Video
Read full review
2022-09-26
441 views
星期六下午2點，餐廳比較多人，自助形式，等位大約5-10分鐘。揀好食品就可以出去收銀處點餐，之後會有個電子機，食物準備好會響提示可以出去拎餐。叫咗個蜜糖芥末豬堡（$40）+$16 可以有套餐，有飲品同小食，都多選擇，揀咗薯條同熱伯爵茶，加$10 要咗兩隻 BBQ 醬雞翼。另外單點一杯凍鴛鴦（$17）。食素嘅朋友都有素食漢堡可以揀，可以加錢加配料。蜜糖芥末菠蘿豬堡🍍🐷🍔：包好軟熟，暖暖地，🍍菠蘿有煎過，增加菠蘿嘅甜味同汁，香甜得黎又唔會乾身。🐖🐖豬柳好有厚度，食落好多肉汁，唔會過份熟，剛剛好嘅感覺。漢堡底少少沙律醬，有生菜🥬同蕃茄🍅墊底，新鮮爽口，減少膩感。蜜糖芥末醬唔多，唔太食得出醬汁嘅味，但本身食材新鮮，配搭好平衡，就算醬汁少，都覺得好好食。食漢堡嘅時候要小心啲肉汁係咁滴落黎，有帶濕紙巾會方便啲，餐廳都有部洗手機，食完可以去洗手。一個有質素嘅漢堡，套餐價有埋飲品同小食，$56 唔算貴薯條🍟：係粗身嗰種，熱辣辣，好食～ 一包份量一個人食啱啱好😄😄BBQ 醬雞翼：醬汁覆蓋全隻雞翼，好均勻，雞翼上面有啲香草，好入味，皮脆肉嫩，唔會因為脆邊而入面肉地乾身😋熱伯爵茶：正常想飲熱飲嘅朋友，嘉寶都
叫咗個蜜糖芥末豬堡（$40）+$16 可以有套餐，有飲品同小食，都多選擇，揀咗薯條同熱伯爵茶，加$10 要咗兩隻 BBQ 醬雞翼。另外單點一杯凍鴛鴦（$17）。食素嘅朋友都有素食漢堡可以揀，可以加錢加配料。
蜜糖芥末菠蘿豬堡
72 views
1 likes
0 comments
蜜糖芥末菠蘿豬堡
32 views
0 likes
0 comments
蜜糖芥末菠蘿豬堡🍍🐷🍔：包好軟熟，暖暖地，🍍菠蘿有煎過，增加菠蘿嘅甜味同汁，香甜得黎又唔會乾身。
🐖🐖豬柳好有厚度，食落好多肉汁，唔會過份熟，剛剛好嘅感覺。漢堡底少少沙律醬，有生菜🥬同蕃茄🍅墊底，新鮮爽口，減少膩感。蜜糖芥末醬唔多，唔太食得出醬汁嘅味，但本身食材新鮮，配搭好平衡，就算醬汁少，都覺得好好食。
食漢堡嘅時候要小心啲肉汁係咁滴落黎，有帶濕紙巾會方便啲，餐廳都有部洗手機，食完可以去洗手。
一個有質素嘅漢堡，套餐價有埋飲品同小食，$56 唔算貴
薯條
12 views
0 likes
0 comments
薯條🍟：係粗身嗰種，熱辣辣，好食～ 一包份量一個人食啱啱好😄😄
BBQ 醬雞翼
9 views
0 likes
0 comments
BBQ 醬雞翼：醬汁覆蓋全隻雞翼，好均勻，雞翼上面有啲香草，好入味，皮脆肉嫩，唔會因為脆邊而入面肉地乾身😋
熱伯爵茶：正常
想飲熱飲嘅朋友，嘉寶都多選擇，有唔同嘅花茶可以揀～
凍鴛鴦：有啲失望，咖啡比較出，入口順滑，但飲唔到奶茶味，少少茶味都唔覺🤨😐，少甜 甜度剛好。
Post
