新泰東南亞餐廳 (Closed)

位於灣仔W Square 2/F的「新泰東南亞餐廳」，剛步出升降機，就見到裝修同擺設都極有泰國色彩。餐廳入面既員工大部分都係泰國人，所以感覺上佢地既食物都應該係幾正宗既。本身今日唔係太肚餓，唔多想食咁多有澱粉質既野，所以決定試下佢既沙律，菜同小食。泰國青芒果沙律: 本是想叫柚子蝦沙律既，但係見到有青芒果沙律又突然改變主意。呢個沙律係用削成幼條既芒果，加上 酸酸地又帶微辣既泰式沙律汁，食落都幾開胃。蛹蝦: 感覺有點fusion, 外型都幾得意，係係蝦上面卷D麵再拎去炸咁，外脆內彈又香口，配上酸辣醬,  感覺好特別。泰珍珠椰菜苗炒香菇: 椰菜苗比想像中大棵，加埋香菇，味道鮮甜，菜既味道唔會太油或太鹹。蕉葉烤鱸魚: 鱸魚加上泰式香料，再以香蕉葉包裹焗製，鱸魚係烤既過程就會吸收左各種香料既味道。鱸魚上菜時仲係俾蕉葉包住，要等侍應黎幫忙打開。鱸魚食落有少少香蕉葉既清香，可惜鱸魚太多骨，食食下無心機食。