彩

Open Now

Now Closed

這家隱世拉麵店的蝦沾麵真是令人驚艷。首先，湯底超香濃🤤，充滿了濃郁的蝦味🦐，每一口都能感受到海鮮的鮮美。麵條粗身且煙韌，完美地吸附了湯汁，口感豐富。每一口麵條都帶著濃厚的蝦湯香氣，讓人一試難忘。這裡的蝦沾麵不僅味道濃郁，還有著獨特的風味，是喜愛海鮮的食客不可錯過的美食。無論是湯底還是麵條，都能感受到店家的用心和精湛的烹調技藝。

以前已經食過呢間野好多次，一直都正正常常，服務不嬲都麻麻地，有時侍應會有唔耐煩嘅表情，不過勝在好食，最中意蝦湯但係！！咁今日如常叫今日special麵，侍應告知今日special係昆布水麵，咦，新野嚟既，照試下啦一開始食已經覺得怪怪地，越食越奇怪，唔知食緊啲乜，完全唔夾，食食下仲要冇左個蝦湯既味，得返啲唔知乜嘢膠水味，食左冇幾耐，成個湯底就已經冇左一大半，同埋個湯變咗撈麵汁咁樣開始潔撻撻，咁就叫左佢地幫我加湯啦，加完之後個味仲怪，個湯變到好鹹同埋有一種好化學嘅蝦味，我已經撈到個湯好勻循，最後都係頂唔順，太難食。公道講句佢其他麵底係ok既，希望佢日後嘅今日special麵可以做返啲咩柚子麵呀波菜麵定唔知紫菜麵嗰啲，不過服務麻麻再加上今次陰影之後，短期內都未必返去食喇

20:07打去特意查詢何時截單，職員話截單時間係20:30。於是為了不打擾餐廳下班而搭的士趕過去。20:20到門口後，職員用好差的態度告訴我們截了龍，就即刻入番店，同時亦沒有解釋原因。因為好期待拉麵小店，即使職員態度惡劣，都決定友善的再問問截單8:30前到的意思。職員都係用好差的態度答:”因為岩岩嚟咗四個！” 然後即刻走回店。聽完個刻其實除了我們難堪，四位門外的排隊客人也非常難堪。作為排隊店，如果要同排隊客人競賽先有得食，甘無必要係電話俾希望客人，8:30前來係可以入餐廳。失望係，明明係有心的小店。但安排的五妥善，令人難受的態度，讓想支持的客人卻步。

第一次食 ‘彩’😳之前摸左門釘食唔到☹️☹️ 今次終於食到！！！我個人就超級中意食沾麵，香港大部分出名的都吃過🍜今次食 ‘彩’ 比我有少少失望🤨我叫左黑蒜油沾麵，揀左小麥麵（佢啲麵係比較幼身，但都掛到湯）等左大約 10分鐘到，就食得啦一睇啲麵好似好多咁，一開始都怕食唔哂，但最後都食得哂😋*冇浪費食物佢個沾麵湯温度差啲，因為食食下就開始凍了❄️，後尾要加湯先熱返配料方面- 叉燒同荀都不過不失，份量一樣通常食完之後我都會叫店員加湯飲的，佢加左湯之後都幾夾本身個黑蒜油，正👍係飲哂的🤪🤪🤪之後會再嚟試埋其他味，希望個湯可以熱返啲！✍🏻

一間聞名很久的拉麵店！元朗區搜尋拉麵，必然要介紹呢間！現場去到已經過咗兩點，仍然有人排隊！幸運地成為最後兩台客人之一！可見店舖受歡迎程度！不過未知是否希望越大失望越大！拉麵整體必然屬於好味，麵質軟硬適中，有咬口！湯底不會因為係沾麵，而非常咸，屬於可以飲落口嘅湯底！溫泉蛋合格，但叉燒略嫌失色整體而言值得一食，但要排隊就要諗一諗而且位置非常偏僻，專程走過去一趟，性價比就唔算高🙈而且元朗第一，就一定稱唔上🙈但以一碗拉麵嚟講，都算好好味

