新泰東南亞餐廳 (Closed)

輪到J小姐生日月，佢上個月先去完泰國，問佢生日想食乜，佢話好難忘記泰國嘢，所以要食泰國菜，kk太介紹就話去呢間……到達前睇下食評評價不錯……我地比預約時間早到半個鐘，這裡地方不錯，卡位四個人坐都闊落，因為條街太熱，早一點到叫杯嘢飲，佢地飲椰青、沙冰，我叫了香茅茶試下，好香香茅味，如果加少許蜂蜜，應該更加美味……我地先叫了四款前菜~蛹蝦、青木瓜沙律、柚子蝦沙律、魚餅蝦餅春卷拼盤，呢幾樣賣相都好靚，亦都幾好味，尤其柚子蝦沙律，酸味味，食倒“舊舊”柚子肉，吾錯吾錯，魚餅蝦餅熱熱的，香脆好味，但春卷就硬咗啲，卷蛹蝦的脆脆，脆卜卜好好食……淨係食前菜已經飽了一半，之後叫主菜~蜜糖豬肋骨、泰式炒蝦金邊粉及炒菜苗，個豬肋骨味道都好味，不過就冇乜肉食，金邊粉就麻麻地，冇乜味，蒜蓉炒菜苗我好鍾意，覺得好食……最後，點個咗甜品拼盤，真的睇得又食得，有椰汁黑、白糯米飯，熱熱的，淋上椰漿真係好好味，還有黃色綠色椰汁糕，煙煙靭靭，好好食，有一款綠豆椰汁糕是凍的，有椰絲似大菜糕質感、椰汁西米糕也不錯……這裡環境不錯，服務都ok，食物品質也不錯，這樣開開心心又過了一晚……

12月生日會，壽星仔 "千足純金"話想食泰國菜，一諗起唔就脚嘅九龍城 ，大家就頭痕 ！好彩我經常瀏覽OpenRice, 記憶中有間泰國餐廳係灣仔，即刻推介畀大家試試 ~新泰東南亞餐廳位處灣仔W Square 2樓 (係集成中心附近)，極之方便就腳！是晚靚女車預訂左9位，侍應生安排咗張大圓枱畀我地！泰式格局佈置嘅餐廳，清幽寧靜，狀甚 舒適！翻開menu, 發現有巧多美食啊 ，人多好辦事，樣樣點啲喇 ~1.泰式生蝦刺身 : 蝦夠大隻，肉質爽口彈牙 ！沒蘸上醬汁下，竟然有辣味，仲巧辣吓 添！2.冰鎮翡翠螺 : 肉質爽脆 ！3.蛹蝦 : 蝦夠大隻, 可以一分二食，肉質無生蝦咁爽彈，不過外層嘅炸麵卜卜脆，巧特別！4.泰珍珠椰菜苗炒香菇 : 椰菜苗口感較硬，似食芥蘭。香菇夠鮮脆！5.香芒蟹肉炒飯 : 有齊一般炒飯所需嘅配料，加咗芒果肉，更加香甜 ，不過好少蟹肉，每人分啲就食唔到 囉！6.拼盤 : 蝦餅、魚餅，爽口好味。春卷，饀料有芋頭蓉，香口脆好味！肉碎生菜包，包上生菜後，肉碎依然好辣 ！7.香芒軟殼蟹米紙卷 : 芒果、軟殼蟹等少得可憐 , 似有還無嘅口感

下午約了同事到 W Square 用餐，選了一間泰國餐廳。餐廳地方挺大，裝潢甚富泰式風味，尤其喜愛掛上布幕的卡座，更富特色。餐前小食選了一炸品「蛹蝦」，以蛋麵包裹海蝦落鍋炸香，油感不算重，外層蛋麵金黃香脆，夾上彈牙海蝦是一道香口製作。主菜蕉葉烤鱸魚，是餐廳推介之一，原條鱸魚以香茅、南薑及檸汁醃製，再以蕉葉包裹烤熟。鱸魚本身腍身味濃，獨特的香茅味道與檸汁的清香亦頗為突出，魚香調味兩者互相補足，食感更鮮香，更富泰菜風味。主食泰式蝦炒金邊粉，相比以上菜式不論賣相與味道皆顯得比較普通，能被列為最多人點選的菜式之一實在有點奇怪。作為以蝦定名的菜式，只有三只小蝦實在是太少吧！調味方面若在甜酸味道中間多添一份辣感相信會更惹味。平日在泰國餐廳多數以椰青作飲品，但因餐廳有椰青沙冰這個另類選擇，決定試試。沙冰食感幼細，不會出現大塊冰粒的情況。味道方面，椰青味出，甜度輕盈清香。以後製飲品來說製作都算不錯。

