火車頭酸辣小窩

Open Now

Now Closed

早幾日接到有工作需要入長洲難得入長洲決定開始前一於去長洲食個好西食飽再開始工作咁上網做下資料蒐集之後中午係想試下呢一間米線《火車頭》大約一點鐘到達長洲碼頭落船行左幾分鐘就到始終長洲都唔係大中午食飯時間餐廳入座率高達100% Full House ! 咁等左20分鐘左右入座如果唔想等 可以用QR Code 落定單但只限外賣！餐廳 主打三種湯底有 酸辣 / 蕃茄 / 海蜆紫菜湯三種都好想試 非常掙扎最後都係按自己最喜愛口味 試一試就係 酸辣！食物質素算係唔錯！酸辣味道唔算太濃烈米線正常發揮令人驚喜真係舊 豬軟骨！豬軟骨有2 大舊非常厚肉 同時 好軟嫩 唔鞋口脂肪同軟骨 煮到好淋 入口即融咁條脷頂都唔使頂！得！墨魚春卷 普普通通比較多粉 蝦仔雞翼主體係炸雞翼 再加上 櫻花蝦同芝麻醬雞翼炸得脆 同 有汁，唔會太乾太柴櫻花蝦仔都脆脆地 增加口感可以的！

偶然係長洲揾到間食米線既店‚仲要幾好食兩個人叫咗兩款招牌湯米線加個雞翼做小食。米線分別係紫菜蜆肉湯底同埋番茄湯。紫菜蜆肉湯聽個名都覺得一定好鮮甜，雖然蜆肉份量都唔少，不過無想像中咁鮮甜，有少少失望，整體食落都唔錯既，可以一試。另外配料簡左墨魚春捲，幾好食，係必試既配料。番茄湯就配左豬頸肉同溏心蛋，好中意個湯底，因為唔會覺得好甜好假。轉稻庭烏冬仲唔洗加錢，五十幾蚊食到碗大大碗既米線，性價比相當高。雞翼面鋪滿一層蝦仔乾，好香，好有長州特色。

-黃店介紹💛-煙鴨胸配秀珍菇蕃茄米線🍜（$48）仲包一杯飲品👍🏻依個蕃茄湯底都幾濃郁，仲有蕃茄蓉(ᗒᗨᗕ)但味道食落較為普通😢煙鴨胸和秀珍菇都幾好味😍-蝦仔雞翼🐥（2隻）（$14）依款蝦仔雞翼味道都幾特別，平時好少會食到🤩有好多細蝦仔，再淋上麻醬(*＾▽＾)／雞翼肉質好嫩滑(｀▽´)估唔到配埋蝦仔同麻醬的味道都幾夾😍個人都幾鍾意食蝦仔雞翼👍🏻-Name🏠:火車頭酸辣小窩Location📌:長洲新興街36號地下價錢💰:煙鴨胸蕃茄配秀珍菇 米線（$48），蝦仔雞翼（2隻）（$14）