彩

Open Now

Now Closed

主打沾麵的拉麵店小麥麵 黑胡椒麵 另外還提供當天限定的麵當天提供的限定的麵～紫菜麵跟小麥麵比較的話 少了點嚼勁小麥麵很有嚼勁 麵的質地也很掛汁所以吃的時候會嚐到濃郁的沾汁另外麵的份量也可以跟個人份量去選擇不會造成浪費.原味豚骨沾麵湯頭係非常夠味 有少許鰹魚味柚子的酸味並沒有太突出溏心蛋很好吃 特別喜歡流心效果特好 幾乎不想流到湯麵中
我選擇在湯匙裡把它分兩口吃完然後也另外吃多隻 遇到好吃的基本上會吃多顆叉燒有點偏比較薄 但掛上沾汁會很香口.蝦味噌湯沾麵用上北海道蝦油和蝦味噌 會逐漸帶出蝦的香味湯底的整體會很香口 充斥著口腔推薦較濃味的人士叉燒在湯底裡 有增加到層次感讓叉燒增加油潤感 帶有蝦的油潤味.兩款的湯底是是偏濃郁的 但感受到店家的誠意濃厚的湯底 會讓麵條更掛汁也讓配角的叉燒更有層次感

彩 Aya📍：元朗建德街26號益利大廈地下14號舖🚗：元朗地鐵A出口 步行12分鐘📞：+852 6350-8637💲：~HKD90/head for lunchFood quality✔️：蝦味噌湯沾麵、原味豚骨湯沾麵👌🏼：黑蒜油湯沾麵總結：👍🏼個個元朗人都讚嘅出名沾麵店 師父係日本人會大叫碗麵嘅名稱親自拎比你 好似短暫返左日本咁🤣👍🏼三碗湯蝦味係最香 每碗都有一張印有彩嘅紫菜 溏心蛋煮得啱啱好 流心效果一流 叉燒係腩位 幾大片 有好香嘅豬甘味👍🏼原味豚骨湯同黑蒜油都好食 但佢嘅沾麵比較淡 唔重口味 而黑蒜油就係要食香口 所以淡口味嘅確實冇咁出色😅👍🏼有三種麵底揀 分別係小麥麵 黑胡椒麵同今日special 我叫咗小麥麵 麵質偏硬身又煙韌 我幾鍾意 而且又有得㨂一份定半份麵 一份200g都真係幾大碟 細食嘅女仔可以叫半份 👎🏼無法唔將呢間同旺角漁場比 兩者好類近 湯底麵質係漁場贏哂 但佢嘅蛋同叉燒又完勝漁場 同埋我覺得佢嗰湯底應該再濃啲同結啲 會更吊出食材嘅味🥸👎🏼環境確實有啲太迫 不過係超迎合日本嘅拉麵店 但佢收嘅價錢又同平價拉麵🍜差太遠 以80幾蚊一碗麵嚟講我expect會坐得再闊啲

聽朋友講元朗市中心個邊有間隱世沾麵店 咁就去試下啦😋 位置真係好隱世 係小巷入面 附近有好多車房😂個人覺得哩間鋪幾正宗 有凍水提供俾客人飲用🧊好適合中意食沾麵但住元朗又唔想去港島既人試試👍🏻總共有3款沾面提供🍜🍜🍜我今次就揀左 蝦味噌湯沾面 $93湯底味道濃 溫泉蛋流心啱啱好 我叫左200g 食完唔係好夠飽 於是就叫多100g😋然後店員話可以加湯🤩好少有店舖會加湯俾你 可能因為店長係日本人 十分友善😁可惜既係麵只有熱麵 冇凍麵揀

今次介紹既係我覺得全香港最好食既沾麵，雖然沾麵同拉麵都係好講個人口味，但唔止我一個、身邊嘅朋友都覺得佢係香港第一名，總店喺元朗之後喺西環開咗間分店，老闆砂田先生基本上長駐元朗店，聽講有佢喺度啲麵會煮得好食啲。-排隊🧍🧍‍♀️🧍‍♂️餐廳有落場時間，晚市official係6-9，但店舖會提早折龍，8點去到排隊可能已經食唔到(試過兩次)，晚市出邊大概會有十人排隊，六日一開鋪就入去食，食完大概十二點入面都未full。-環境🪑店鋪偏細，只有bar枱，都係向住廚師，只有11-12個位，上菜速度算快，落單後5-10分鐘就煮好沾麵。-Menu店鋪提供三種嘅沾麵湯，豚骨、黑蒜油、 蝦味噌湯，當中以蝦味噌湯最多人嗌，亦都係招牌。而麵底有得揀小麥麵、黑胡椒麵同埋當日special麵，speical麵有伯爵茶、咖啡、菠菜、川椒，完全係睇店主嘅心情。-🍜 蝦味噌湯沾麵 💰93（👅: 9.5/10）先入眼簾既係有彩字眼同logo既紫菜，令人一睇就知係彩既出品。首先香港既沾麵，以蝦作為湯係唔多，大部份以豬骨魚介、雞湯為主，而香港有既蝦沾麵多為櫻花蝦沾麵(屯門既東京築地拉麵、尖沙咀既鶴亀 )，長沙灣既海老名沾麵主打蝦醬