新泰未搬之前久不久都會去食LUNCH因為都近公司，食物又好~但搬之後就一直未去試剛剛約朋友相聚就試一下夜晚吧~~新裝實在吸引~~~一出門已經滿有泰國色彩可惜唔知相片為何未能UPLOAD 遲下再補俾大家啦~由於我地都係附近番工，所以七點就可以到餐廳人未算太多新裝後的MENU先點了幾道菜，本住唔夠再叫的心態，最後都不用加啦~~~青芒果沙律初初睇來平平無奇，食落第一啖有少少意外味道~有微微的辣嗜辣者唔好諗住會辣到跳舞，只係微微的~~味道都清新，酸酸甜甜少少辣，相當開胃當中配料有少少蝦米，令到味覺又提升又一個層次~~蛹蝦~~~一來到，個感覺係..........死啦..............炸野........肯定油啦~呢個香脆不油膩，內裡的蝦又夠彈牙鹹味適中，加上少少甜酸汁，來多幾件都仲得呀~~食完油炸既~~再來個菜清一清先~~~去泰國菜館，我最常點既都係椰菜苗，街外少能夠食到MA~哈哈最後呢個蕉葉烤爐魚吸引的地方係上菜時係包實曬，要等待應來拆開的好似拆禮物咁，滿有期待魚上的泰式香料夾埋魚一齊食都唔錯香料最主要係香茅魚夠滑不過骨就多咗少少，同埋魚鱗就無刨好啦............但整體上

位於灣仔W Square 2/F的「新泰東南亞餐廳」，剛步出升降機，就見到裝修同擺設都極有泰國色彩。餐廳入面既員工大部分都係泰國人，所以感覺上佢地既食物都應該係幾正宗既。本身今日唔係太肚餓，唔多想食咁多有澱粉質既野，所以決定試下佢既沙律，菜同小食。泰國青芒果沙律: 本是想叫柚子蝦沙律既，但係見到有青芒果沙律又突然改變主意。呢個沙律係用削成幼條既芒果，加上 酸酸地又帶微辣既泰式沙律汁，食落都幾開胃。蛹蝦: 感覺有點fusion, 外型都幾得意，係係蝦上面卷D麵再拎去炸咁，外脆內彈又香口，配上酸辣醬,  感覺好特別。泰珍珠椰菜苗炒香菇: 椰菜苗比想像中大棵，加埋香菇，味道鮮甜，菜既味道唔會太油或太鹹。蕉葉烤鱸魚: 鱸魚加上泰式香料，再以香蕉葉包裹焗製，鱸魚係烤既過程就會吸收左各種香料既味道。鱸魚上菜時仲係俾蕉葉包住，要等侍應黎幫忙打開。鱸魚食落有少少香蕉葉既清香，可惜鱸魚太多骨，食食下無心機食。

泰國菜對我來說是一個溫和的緩衝。它不似西菜般對食料有另一套的處理方式, 口味和我們亞洲人完全不同, 可以帶來強烈的衝擊; 也未如中國餸菜般貼近住家, 你可能會家常便飯之中找到雪菜肉絲炒年糕, 但卻甚少見人把木瓜沙律放上餐桌。當我外出吃飯的次數多了, 味蕾感覺疲憊了, 再次外出吃飯時我都傾向尋味東南亞。亞洲人的舌頭, 還是會習慣亞洲的調味,卻又會有一定程度的新鮮感, 去滿足我要嚐新的慾望。是晚來到灣仔W Square的新泰東南亞餐廳吃晚飯。和同一幢大廈的其他餐廳一樣, 裝修是別緻舒適的。牆上、燈光都透出「泰味」, 恰如其份的異國風情輕易地把食客的情緒引導至怡然的層面。餐廳面積雖大, 但也坐了個八九成滿, 可見其人氣不俗。另一個讓我很歡喜的是新泰的菜單造功精美, 硬紙、大字、美圖, 看起來簡單易明。而且選擇數量繁多, 我們只有兩個人去吃, 就只好多花時間去慢慢揀出心水。先來一份串燒沙嗲。仔細想想, 一般我吃泰菜的時候都甚少點這一味。大約是因為小時候在深圳住, 街上總是有很多新彊人在賣串燒肉類。不論孜然粉下得多重, 那些肉聞起來味道總是怪怪的, 也間接令我對一串串的肉充滿了戒心。但當然, 現

連續五天復活節假期，留港消費，前晩自煑dry aged prime ribeye，昨晚鄰居柴娃娃porkluck，今午出動覍食。位於灣仔W Square的新泰東南亞餐廳，裝置符合主題，踏出大堂，泰風洋溢，並不陌生的泰式風格，木做傢具，金碧輝煌！走到接待處，臥佛迎賓。室內環境舒適，木桌藤椅，色調柔和。部分靠窗座位有紗簾可拉下增私隱，我們二人被安排在倚窗四人卡位，甚為寬敞。本以為是一泰菜店，原來越南、馬拉、印尼等東南亞食物亦有。冬蔭功 $48 （3.5）先來一碗喜歡的冬蔭湯，見橙紅顏色湯頭已感酸辣，近些嗅嗅，酸香癢鼻！喝一口，味道如預期中複雜，就是九層塔丶青檸、番茄丶薄荷葉丶辣椒、薑及魚露味之大雜燴，香料豐富，依足泰方，愛者瘋狂，幸好酸甜味楺合，也許調較了至香港人口味，酸度不過搶；最美味的一只大蝦，當然不可不提，橫切成兩片，雪白彈牙，吸收了酸汁更香鮮，醒胃湯水，百渴不厭。 蛹蝦 $75 (3/5)特色小食，店主推介，確亦吸睛，幼身麵條繞纏包裏着大蝦，炸至香脆惹味卻又不膩，入口嗦嗦聲音嚮亮，炸蝦質素不及冬蔭功的但亦對辦，喜歡香口味道人士必定欣賞這菜式，且配以啤酒同吃一流。巴東牛展 $88 (

