Tom N Toms Coffee (Closed)

蜂蜜芝士吐司 $55🧀 (加$15可配$30以下飲品，其他補差額) 吐司即叫即做，等十分鐘左右拎返嚟熱辣辣的撲鼻而來好香嘅芝士味 😌本來我就係好鐘意食厚多士㗎喇🥪呢到嘅吐司係雙層去皮厚麵包，仲正！ 底面塗上蜜糖，邊邊烘得香脆兩層中間夾有cheddar cheese上面鋪咗mozzarella + cheddar cheese 烘完熔咗就成為超級邪惡拉絲芝士🧀🧀🧀🤤🤤🤤其實芝士咸咸哋，蜜糖甜甜哋，但係唔知點解又夾得好好味，我都唔識形容 🙂🙃🙂 .🌟食呢個最好有起碼兩個人啦！一來會有啲滯，二來唔夠快手芝士就會攤凍咗㗎喇！跟餐點咗 green tea latte🍵，不提也罷👋🏻👋🏻

今日係肥髀升中放榜大日子，放榜後同同學仔一齊落山食午餐，其實當時都只係早上十點幾，開嘅餐廳唔多，搵咗呢間商場店，去到在商場一個開放式櫃臺，旁邊放咗桌椅可以堂食，先去櫃臺落單，再等出食物！自助式服務！蜂蜜芝士吐司（$55）好靚嘅賣相，烘到微燶，芝士溶晒，可以拉絲出來，芝士味唔算太強，煙煙韌韌咁，麵包烘到鬆脆唔乾，好味！蜂蜜蒜泥吐司（$50）金黃色賣相好靚，蒜茸味香，微辣，蜂蜜牛油微甜香濃牛油味，麵包鬆脆唔乾，好味！忌廉玉米牛肉薄餅（$50/中）呢個要等得耐啲，超薄批底脆脆的，烘到溶芝士勁多，可以拉絲，芝士煙韌，味道唔太強，粟米粒香甜，牛肉粒不多，芝士先係主角！熱辣辣好味洛神玫瑰果茶爆珠（跟餐$15）膠杯睇到桃紅色果汁內嘅爆珠，洛神花茶清爽微酸唔假，飲唔出玫瑰味（可能講隻顏色？）爆珠卜卜爆，入面果汁微甜！本體幾好芒果乳酪沙冰（跟餐$24）肥髀飲，淡黃色，試咗一啖，啲沙冰打得滑又唔會好甜，芒果味唔濃，清清地好味原味乳酪沙冰（跟餐$24）同學仔飲英式早餐茶（$23）同學仔媽媽飲食物即叫即做幾好味，有點特色的台式料理吐司🍞，店員有禮，我飲爆珠飲品要粗飲管，自助取餐具位置剛好無晒，我問佢攞，女店員

「蜂蜜芝士吐司」 ($55)評分：7.5/10.其實最想試嘅係蒜泥吐司但係當日冇晒於是點咗呢個😀 望落好似 芝士量都適中，冇諗過甜甜地嘅蜂蜜又會同芝士夾，一鹹一甜咁反而唔滯。吐司烤得尚可😊 每塊都幾香脆，算係有驚喜嘅傑作。期待下次去試埋蒜泥吐司。

📖 Exam period晚晚都唔夠訓，今日考完第一份卷就9秒9衝左去買杯咖啡飲😪 之前喺韓國去過幾次Tom N Toms，但今次係我第一次黎香港既分店。荃新天地呢間鋪面唔算大，但有好多張枱。咁啱撞正lunch hour所以都差唔多滿座。我揀左近落地玻璃既梳化位坐，既寧靜又舒適。先講咖啡，我地叫左凍、熱玫瑰鮮奶咖啡各一杯:玫瑰味好香好清新，冇嗌少甜都唔會過甜，冇比花香及鮮奶搶走咖啡既香味，好好飲! 特大裝承惠$42，雖然唔平但有質素搭救。野食方面，試左一個吐司同一個熱狗：蜂蜜芝士吐司($55)面頭有一層厚厚既芝士，一切落去有流心效果，仲做到瘋狂芝士拉絲添嗰！味道方面拍得住外觀，芝士味極香濃，配埋淡淡香草味真係好正，簡直物超所值！反而韓式熱狗就一般般。個熱狗包烤得太耐導致口感過硬，同埋泡菜同熱狗好似唔太夾，都係分番開好啲。PS 身為大鄉里既我今日先知呢度有pizza食🍕 下次黎要試下先得啊!