点心代表 (Closed)

農曆新年打食評，梗係要拜個年先！🈵 恭喜發財 🈵🈵 心想事成 🈵 🈵 身體健康 🈵 🈵 年年有餘 🈵🈵 食盡天下美食 🎉🎉🎉 新年最啱做啲咩？梗係同屋企人去飲茶啦! Dim Sum Icon 呢期推出超超超得意既加菲貓點心 aka one of my fav cartoon characters!! 😍😍😍款款都好得意 當中最推介係流心西多士同蔥油雞扒飯!! 以下既甜品同飲品都做得好精緻啊❤️我真係好中意加菲貓啊!! 唔知下次出咩公仔既點心呢?😍

講真，入得去都係為咗好玩，期望唔會太高。先唔講食物質素，一間食肆最基本嘅衛生都搞唔好，點好玩點特別都無用。坐低就發現茶杯好污糟，摸落去一粒粒係外面，望真原來係油漬滿佈，何其惡心！叫侍應換過，返嚟嘅都係一樣樣。一隻係咁就係巧合，三隻都係就巧過份！真係一次就夠啦。

我係蠟筆小新既super fan, 聽聞點心代表出左小新既點心， 當然要來朝聖下啦，之前出過little twins star都有嚟過，希望今次都會有驚喜！個menu好靚，最想帶返屋企首先，嚟咗個奶皇包。係不理不理左衛門嘅造型奶黃汁好多，味道偏甜，朋友唔鍾意食甜嘅，所以食咗一啖就嫌好甜。而且同之前little twins star嘅味道一樣。跟住係牛奶朱古力包，呢個係新出嘅。有小新阿呆同妮妮個朱古力汁唔係好多, 冇流出來。不過呢個比奶皇包冇咁甜。廣志啤酒呢個造型滿分，不過味道普通，同一番啤酒嘅味道一樣。蝦腸，呢度嘅蝦腸係溝埋左蟹柳一齊嘅，感覺蟹柳同腸粉唔係好夾。仲好似食咗好多色素落肚添。呢個蝦餃都一樣，味道普普通通，只不過係印咗小新嘅樣落去。總括嚟講，呢度嘅味道普遍都係一樣，冇太大的驚喜，只不過係每一次轉左唔同嘅卡通，就換左唔同嘅卡通人物係個圖案上面，所以味道有啲一成不變。

滿懷期待，因為可愛。作為晚飯其實是可以吃飽的，比較推薦流沙包，雖然皮有點厚，但味道還是不錯的。賣相非常可愛，在嘴上搓個洞，然後就會有流沙。邊吃邊流，災情慘重。哈哈哈！個人感覺適合情侶或者閨蜜去吃。一個適合拍小視頻放inst的地方。值得一試。對比茶樓肯定不行。但賣相真的不錯。有一些吃的只有中環有，下次可以再去試試看比❤️

卡通造型點心，一般都認為應該係 「得個樣」、「好睇唔好食」。 大概是抱著沒有期望的心態，食品的味道比預期中的好。 以為還有Little Twin Star，可惜已經換畫了：臭屁桃🍑（or 醜比頭 Kobitos)。 蝦餃一籠有三粒，皮比較厚，不過蝦好爽又彈牙，不錯。 另外椰皇好滑，燕麥流沙包都合格。 我覺得卡通造型點心來講，食物質素算是合格，看見可愛的造型也食得開心，可以一試喔。經理先生可能覺得我因為沒有試到Little Twin Star點心而失望，埋單時送上一個Little Twin Star 的水杯給我，好窩心，謝謝！

每次經過呢間餐廳 都見到有唔少人喺度排隊等 今日就去撞下多唔多人等 咁岩冇咩人等緊 等咗2-3分鐘就有位大家都係衝着佢啲公仔點心而來 但其實選擇並唔多 得幾款 而且價錢偏貴 喺普通茶樓既2-3倍網上最多人post既就係呢個 包入面既朱古力漿係流心既 得意就幾得意 不過味道就好麻麻 個包都ok軟熟 不過入面個餡就好難食 好好好甜 水晶蝦餃 皮唔算太厚 個餡冇咩蝦 食落口冇口感 唔爽口 粉居多 未至於難食 不過唔係好食奶皇包皮好厚好實 偏乾 入面流心 所以balance返 唔算係太乾 不過入面既奶皇偏淡 冇咩味 唔似食緊奶皇包 玫瑰茶上枱第一杯茶顏色好淡 味道好淡 之後就愈來愈深色同濃味 應該係因為個茶包'沉'耐咗出咗味 飲落有好淡好淡既玫瑰味 茶味就欠奉總括黎講 如果係志在食好味既點心 就唔洗試 因為又貴又唔好食 如果係影下相呃like既話 咁就預咗要付出代價