羅富記粥麵專家 (Closed)

食得多新潮嘢，硬係久唔久想懷舊一番。今日經過呢一間鋪頭，上環行到中環，好耐冇食，就供入去試一試。12點去到，冇人等位，一入到去，侍應竟然比我兩人坐四人卡位。皇恩浩蕩！！入到去，二話不說，必食硯介鯪魚球。都可以咁講，真嘅，30年，過去質素真係keep得住！靚魚球，足料！煎得夠香。碟硯介固然係精粹，好似仲冇以前咁喊。今次叫咗碟薑蔥撈麵。師傅可能手重落多咗油，變咗好似有啲立。不過仍然好味。$37一碟蔥撈麵，比起$32雲吞麵既仲要貴。你就知佢應該要係好野！同場加映正雲吞。皮薄喊靚。一隻雲吞入面有兩隻細蝦！同出邊啲鋪頭，主打大舊豬肉，截然不同。又係經典！

羅富記係男朋友好喜歡嘅食店之一，幾十年前父母已經帶佢黎，當時蜆介鯪魚球都唔係度度有得食。到中學時代喺股票行做暑期工又成日買及第粥、腰潤粥食，滿滿個人回憶。中、上環一帶有三間分店，黎到皇后大道老店，平日特別多寫字樓上班族，假日反而鬆動啲。餐牌供應雲吞、水餃、牛腩粉麵等，粥品、撈麵，人均三幾十蚊。點左個麵、粥同鯪魚球，十分鐘左右上齊菜，前後半粒鐘埋單。我就一向唔鐘意滾水淥腳食飯，所以好少肯陪佢食呢啲餐廳豬腰滑牛雙拼粥 $44平時多數點腰潤粥，當日就唔想食潤，揀左豬腰拼滑牛，基本上呢類傳統老店個粥都唔會差，粥底幾綿，雖然就唔算好香。豬腰都唔係好多地方有，而且遇著洗得唔乾淨嘅就瀨野，食咁耐羅富記都冇問題，幾爽口。滑牛嫩腍，份量不多。天氣雖然熱，但佢都好鐘意食粥，年紀大嘅象徵。雲吞麵 $32雲吞麵正常野，麵質爽，雲吞係細粒野，冇乜特別。蜆介鯪魚球 $22/小小份三粒，新鮮炸起，都幾大粒架。最重要係鯪魚肉落得足，唔係粉球，亦都好有彈性。蜆介味鮮，男朋友最愛兩個人食一舊水落樓，都係合理範圍。唔係必食，不過男朋友食番自己嘅個人回憶，表示滿意

呢間位於中環既粥麵店，由門面到店內都保持舊式既裝修，最難得既係食物既味道同人情味都可以保持到。炸醬麵，炸醬甜甜辣辣好惹味，肉絲份量適中，麵夠爽有咬口，湯又清甜。雲吞麵，有5粒雲吞，雲吞係鋪頭自家製，人手包架，粒粒餡都有蝦有肉，非常足料，皮薄餡靚，配埋清甜既湯底，絕配。蜆介鯪魚球，鯪魚球又係自家製，大大粒即叫即炸，食得出係人手啄，爽口彈牙，唔會好似機攪鯪魚球咁又糊又粉。最重要碟蜆介汁，夠晒咸鮮味，果幾粒蜆介我都食晒，絕不浪費。店員好親切，見有小朋友，會幫你安排個風口吹唔到，同唔會俾人撞到既位，又唔會催促落單，果種真誠真係好窩心。