嘉寶漢堡 (和益中心)

Open Now

Now Closed

星期六下午2點，餐廳比較多人，自助形式，等位大約5-10分鐘。揀好食品就可以出去收銀處點餐，之後會有個電子機，食物準備好會響提示可以出去拎餐。叫咗個蜜糖芥末豬堡（$40）+$16 可以有套餐，有飲品同小食，都多選擇，揀咗薯條同熱伯爵茶，加$10 要咗兩隻 BBQ 醬雞翼。另外單點一杯凍鴛鴦（$17）。食素嘅朋友都有素食漢堡可以揀，可以加錢加配料。蜜糖芥末菠蘿豬堡🍍🐷🍔：包好軟熟，暖暖地，🍍菠蘿有煎過，增加菠蘿嘅甜味同汁，香甜得黎又唔會乾身。🐖🐖豬柳好有厚度，食落好多肉汁，唔會過份熟，剛剛好嘅感覺。漢堡底少少沙律醬，有生菜🥬同蕃茄🍅墊底，新鮮爽口，減少膩感。蜜糖芥末醬唔多，唔太食得出醬汁嘅味，但本身食材新鮮，配搭好平衡，就算醬汁少，都覺得好好食。食漢堡嘅時候要小心啲肉汁係咁滴落黎，有帶濕紙巾會方便啲，餐廳都有部洗手機，食完可以去洗手。一個有質素嘅漢堡，套餐價有埋飲品同小食，$56 唔算貴薯條🍟：係粗身嗰種，熱辣辣，好食～ 一包份量一個人食啱啱好😄😄BBQ 醬雞翼：醬汁覆蓋全隻雞翼，好均勻，雞翼上面有啲香草，好入味，皮脆肉嫩，唔會因為脆邊而入面肉地乾身😋熱伯爵茶：正常想飲熱飲嘅朋友，嘉寶都

📍嘉寶漢堡 @ 葵涌 ／ 尖沙咀嘉寶幾好食唔多講🥹本人口味唔鍾意成大塊牛肉漢堡，豬堡就啱晒我～蜜糖芥末醬酸酸甜甜，仲有超juicy菠蘿，成件事夠晒fresh！牛堡都唔係好膩，塊牛冇外國嗰啲咁厚實大舊，但都食到陣陣牛味，偏向快餐店感覺。雞翼都是值得highlight的point✨炸得香脆，肉質嫩滑！ღ 蜜糖芥末菠蘿豬堡 $40／芝士牛堡 $40ღ 以上 +$16 配小食及飲品ღ 雞翼（原味）$21/ 3隻回頭指數😼4/5（大人細路都愛吃 ✧∇✧

尖沙咀店先前做外賣多，而家變咗大鋪，好多位，終於可以坐低食；重點係「唔使急，最緊要快」💨。整體嚟講：唔係驚為天人嘅漢堡，但絕對對得起個價錢，份量足，塊扒有肉汁同厚度⋯⋯🐮『黑松露芝士牛堡』$52黑松露多到，友人話4個鐘後，個口仲有松露味⋯⋯🐷『蜜糖芥末菠蘿豬堡』$40Honey mustard 係偏甜嗰款，小編個人就鍾意刺激啲嗰隻，豬肉偏淋；塊菠蘿為成個包加添咗色彩⋯⋯🍠『番薯條』（+$5）意外驚喜，強烈建議你加5蚊；熱辣辣上，外脆內軟，個薯心仲有少少水份喺番薯度，唔會炸乾晒。回味指數：🌕🌕🌕🌗🌑。📍 嘉寶漢堡 (尖沙咀)尖沙咀寶勒巷9-11號和益中心地下。【小編的話】➡️鍾意佢有片大番茄，有juicy嘅質感➡️雖然Mirror幫手賣緊M記廣東，相可以影，但「金」都係應該課俾同路人丫！

第一次食  星期日12 點零鐘座位唔少  但成間鋪已經坐滿人好好彩  遲一分鐘連搭枱的機會都無先搵位  落單  再拎咇咇機等攞餐我諗等位會係用得最耐時間  同時都好多人黎買外賣見到廚房好多Staff  出餐都幾快  5-10分鐘左右最好睇定食咩先排隊D burger 全部用籃同紙裝D 醬汁份量落得剛剛好食的時間都可以好企理  非常抵讚牛肉好厚  大咀巴一啖都咬唔哂  烤菇大塊夠juicy我覺得豬堡係有驚喜  佢係豬肉餅  唔係急凍漢堡扒蜜糖芥末同菠蘿絕配最正係咩呀? 係$40渣!!!好好食  熱辣辣  脆卜卜番薯帶甜推介