沾麵味道不錯，可惜大叔服務員使人胃口盡失，簡直是有史以來最差服務。有服務比冇還差，沒禮貌尚且不談，但行為粗暴實在難以接受！若然沒有大叔服務員，憑著美味沾麵相信彩的生意會更好！

星期六下午約2點到訪，唔洗排隊。嗌咗蝦沾麵🦐✅蝦沾麵沾汁蝦味濃郁✅黑椒麵軟硬適中，有咬口，口感不錯，黑椒味同小麥味平衡❌店面冷氣不足，30度天氣下一邊食麵一邊出汗❌提供嘅水貼近室溫，好多拉麵店都會提供冰水，喺店面唔夠冷氣情況下更應該要俾冰水❌沾汁唔夠熱最大問題係，❌❌❌煮麵師傅不停索鼻同流鼻水，又冇戴口罩，戴住手套抹鼻，抹完只有輕輕洗手，之後就直接用手幫麵過冷河。遞麵俾顧客時都係索住鼻咁，希望多啲留意個人衛生

湯底： 好濃豬骨味，但以沾麵湯底嚟講都有啲偏鹹。叉燒： 雖然瘦，但完全唔會鞋，正常好食。麵： 黑胡椒味好香同埋意外地夾，食到咁上下可以解到湯底嘅油膩感。份量偏多。Overall：唔錯嘅，但唔值得排隊。

要數元朗出名嘅舖頭，彩就一定on the list😋主打沾麵，湯底勁正‼️食過唔少次但就未寫過佢，舖頭坐位唔多～次次都要早啲去，唔係就排長龍🌀蝦味增湯沾麵 $93蝦湯係佢地最受歡迎嘅湯底，一啖已經食得出蝦味濃，用上北海道蝦味增加上蝦油，湯底帶蝦鮮味，濃得黎又唔會鹹，推薦！！每一碗入面材料都有叉燒、原隻溏心蛋、「彩」紫菜同筍🌀黑蒜油湯沾麵$88沾麵底全部都係自家製，除左有小麥麵、黑胡椒麵，仲有每日嘅Special麵，每次都唔同，我今次去就係菠菜麵～麵質彈牙爽口，沾麵最重要都係麵質掛湯，豬骨湯底加入大蔥絲同蒜油，令到整體更入味。配料同蝦湯一樣都係有叉燒等等🌀完熟桃🌸$22汽水款式都係一般拉麵店有嘅日本汽水，桃汁果香馥郁，甜度柔和

1) 原味豚骨湯沾麵 hkd83雖然望落去平平無奇 但係個湯底超好味!! 好濃郁既豬骨湯mix日本醬油味 配料有兩塊大大塊叉燒 味道正常 仲有一隻切開既溏心蛋～驚喜位係on top仲有兩片柚子皮 令到本身濃郁既豬骨湯底有一絲清新既感覺 而麵條唔知係咪因為就黎收工 所以略顯有d碎 亦都唔夠凍>< 扣少少分2) 黑蒜油湯沾麵 hkd88而黑蒜油沾麵就係原味豚骨湯沾麵加上黑蒜油同炸蒜～比較適合重口味啲既人!! 麵條同原味豚骨湯沾麵一樣都係比較淋～整體黎講不過不失!! 麵條有進步空間

🍽原味豚骨沾麵黑蒜油湯沾麵🥢👀彩其實都開左好幾年，好多年前已經食過一次，一直評價都唔錯，唔少人話係好食既沾麵店😳比較特別既係佢有唔同口味既麵底可以簡，又會有d期間限定既選擇，可以每次黎都有新鮮感！麵質都好有咬口而且掛湯，湯亦都幾香，整體偏濃味🤔個人口味黎講其實又無話覺得好有驚喜，不過都可以一試

