龍門冰室 (Closed)

星期五放工終於去左試近排好紅既龍門冰室.7點去到已經見條人龍去到街尾😂等左1個鐘有位，好彩果日唔係好熱😬.叫左2個扒餐同2樣小食.差d食唔晒😂.首先黎左個蜜糖雞翼望落出緊煙熱辣辣，而蜜糖係雞翼表面融化，食落好香甜.跟住第2個小食係芝士焗西蘭花. 芝士係本人最愛😍，再加岩岩焗起，超好味. 其實食完呢2個餸已經3成飽，跟住再到2個主菜加餐湯差d嚇親......😅因爲真係好大碟. 80蚊係香港已經好小機會食到咁足料既雜扒.有成3塊扒，又有雞翼，帶子，薯條，好抵食. 而西冷亦好大份，好juicy上面係西冷下面係雜扒. 仲包餐湯餐飲差足電填飽肚既一晚Btw, 香港人加油！

今晚約左個仲喺poly讀緊既朋友食飯，專燈過到黎黃埔呢邊搵佢，估唔到原來黃埔都有龍門冰室，仲要距離地鐵站都唔算好遠，岩哂佢食完翻去上埋個補課。餐牌食物選擇:同其他分店都一樣，食物餐牌係一模一樣的，食物選擇都係好多款，今日同朋友最後叫左撈丁同all day breakfast，但就一路都未有機會試到呢間冰室既甜品例如waffle果d，不過我地都跟餐+$8配左個mini甜品。甜品都唔錯，呢個價錢真係邊到會搵到，$8算係咁啦，起碼d cream cheese好味先啦。蜜糖雞翼 ($38)先上既係蜜糖雞翼 ，望上去立立靚，本身以為會超級甜，估唔到佢蜜糖睇落好似好多，但其實食落唔算多，蜜糖既味道反而清清地，我略嫌唔夠甜，不過朋友就覺得岩岩好，佢覺得呢種味先岩岩好，係清甜版既蜜糖雞翼。香辣肉醬玉子燒配瑞士雞翼撈丁 ($55)朋友叫既係香辣肉醬玉子燒配瑞士雞翼撈丁，香辣肉醬已經係玉子燒入面，呢間既份量係嚇親我，佢唔似其他餐廳求求其其比個類似炒蛋你，佢真係落足本，份玉子燒係超級大份，好足料。撈丁軟硬度岩岩好，配埋瑞士汁雞翼真心正，個人覺得瑞士汁雞翼比蜜糖更好食。英式早餐 $68估唔到有咁平既all d

茶餐廳可謂男人既浪漫依間龍門冰室印象中有幾間分店，咁岩今日黎開紅磡依頭搵朋友，話間嘢係新開無耐，咁就一於試下一丁就相信好多人由細食到大架啦，其實出到黎食飯食一丁好似唔多抵咁，但就硬係成日口癢想食，所以就叫左個撈一丁食佢有多種醬汁同餸俾人揀（好似吉列豬扒、魚扒等），我就揀配黑椒汁同煎雞扒樣子同想像中差不多，醬汁好多，多到蓋過塊雞扒，味道方面，啲麵韌度適中的一丁麵，入口送埋香濃黑椒汁所配的大塊香煎雞扒，可謂嫩滑，可口，惹味，開胃共冶一爐個餐跟杯餐飲，我揀左檸檬茶檸檬茶最重要是檸檬與茶味混和溶合，餐廳的檸檬茶達標啦其實碟麵都唔細既，不過又心思思想叫多樣小食就揀左蜜糖雞翼 雞翼外皮香脆，肉質嫩滑多汁，蜜味適中，可謂味美小吃，推薦

開咗唔少分店，類似翠華嘅高檔茶餐廳。本身喺OpenRice都見到唔少分店食評兩面倒，而且負嘅可以去到好極端，都冇太大好感。但人總係好奇嘅......室內以Marvel為主題，餐廳播住廣東金曲。聽住李克勤但望住啲Americans，反差得嚟又幾有HK feel。set lunch 有湯、沙律同飲品。揀咗個最貴嘅款同朋友share。果然名不虛傳，呢度啲嘢真係碟頭飯級數咁大份。淨係碗湯都大到成碗粉咁。蘑菇泛著啡色，廚師有將蘑菇爆炒過先整意粉。食起嚟菇味濃陏，的確抵讚。完全冇慳黑松露，啖啖都係嗰鼓香氣。配埋伴菜食帶點小清新，認真唔錯。雪糕紅豆冰就可以改善吓喇。紅豆唔甜我覺得OK，但奶真係要落多啲，特別係加咗咁多冰，會淡架...意外點嘅蜜糖雞翼竟然唔錯。見到上圖條絲就係蜜糖嚟喇~足足有6隻架~好多款式，MENU厚到呢。&下午茶combination超多。剛開業未應付到甜品住，但芝士窩夫宜係好吸引。