖,牛油, 少少煉奶, 有D太甜, 味道有D寡,膩.5點收工, 但4:50依然都多人..果然係一間馳名既餐廳, 整體上好食 但唔係太特別, 而且無套餐,全部野都要散叫,3樣野分別: 奶茶 $17, 西多士 $27, 蛋牛包 $18, 加埋要$62, 以一個下午茶黎講,有d偏貴.

慕名而來拜訪佢既奶茶😅熟食中心既風味已經買少見少🥲 時代既巨輪之下📻 突然有種懷舊一下的心情 食完的感覺不至於失望😦但懷舊的價值比起食物更有驚喜 😃⭐️ 樽仔凍奶茶 🧋樽仔既外觀好有懷舊感🧡 奶味比較濃🥛感覺好幼滑 可惜茶膽唔夠濃☕️⭐️ 西多士 🥞多士煎得金黃色💛 香脆度岩岩好 內裡比較鬆軟 可惜蛋香不明顯 🥚⭐️ 蛋牛飽 🥪鮮烘鮮食既麵包🍞甜甜地暖暖地👍🏻 炒蛋加上蔥唔會太膩 但係鹹牛肉實在太鹹🌚

摸咗兩次門釘，終於...我終於食到，的確係名乎其實遊客必到嘅地方，佢係位於熟食中心入面，有大冷氣，坐得好寬敞，而且姐姐好好人蛋牛治$17，包底烘過，好脆好實在，咸牛肉炒蛋完全係天堂料理😍佢啲蛋炒到係較乾身嗰種，配埋啲青蔥，無限昇華另外點嗰個係西多，對比其他茶餐廳，佢個多士唔係全蛋漿炸，而係用煎嘅方法，呢個方法啲煉奶可以更充分俾多士吸收，所以每咬一啖，蛋香，多士嘅脆口，同煉奶係一嘢爆哂出嚟，好正呀😱😱😱

好耐之前食過一之瑞記 今日再舊地重食發現只有西多士依然好食 確實有少少失望首先講下碗鮮牛麵($28) 普通過普通正常茶餐廳放完個麵落去兩秒拎番上黎嘅感覺再來蛋牛飽($16) 上枱嘅賣相已經相當唔吸引不過味道都仲係位於「唔錯」嘅位置樽仔奶茶($16) 一早已預計到會好甜 卻發現 係超甜幸好茶香依然存在 未至於俾甜味迫到無掟企！可幸嘅係 西多士($25)好味依然食落較似法式西多士 外皮香脆的 加上淋上面嘅煉奶啖啖都係罪惡同幸福感！

適逢假期，想到海邊走走，順便來試試這間馳名餐廳。這位置比較難找，要到熟食中心的2樓。下午兩時多來到已經有很多人，幸好不用排隊等位食物種類不是太多，都是很簡單的食材，價錢合理。蛋牛包麵包是被烤過的，熱哄哄，一咬便有非常濃郁的香蔥及鹹牛肉味，再配上蛋餅，味道不錯！西多士本意是茶餐廳的那種西多士，但原來這更像法式西多士！麵包外皮是脆的，像是被炸過，再配上煉奶，每一口都有幸福的感覺，令人驚喜！腸仔蛋米粉本來是點先牛肉蛋麵，但我們太遲才來，很多食材已經售罄，唯有點了這個腸仔蛋米粉。這碗米粉沒有什麼特別，是我們平時自己也可以煮到的味道。樽仔冰奶茶我們是為着這個而來的！果然不失所望，這樽奶茶不像太興般甜，而是有着濃郁的茶味，甜味恰到好處，而且質地是較濃稠而且滑口，整體感覺不錯！建議下次可以早一點來，要不然很多食材也會售罄而且他們也頗早關門的，我們還未吃完已經說他們準備打烊了！還有今天只有一位店員幫忙，所以等候食物時間比較長。

