泰灜

Open Now

Now Closed

久聞依間出哂名嘅良心泰國餐廳，終於搵到日可以去嘆番下蝦醬炒飯蝦醬味突出夠足料！ 飯粒炒得好乾身、香口，夠晒鑊氣，正👍🏻👍🏻除咗蛋絲青瓜，仲有粒粒蠟味，撈埋炒到勁香口嘅炒飯，成件事更香更好食，層次即刻豐富咗好多👍🏻👍🏻👍🏻👍🏻青咖哩雞飯你仲可以揀豬肉！咖哩味夠香夠濃，仲有唔少椰奶味，唔會太辣，但食辣嘅朋友又唔怕唔過癮！可惜服務方面真係有待加強，日日長龍但樓面先得2-3人，真係百足咁多隻手都搞唔掂啦！不過就算係咁，佢碟碟菜都係熱住上枱，絕對無揸流攤，真係抵佢做到無停手！希望佢地老闆快啲請人啦，見住姐姐忙到咁，真係等得再耐都唔好意思出聲呀

呢幾日要去佐敦做嘢，因為想食泰國菜嘅緣故，搵到呢間係吳松街嘅泰瀛❗️❗️❗️泰式午餐應有盡有，緊有一款啱你口味，除咗呢張之外，仲有另外嘅小食同其他泰式美食蝦醬炒飯 $49蝦醬味好足料，又香口， 炒飯又炒到好乾身，夠晒鑊氣，正👍🏻👍🏻另外佢仲切碎左粒粒蠟味，錦上添花，令成個炒飯更香更好食，令到個層次即刻豐富咗好多👍🏻👍🏻👍🏻👍🏻整體來講質素幾高， 有$50都唔使，簡直超值有機會一定要嚟食❗️❗️

佐敦係一個隱世既美食天堂，唔同國家既菜式咩都有，今日就試左間位於吳松街既泰國菜，泰灜。首先試左佢個翟道翟豬肉串配糯米飯，呢個配搭非常新鮮，一口糯米飯一口豬肉串，可以將串燒既油膩感完全消失！豬肉串又唔會話燒得太老，岩岩好！另外濃味既重可以要埋佢個醬汁，正！另外都試左佢個蒜蓉包，烤得非常脆口，而佢既牛油聽店主講係用上泰國既牛油，特別香口~食蒜蓉包又點可以唔叫埋青咖喱喎！個青咖喱唔太辣，任何人都食得！另外佢個青咖喱個味好香，食完個口都有一陣清香~同埋店主為左迎合香港人合味將咖喱既味道稍為整淡左，好細心！最後都試埋佢個蝦醬炒飯，炒都好香。加埋泰式肉鬆同埋蛋絲食， 多重口感，亦無咁清淡，大推！P.s 店主非常Nice, 介紹唔同菜式既特色同埋點樣適合番香港人既口味，令到食既時候增添一份風味，呢個真係要大大加分！同埋好多時食完泰國菜味道太濃會令到自己好口渴，而泰灜正正係無呢個問題！