終於黎到呢間bookmark左超耐嘅拉麵鋪啦！元朗真係好鬼遠，佢個位置亦都比較偏僻唔易搵... 星期六一點半去到，排隊係基本😂不過都唔算好耐，3-4枱左右，佢係排隊嘅時候就會幫你落埋單，入到去唔洗等好耐就有得食啦💛蝦味噌湯沾麵 配黑胡椒麵 $93呢個蝦味真係好香好正，飲左第一啖，成個人醒晒🤩不過沾麵黎講佢唔算好濃，我會傾向再濃啲嘅湯底溏心蛋醃得好入味，仲要有完整一隻蛋！好流心好滿足個黑胡椒麵味道就冇乜特別，唔太食得出胡椒味，但口感係好唔錯，好彈牙，同埋食到尾啲麵比較碎，冇得大啖大啖咁食啲麵💛原味豚骨湯沾麵 配小麥麵 $83呢個我淨係食左一啖，但我覺得佢比蝦味噌更濃味，鍾意濃味嘅小朋友呢款應該會更好味！🥲呢到環境就真係麻麻，好逼好窄，自問都唔算窈窕，坐得都幾辛苦，仲長期有一陣唔好聞嘅味🤭

〖 元朗篇 -- 彩aya 〗⁣⁣⁣⁣⁣💛 元朗高質拉麵店 🍜⁣⁣⁣⁣🦐 蝦味噌湯沾麵 (柚子麵) -- $88⁣🍜 黑蒜油味沾麵 (黑胡椒麵) -- $83⁣⁣⁣⁣⁣🥺 彩aya嘅沾麵真係好出名，hku人一定食過佢嘅西環店，好可惜我未能喺quit u前食到🤦🏻‍♀️不過原來近在眼前嘅元朗都有分店架！🙈⁣⁣🧐 聽講要等位，所以6點幾就尼到，直接有得入去坐🙉叫咗網上最多人推薦嘅蝦味噌湯，配返當日嘅special麵底: 柚子麵，同埋黑蒜油味，配黑胡椒麵。⁣⁣🦐 首先講個蝦味噌湯，真係勁香勁濃嘅蝦味。🥰 而黑蒜油湯就較蝦湯濃味，再加埋上面邪惡嘅炸蒜👻，簡直係絕配。炸蒜仲要可以任添，我都唔知自己食咗幾多了🤦🏻‍♀️⁣✨ 佢啲湯同其他沾麵店比係無咁杰，但係每條沾麵一樣夠哂味，食起上尼仲清爽啲無咁heavy~ 真係幾特別架🥰 ⁣⁣🥚 每碗湯入面當然仲有隻流心蛋同拉麵不能少的筍和半肥瘦叉燒😋⁣⁣🍜 至於個麵底，黑胡椒麵係食得出少少胡椒味嘅，但係個當日special嘅柚子麵，我同朋友也完全吃不出任何柚子味🙉🙉⁣⁣💰 人均消費: $80-100 ⁣⁣~ • ~ • ~ • ~ • ~ • ~ • ~ • ~

由最初至少排一個鐘先入到食到而家唔使點排隊，彩嘅沾麵喺我心目中一直係香港嘅頭幾位水準都唔會點走樣，佢哋嘅每日新鮮自製佢哋嘅麵每日新鮮自家製，每日都會玩下唔同花臣整下唔同口味，試過比較特別嘅有薄荷味、伯爵茶（太多不能盡錄😂😂）但常駐軍黑椒口味始終都係我嘅至愛，今次就點左蝦味噌湯配黑椒味，但今日個麵就發得唔係好夠，以致麵餅有小小痴埋一舊😅😅半肥瘦叉燒不過不失，蝦湯就保持到水準，蝦味香濃😋😋

元朗區內有名既沾麵店，想試好耐，果然無令我失望，但未有太大既驚喜。今次點左味噌蝦湯底非常濃郁，並不油膩，麵底我選了是日精選甘筍麵，麵既口感好彈牙，不過沒有特別強烈既甘筍味，麵既份量非常多。配料方面叉燒就無咩特別，糖心蛋味道標準吧。曾經在日本吃沾麵，湯都是熱鍋上的，食既過程湯全程是熱騰騰，食完麵餘下既熱湯還可以加飯吃清光。小店沾麵湯底選用了玻璃碗確實有點美中不足，相信如果用熱鍋上應該更美味，唯有同自己講要食快d.