羅富記粥麵專家 (Closed)

今日去左中環『羅富記』食下午茶，叫左雲吞麵，牛腩撈，水餃撈，仲有一碟蜆蚧鯪魚球（大）。不過對呢間餐廳有啲失望😞。 雲吞麵：雖然擺法好正中，雲吞放底 用匙羮黎阻隔，麵放上邊避免浸林。先講麵質唔夠彈牙，唔夠香，應該唔係用鴨蛋整，同埋似係用機制，唔係用竹昇去打麵，所以先唔夠香和爽，而且有小小鹼水味。湯底好淡，完全飲唔到蝦籽既香味，同大地魚既鮮味。而雲吞係最好既一樣，細細粒做到燕尾，可以一口一啖。牛腩麵：本來叫牛腩撈，但黎左湯麵，不過牛腩牛筋一般，炆得唔算太入味。 水餃撈水餃無乜特別，都算好食。蜆蚧鯪魚球：至於鯪魚球唔算爽口彈牙，味道還可以，最正就係個蜆蚧醬。價錢：最後食左$216 連野飲。環境：⭐️⭐️⭐️食物質素：😋😋😋味道：😋😋服務：❤️❤️價錢：RMB100-120 / person 性價比：👍🏻👍🏻👍🏻

羅富記位於中環有兩間，地鐵行過去大約十五分鐘，地點都算方便！店內裝修係好傳統既中式麵店舖，有塊透明玻璃見到師傅係入面煮麵同粥個種。我三個人叫左兩個粥同一個麵share🤤🤤呢到選擇唔多，清清地好岩都市人黎清下腸胃😂豬潤粥🥣四十五蚊一碗粥，聽落好似有d貴，不過呢間老字號位於中環鬧市，尚算可以接受。粥底褒左好耐褒得好綿，係絕無添加味精既情況下佢都褒得好好食好夠味👍🏻👍🏻👍🏻 豬潤相反就差少少，滾得太熟偏粉。牛腩撈麵🐮🍜 牛腩煮得好入味之餘仲要好林🤤 牛根又係炆到好林唔會咬落去shock shock聲！麵既份量都幾多，而且超級彈牙，加d辣油加少少醋簡直頂瓜瓜👍🏻👍🏻👍🏻皮蛋瘦肉粥🥣 呢個粥既粥底明顯比豬潤粥白，本身粥底味道亦會淡少少，勝在瘦肉係有腌過，整體味道都好好食，兩碗粥都一樣咁綿咁多料☺️蜆蚧鯪魚球 (小)🍡🐟食鯪魚球最怕就係腥同有骨!!! 羅富既鯪魚球一d都唔腥，朋友唔食太中意食魚都大讚好味，去骨亦去得好乾淨，仲要即叫即炸夠曬熱同脆🤗係中環經營左幾十年既粥麵老字號，由我中學年代食到而家味道始終如一咁好食，老字號係呢個年代買少見少，點可以唔去試下😎

這夜想吃個簡單點的晚餐，便走到附近的粥麵老店羅富記。這次去的是皇后大道中的分店。夜晚時段，人客不多，我一人都可以都佔一張4人卡位，坐得都頗舒適，亦比白天多份休閒感。我點了一碗皮蛋瘦肉粥（$28）。粥底很軟綿，絲絲瘦肉醃得入味，夠鹹香而皮蛋香軟，好得好舒服的一碗粥。另外再點了份細的蜆蚧鯪魚球（$19）。一份有3粒，炸得熱辣辣。鯪魚球質感有點軟不算太彈牙，吃起來有淡淡的魚肉香亦不腥，不過炸得偏油。蜆蚧醬雖然香，不過太鹹，只宜淺嚐。粥的確好食，但蜆蚧鯪魚球就不算很出色。