作為一個喜歡食的人, 除了食物味道外, 環境、服務等方面也會有所關連。正所謂環境靚、服務好、食物正, 人自然心情愉快, 食得開懷~今次去了灣仔 W Sqaure 其中一間主打食泰菜的餐廳 - 新泰東南亞餐廳, 一出升降機便看到餐廳這富有泰國特色的擺設, 不其然拿起手機拍照。近接待處旁邊也有一個幾別緻泰國特色擺設, 我之前光顧的泰國餐館較少見。除此之外, 這發光裝飾品也很漂亮, 還有幾款不同的顏色。可以坐於餐廳這白紗廂座, 不禁嘩一聲, 因為環境好靚, 旁邊燈飾影照下, 相當有情調, 像置身在東南亞國家的沙灘上一樣。廂座只有3個, 想訂就要跟服務員說明~餐廳地方挺大, 座位數量也不少, 而檯與檯之間座位都不擠迫。留意到餐廳上菜是有先後次序, 第一樣上當然是飲品吧~差不多每次食泰菜都點椰青 $40, 在餐廳我才可以品嚐到無比清甜的椰青, 愛死了~第一次遇到這珍寶椰青, 椰肉很薄不黏殼, 容易將椰肉淘出, 椰青水也超清甜, 食辣味食物也可解渴, 超級快樂!朋友點的龍眼冰 $38, 餐廳推介, 味道好清甜, 不會加很多糖相當健康, 而龍眼肉也很多。冬蔭功 $48 (細) - 約2個飯碗份量,

新泰東南亞餐廳。地方靚，食物正。服務一流。地理位置又方便。可能銅鑼灣租越來越貴啦，定係地運往西移，好多好野食都漸漸地係灣仔方向出現，今次我介紹嘅係一間位於銅鑼灣同灣仔交界W square , 裝修好靚，價格又唔貴而且服務周到，野食又好食嘅泰國菜。Sun Thai Restaurant 新泰東南亞餐廳位於W square 咁新的商廈1樓鋪頭, 我想講呢一棟大廈裏面真係有好多有實力嘅餐廳架！所以大家絕對可以嚟呢度搵食！新泰東南亞餐廳以前就係謝斐道開店 ，其實搬咗嚟軒尼詩道仲方便大家只是需要係時代廣場行幾個街口就到啦，這間新泰東南亞餐廳裏邊有嘅菜式好多，包括店有泰式、越式、印度菜我諗呢度最出色嘅一定係泰國菜，因為呢一度嘅員工差不多全部都係泰國人，所以佢地對家鄉食品嘅要求都一定會好高架！唔好講咁多不如我話比大家聽嗰日同班姐妹食過啲咩呢！先泥個大頭蝦冬陰功，我諗去食泰國嘢一定會必點冬陰公湯，呢度嘅冬陰公湯用上好大隻大頭蝦，同其他嘅海鮮，酸辣味好出，不會辣多過酸，酸辣平衡，味道好濃郁有鮮甜味，絕對足料，飲完即刻暖粒粒！怕辣嘅美眉們記得要同侍應講一聲叫佢減少辣。飲完湯，熱辣辣感上升，即刻呢個降一降溫

近期講食真的比較多, 因為年尾真的多人生日,再加上會相約朋友共進晚餐,食文自然就會多左啦~~哈哈!!!!有時朋友都會覺得我煩架, 因為我都係「相機先食」的人!!!今晚就去左係灣仔既【Sun Thai Restaurant 新泰東南亞餐廳】這間店有泰式、越式、印度菜食泰國野又點可以唔order冬陰功呢?真的用上大頭蝦去熬的, 真實睇是湯而是泛紅油的,唔知點解相機影出來就看不到...辣味酸味都有, 仲有香茅味, 正!!!!不過辣味是比較濃, 而且這個湯係飲左落肚,辣味才會慢慢的滲出!!!所以大家要小心品嘗啊~~椰青是一定要飲的!!!!!總之食肆有我都會order, 最喜歡飲完仲可以食埋果肉!!!「生蝦」是每次去食泰菜一定會order試試的今次都不例外, 生蝦外表好新鮮, 肉質爽口,加上蒜片、辣椒、檸檬汁及蘸上酸辣汁真的好好味!!!!我想再order多一碟!!!!!!軟殼蟹是我喜歡的食物, 以越式米紙卷制作口感不錯,而且咬下去不是乾爭爭的, 而是帶點汁,整體是很好味, 不過香芒就好像少了點!!!「蛹蝦」是今年10月的新品炸出來外表幾吸引的, 泰式炸物當然會蘸上甜酸醬,咬下去脆卜卜, 而蝦仍然