元朗彩餐廳，一間細細間但佈置得十分日本地道餐廳嘅地方，最近我喺度試咗一頓既獨特又滿足嘅晚餐。喺呢度，我選擇咗兩款麵條，一款係黑蒜油湯沾麵配小麥麵，另一款就係加咗半份黑胡椒麵。首先講吓黑蒜油湯沾麵，真係一個驚喜。黑蒜油湯底味道濃郁，帶點神秘嘅甘香，而且香而不膩。小麥麵條爽滑彈牙，同湯底嘅配合簡直係天造地設，每一啖都充滿蒜香，令人食完仲想再食。由於太好食，我加咗半份嘅黑胡椒麵，更加係提升咗整體嘅食感同味道層次。黑胡椒嘅辛香突出，唔會太搶鏡，反而係同黑蒜油湯底形成咗完美嘅平衡。每一根麵都包裹住黑胡椒嘅微辣同香氣，令整個麵食體驗更加豐富多變，啱晒鍾意食濃味口味嘅人。喺彩餐廳，每一道菜嘅呈現都細心，每一味調料都用心調配。喺呢度食麵，唔單止係填飽肚，更係一次味蕾嘅衝擊。加上店員嘅親切服務同舒適嘅環境，真係令人食完之後心情都好起嚟。總括嚟講，元朗彩餐廳嘅黑蒜油湯沾麵同黑胡椒麵都值得一試。無論你係想嘗試新口味，定係想享受一個人嘅靜靜食飯時光，呢度都係個好選擇。下次你喺元朗，記得要去彩餐廳試吓佢哋嘅麵食，肯定會俾你一個滿足同驚喜嘅晚餐。不過提提大家，如果係假日晏晝嚟食嘅話，記得早啲嚟排隊，如果唔係就可能

聽聞係名店，放工順道一試。位置比較偏僻距離大馬路有d遠，鋪面入口係對球場小巷入面。店員係我一坐低就係雪櫃拎左個雪凍左既杯比我，呢樣服加分。店內坐位係拉麵屋經典格局，可以望到師傅整麵。但我都見到兩位師傅係企係度玩手機，同網上見到話有職人精神有d出入，但香港地無傷大雅。麵有三種口味：豚骨，黑蒜，同海老味。麵條有小麥，胡椒同期間限定既椰菜麵。先講靈魂湯底，可能係我食過既最稀既沾麵湯，通常師傅為左更掛湯會將沾麵既湯底整得傑d。同樣考慮，沾麵標準應該要凍麵，但係店員並冇問我要凍定熱麵（冇留意有冇凍麵條）就比左熱麵我，有d失望。將麵浸落湯又拉番起可以見到唔夠掛湯。如果湯底本身果係拉麵湯底既話係唔錯，d筍係爽口，就咁飲亦都唔太咸。埋單$103，考慮大大份都應該幾岩學生哥食飽d。

星期六入左元朗做嘢醒起之前有朋友介紹過「彩」再睇埋OpenRice打哂飛機嘅好評咁就滿心歡喜試吓佢幾好食由於早前睇過朋友社交媒體app見到都幾多人排隊所以個日都晚上7點已到門口等位見到入面都幾多人心諗應該都唔錯等左一陣已經有位不過坐得唔係幾舒服但係環境就真係好似日本嘅餐廳👍🏻當日叫左「蔥蝦湯沾麵 小麥麵」蝦湯係幾濃郁但係個湯愈食愈凍食到最後已經又凍又膩個麵有幾款選擇包括小麥麵、黑胡椒麵、菠菜麵（定唔知係是日special?）唔係好記得麵就好普通 口感尚可總結應該係我食過嘅沾麵入面最差個間或者係食日本野食得最沉默又快個間因為餐廳環境/氣氛令人想快啲食完就走大約係7點入座 7點半已經走左🫣離開時間客人已經唔多了抵食程度：4/10好食程度：5/10 餐廳環境：5/10再食機會：0/10推薦程度：4/10

搬左入元朗先第一次接觸沾麵 就係呢間係巷仔入面既「彩」當呢間餐廳未發生風波前 係成日要排隊先有機會食到 一係就趁早上開門前排博頭10位就入到座 而家反而唔駛排隊 有時想食就買外賣回家食 最愛依然係蝦沾+是日special 有一次仲俾我見到有熟客叫「粗麵」 曾經貪新鮮叫過一次 但幼麵先係我既favourite每次去食都一如以往的好食 尤其係佢隻溏心蛋 真係超級好味大大隻 咬開就有流心蛋黃 又醃得夠入味湯頭唔駛講 雖然比起日本食的沾麵較稀 可能為左迎合香港人口味 但濃郁的湯頭我每次都想飲晒佢希望佢繼續Keep住水準