Video
Read full review
2010-06-24
58 views
經過尋日嘅星巴克體驗，我對港式食物嘅心癮又一次重燃-畢竟係香港人嘛。咁岩爸爸早上有事要出中環可以一齊食早餐，我就提議去試下上環市政-傳說中嘅瑞記玉泉樽仔奶茶同蛋牛飽。上環市政熟食中心其實唔細，重有好多各式其式嘅茶檔，相反我地目標要去嘅瑞記檔仔細細又縮埋右邊，如果唔係個瑞記嘅招牌我地會完全locate唔到間鋪。坐低，見到客人唔多並以街坊客居多，伯伯同應該係friend底嘅客吹水；我地一場黎到，無理由唔試下佢嘅奶茶同蛋牛飽，就同媽媽兩枝加一個share。爸爸鐘意玩另類，叫左熱咖啡同奶油多，我地都無佢咁好氣。飲品好快地由笑臉迎人嘅伯伯送上；吸一啖樽仔奶茶，係無金鳳嘅咁濃咁full咁令人感動（我第一次飲到差啲流淚），但味道好平衡，唔會一味死甜，同埋因為無冰嘅關係唔會越飲越淡，其實係不錯嘅，如果金鳳嘅有九／十分，瑞記嘅都值八分架。不過爸爸話佢杯熱啡普通，無他嘅，鬼叫你係都叫熱唔叫樽仔version試下！之後奶油多先到，觀其形感覺不錯，又夠厚，下次一定要試試；之後突然聽到打蛋聲，應該係伯伯度整我地個飽！再等多兩分鐘，新鮮滾熱辣嘅蛋牛飽都上埋，伯伯重好細心咁切左做三份俾我地share，只可惜我爹死都
上環市政熟食中心其實唔細，重有好多各式其式嘅茶檔，相反我地目標要去嘅瑞記檔仔細細又縮埋右邊，如果唔係個瑞記嘅招牌我地會完全locate唔到間鋪。
坐低，見到客人唔多並以街坊客居多，伯伯同應該係friend底嘅客吹水；我地一場黎到，無理由唔試下佢嘅奶茶同蛋牛飽，就同媽媽兩枝加一個share。爸爸鐘意玩另類，叫左熱咖啡同奶油多，我地都無佢咁好氣。
飲品好快地由笑臉迎人嘅伯伯送上；吸一啖樽仔奶茶，係無金鳳嘅咁濃咁full咁令人感動（我第一次飲到差啲流淚），但味道好平衡，唔會一味死甜，同埋因為無冰嘅關係唔會越飲越淡，其實係不錯嘅，如果金鳳嘅有九／十分，瑞記嘅都值八分架。不過爸爸話佢杯熱啡普通，無他嘅，鬼叫你係都叫熱唔叫樽仔version試下！
之後奶油多先到，觀其形感覺不錯，又夠厚，下次一定要試試；
之後突然聽到打蛋聲，應該係伯伯度整我地個飽！再等多兩分鐘，新鮮滾熱辣嘅蛋牛飽都上埋，伯伯重好細心咁切左做三份俾我地share，只可惜我爹死都唔肯試一啖，白費人地一擔心機。
蛋牛飽-簡單地以熱狗飽夾住鹹牛肉炒蛋而成；但係點解無蔥嘅？等我以為個配撘係default嘅？會唔會係伯伯見我無叫要蔥所以以為我唔要？唔緊要,不過下次要學精啲喇。驚訝過羅後三份一試試：蛋熟唔會太硬，雖然有唔夠鹹（無鹽嘅關係？），但係同埋帶甜嘅熱狗飽一齊食效果又ok喎，唔會太淡；我諗如果用普通方包，無左一份甜，件三文治就會流於平淡同唔夠味。依家咁樣少少甜少少鹹，味道一流！伯伯真係有諗頭喇。於是乎蛋牛飽就係咁好快被我地消滅，媽媽都話我無介紹錯。
食飽飽，望下門面環境，又唔係其他食評講到咁污漕-始終係熟食中心嘛，收得你呢個價錢，難道你會expect五星級嘅環境嗎？正如你去勝香園都會預左佢得大牌檔嘅環境喇係咪？
牆上嘅四句詩-無鹽、無蒜、無姜、無醬，難道就代表左伯伯煮食嘅秘訣？加上一個超巨型嘅日曆，伯伯重未mit到廿三號嗰張，就好似時間喺呢度停左咁，同牆上面用中國數字寫嘅menu有住一種呼應，一切都停左昨日，有一種時間停頓嘅奇異悠閒感...
講開又講，雖然隔壁檔係的確不停切緊菜準備緊，不過都唔會臭或者嘈喎，重見到切菜嘅姐姐飛單叫左個蛋牛飽切完菜慢慢嘆添，搞笑又充滿人情味，溫馨非常。
走嗰陣問阿伯星期日休唔休息，得到個除左年初一二三之外無休嘅好消息，睇黎星期日除左去蓮香之外有食早餐嘅好去處喇；阿伯重滿臉笑容咁同我地講拜拜同多謝，服務好到加零一。
三人早餐四十七，雖然食物未必係完美，但係嗰一份人情味同埋真誠，無價。one man band嘅伯伯，努力！
Post
