燒味滷師 (安發大廈)

Open Now

Now Closed

食團年飯點少得斬料加餸呢？平時經過這間燒味店都見到大排長龍，今次一於試一試這間燒味滷師。望落價錢經濟實惠，於是買了客家鹽焗雞（$59），蜜汁燒排骨（$50），燒味佬叉燒（$50）同埋脆皮燒肉（$50）。宜家做緊新張優惠，試食價益街坊，瑤柱貴妃雞/玫瑰豉油雞/客家鹽焗雞都只是$59一隻。職員推薦我買客家鹽焗雞，好受歡迎，只賣剩兩三隻，有買趁手。職員無介紹錯，客家鹽焗雞夠晒入味，咸香可口，肉質鮮嫩。蜜汁燒排骨（$50）燒得外脆內軟，外層微焦香口，香噴噴，蜜汁撈飯一流，家人最愛。斬料點少得斬大件叉燒，大人細佬都岩食。燒味佬叉燒（$50）肥瘦適中，少少燶邊更添美味，Juicy，小朋友食唔停口。脆皮燒肉（$50）外皮脆卜卜，皮脆肉嫩，食落啖啖肉好味道，點埋芥末夠晒惹味。除了味道佳，份量亦十足，二百蚊就可以加到咁多餸，一家大細聚首一堂食餐飯，樂也融融。

今晚要加餸啦🍽離遠已經聞到好香嘅燒味味，到門口就睇見好多款新鮮出爐嘅燒味，睇見到LamLam脷，終於畀我買到啦 至尊燒鵝 (上庄) $110燒鵝🦢睇落已經又靚又正，顏色仲好均勻，鵝皮仲燒到一格格網紋，夠哂香脆，肉汁仲流曬出嚟 客家鹽焗雞 (隻) $68鹽焗雞🐓都好正，仲超抵食，成隻都係68蚊。雞肉嫩滑，鹽焗雞原汁原味，鹹味適中，真係好正， 蜜汁燒排骨 $60呢盒蜜汁🍯燒排骨值得推介，真係超好食，蜜汁唔會太甜，骨細多肉，肉質好味 冷盤-海蜇燻蹄 $36海蜇🐖燻蹄：海蜇口感好爽同超彈牙；燻蹄口感一樣咁爽口，仲不油膩，勁好味 燒味滷師 (長沙灣) 長沙灣長發街28號安發大廈地下D號舖

呢排都比較忙，個人都好攰，懶得煮飯又唔想出街食，唯有外賣買返屋企😜有好一段時間都冇食過燒味，聽朋友講呢間新開燒味鋪質素又幾唔錯咁，一於去斬料返去同屋企人食下先。今次買左禾田滷水鴨(半隻)($60)、至尊燒鵝(上庄)($110)、老師傅燒腩仔($64)、蜜汁燒排骨($60)禾田滷水鴨(半隻)：鴨肉味濃而且滷得好入味，肉質唔錯唔會鞋口，有醬汁可以點黎食😄至尊燒鵝(上庄)：份量都幾足，燒得夠香，外皮夠脆，而且食落啖啖肉同好嫩滑，唔會燒到過晒火喉好乾柴咁🤤老師傅燒腩仔：燒腩仔層皮一定要夠脆身先好食，搭完車拎返屋企仍然超脆😍燒腩鹹度恰到好處，味道幾好，再點一點芥末醬更加惹味😋蜜汁燒排骨：本身想買叉燒，但又見到有燒排骨，幾特別又好似幾好食咁，於是買黎試下😜蜜汁夠香甜，排骨肉質比起叉燒黎計更加嫩滑😋大合照🤩買左咁多料，成家都食到飽一飽😉價錢經濟實惠，燒味大大份又好味，難怪咁多街坊過黎幫襯，我得閒再過黎買D返去加下餸偷懶都唔錯😆

聽講長沙灣有間燒味好抵食，呢日趁有家庭聚會，一於去斬d料試吓店舖位置都好容易搵，我由元州商場沿住長發街一直行，大約3幾分鐘就到，但一去到就發現好多人喺度排隊店名叫得做「老師」（諧音），相信對出品都有相當自信，果然店主大有來頭，曾代表酒店參加世界賽贏得至尊金獎店舖門面光鮮，店內亦整齊清潔，俾人放心嘅感覺。我一口氣買咗4款燒味，雞鴨鵝加燒骨都只係$254，價錢認真相宜不過講到尾，最緊都係食物質素。其實我買完搭車期已經聞到陣陣香味，返到去打開d香味直頭撲埋嚟！仲而且款款都份量十足！影完相，我每款都偷食咗一件，雖然外賣返到去只係暖暖地，但依然美味！最喜出望外嘅係各款食物都唔算咸，可以食出各種食材嘅味道，食店亦提供咗甜酸醬、魚露同蔥油等調味，可以按各自喜好點配，當晚大家都食得好高興