鼎泰豐

Open Now

Now Closed

過開新城市廣場行街shopping，行到八點幾又夠鐘醫肚要諗食咩，本來想食Shake Shack，但今日又好多人，行咗一圈都無檯，跟住再行前少少，見鼎泰豐無咩人就去拎飛，但竟然要等成十張，出奇地前面等飛啲人走曬，一分鐘就嗌咗十張檯，就係咁就順利入咗去。坐低之後即刻叫嘢食，唔駛講嚟得就一定要叫份小籠包啦，湯汁熱辣辣，size啱啱好可以一啖食曬，好滋味，舌頭每個部分都嘗到湯汁精華。另外，蝦餅同排骨都炸得十分之香，排骨揼到鬆曬，好好食。仲有份蝦仁蛋炒飯，等咗半個鐘先到，鼎泰豐啲炒飯成日都好似炒到濕濕哋咁，但每次食落都感覺爽爽哋，但今次有啲離譜，蛋炒飯送埋蛋殼，我唔expect喺鼎泰豐都會食到蛋殼囉，搞到今次體驗始終差啲啲。

星期五難得齊人，約咗去沙田食飯。鼎泰豐係我哋首選，先到先等。阿女最早到，七點就去到等位，唔使七點半就可以坐低了。太耐冇食台灣菜喇，一於食番夠本。四個人開餐，一共嗌咗八樣嘢。開胃涼菜要咗香干馬蘭頭同紹興酒醉雞。馬蘭頭雖然係野菜，但係就有一種特別嘅味道，喜歡食佢嘅人愛不釋手，我就係其中之一。醉雞係屋企人鍾意嘅，呢度做嘅醉雞有非常濃郁的紹興酒香，唔似其他餐廳啲這味餸，做到酒還酒，雞還雞，好似風馬牛不相干的。嚟到呢度，當然係要食餐廳出名嘅小籠包。皮薄餡靚，肉汁鮮甜，香港呢個地方也真心搵不到另外一間餐廳的小籠包可以做到咁出色了！台式酸辣湯和蝦肉紅油炒手也都是我想念的，當然也各要了一份解解饞。主食方面叫咗個紅燒牛肉麵、蝦仁蛋炒飯同台式擔擔撈麵。我個人的至愛係牛肉麵。牛肉煮得非常入味，湯汁鮮美，令人百吃不厭。炒飯粒粒分明，每一口都吃到蛋香。呢餐雖然唔平，但係我哋食得非常之開心，算係近期食得比較心滿意足的一餐！

上一次吃鼎泰豐是外賣的，終於等到可以堂食，認真食到熱辣辣的小籠包了🥰上次外賣每人吃了三粒但不滿足，今次點了每人一籠😝與外賣一樣，小籠包最重要爆汁的口感仍然非常出色😍於小籠包尖端輕輕先咬一口，將內餡的雞肉湯汁吸一口，待小籠包散走一點熱度後再一口放進口內，非常滿足！每次吃都十分驚豔！炒飯充滿蛋香味，不會太油膩，加上滿滿的蔥花香氣，是簡單得來又好吃的選擇～略嫌蝦仁的味道太過獨立，與炒飯的味道係完全無關😛因為小籠包已經啖啖肉，但又不想太乏味，所以點了一碗紅牛湯淨麵😛味道就是紅燒牛肉麵的湯底，湯頭微辣但不會太重口味😀麵質口感亦有咬口👍🏻ㅤㅤㅤㅤㅤㅤㅤㅤㅤ 堂食需要收每位$10的茶錢，另外再加一服務費呢～不過員工們也的確有禮，做事亦快手有效率👍🏻好快會留意到客人需要。

活在不同的人生階段, 要約齊朋友聚舊, 越來越難。難得約到幾組朋友聚餐, 特別珍惜。人多自然可以瘋狂點單, 開心share。1) 茗茶 $9/位2) 水晶肉 $623) 小籠包 $624) 菜肉蒸餃 $585) 蝦肉蒸餃 $686) 蒜蓉炒油麥菜 $687) 台式擔擔麵 $528) 香葱拌麵 $529) 蝦肉餛飩湯麵 $7910) 蝦仁蛋炒飯 $9211) 酒槽鴨舌 $7812) 蒜香粉皮肉 $6213) 台式酸辣湯 $5514) 陽春麵 $5215) 迷你豆沙壽桃 $9816) all + 10%每款食物份量不多, 雖然可以淺嘗多款食物, 但只能提供整體感覺。食物味道對辦, 當中蒜蓉炒油麥菜, 酒槽鴨舌和台式酸辣湯味道濃郁, 加深了印象。