尼間位於街市熟食中心既角落的大排檔茶記係一間平民店食個麵咬個包嘆個茶食件多士既好地方餐牌好有舊式風格尼到食物全部都係散嗌，即叫即製中午時間人流不算多不用等位而食物雖然即整都好快上咁我就叫左個《西多士》$25西多士一早預先切定好6份面上淋了好多煉奶，食落好鬆軟相比一般西多士炸完再加蜜糖牛油口感完全不同，亦吾會炸到硬身係好鬆化口感好不同另外叫左個《蛋牛飽》$16同樣切好兩份用長形熱狗飽身夾住香蔥炒蛋牛肉好惹味同咪即整暖笠笠好好味吾太過鹹又吾太油最後點左自家用樽仔沖既凍奶茶$16個人覺得除左個樽無咩特別相比出面既奶茶味道較淡一點不太甜還是喜歡平日餐記的熱奶茶雖然散叫但其實都幾抵食

星期六同男朋友去上環探朋友, 探完要搵野食, 想起很久沒有去食瑞記~ 有D掛住~雖然瑞士的食物選擇不多, 但我覺得水準都係平均地好食GE阿姐幾Nice~ 仲讚我瘦叫我坐入面一定無問題: ) 睇咗陣餐牌就決定好我要了腸蛋麵, 腸仔唔會煎燶, 煎到好平均~ 隻蛋又煎到剛剛好~麵是出前一丁~配埋麻油味~女朋友要了餐蛋麵, 佢都話好食, 無介紹錯~奶茶有特色, 飲落仲唔錯~我另外叫了個西多士~新鮮剛煎好, 四邊煎到好脆~ 有蛋香味~ 加埋練奶又唔會太甜又好match最後上來是蛋牛飽~因為我一向麻麻地食喊牛肉, 但瑞記是出名蛋牛飽, 和男朋友介紹完, 佢就決定食它~我見份量都幾多, 好多蛋同牛肉碎, 但我食完西多士已經好飽, 所以無試食到男朋友食完飽到出唔到聲我估應該都OK好食星期六的上環因為無人返工, 所以會少人好多, 我又2點先去食, 所以完全唔使等位!

黎到上環，特登同朋友仔弓上黎食個茶餐先⋯呢日黎到約3點幾到，附近食肆都冇乜人⋯唯獨瑞記坐滿晒人，好彩咁岩有對情侶剛走⋯唔洗等位。是日2個人叫左杯樽仔奶茶、蛋牛飽、西多士、熱檸水，先試支樽仔奶茶⋯坦白講其實真係唔論得話好飲，可以講成淡而無味⋯可能因為係用支樽裝，飲落就會覺得好有新鮮感⋯若果真係要飲唔加冰涷奶茶，太興嘅冰鎮奶茶仲好飲。而佢地既西多士，同坊間做法好唔同⋯算我唔識欣賞，食多2、3啖⋯就會覺得越來越流，最終我哋都係食唔晒。而蛋牛飽味道我覺得好普通，不過不失。如果一心想來試下，其實都可以⋯但真係唔好期望太大。

經過尋日嘅星巴克體驗，我對港式食物嘅心癮又一次重燃-畢竟係香港人嘛。咁岩爸爸早上有事要出中環可以一齊食早餐，我就提議去試下上環市政-傳說中嘅瑞記玉泉樽仔奶茶同蛋牛飽。上環市政熟食中心其實唔細，重有好多各式其式嘅茶檔，相反我地目標要去嘅瑞記檔仔細細又縮埋右邊，如果唔係個瑞記嘅招牌我地會完全locate唔到間鋪。坐低，見到客人唔多並以街坊客居多，伯伯同應該係friend底嘅客吹水；我地一場黎到，無理由唔試下佢嘅奶茶同蛋牛飽，就同媽媽兩枝加一個share。爸爸鐘意玩另類，叫左熱咖啡同奶油多，我地都無佢咁好氣。飲品好快地由笑臉迎人嘅伯伯送上；吸一啖樽仔奶茶，係無金鳳嘅咁濃咁full咁令人感動（我第一次飲到差啲流淚），但味道好平衡，唔會一味死甜，同埋因為無冰嘅關係唔會越飲越淡，其實係不錯嘅，如果金鳳嘅有九／十分，瑞記嘅都值八分架。不過爸爸話佢杯熱啡普通，無他嘅，鬼叫你係都叫熱唔叫樽仔version試下！之後奶油多先到，觀其形感覺不錯，又夠厚，下次一定要試試；之後突然聽到打蛋聲，應該係伯伯度整我地個飽！再等多兩分鐘，新鮮滾熱辣嘅蛋牛飽都上埋，伯伯重好細心咁切左做三份俾我地share，只可惜我爹死都