老馮茶居 (大棠路)

老馮生意太好喇！門口經常人頭湧湧，以前要等半小時以上先有位，幸好老馮已經擴充營業，等候時間縮短了，今次等左一陣就有位。《古法千層糕》每次光顧都必點古法千層糕，但晏一點就經常售罄，今次好好彩呀有口福。這種千層糕制作時間長又複雜，所以好難起其他地方找到。而味道方面就唔太甜和有滿滿的咸蛋黃，好正呀！《蝦餃》大大粒蝦餃皮薄餡靚，蝦肉好多又夠新鮮。《八珍糯米雞》有大大隻雞翼、臘腸，雞肉粒和咸蛋黃，size都幾大隻食完好滿足。《黑椒牛仔骨》夠淋夠入味，一籠有五至六件都幾抵食。老馮除了是中式茶居，原來仲有奶茶咖啡提供，特別推薦齋啡，咖啡味好香濃好正架，不防一試呀。

元朗有好多大大細細的餐廳，喺千色店附近嘅老馮茶居我就係第一次試, 呢區唔係好多細細間嘅茶居，呢間茶居幾特別，一邊嘅擺設好懷舊，好有以前公屋嘅設計😊中午時分都好多人去食㗎,大家要預早時間去排下隊啊。由於鋪頭唔係太大,座位比較狹窄,但係嘢食就幾好食。一般普通係大酒樓食到嘅點心，呢度都有得食。蝦餃燒賣就冇得走雞😍😍比起大間酒樓嘅嘢食我覺得呢度別有一番風味👍🏻呢度似乎係家族生意，比較有人情味。有機會大家一定要試一試啊!😊

因為成年無食過正統既香港點心，但又有時差朝早起唔到身去茶樓飲茶，只好睇下有無點心店，一搵之下見到依間都有唔少人介紹既點心店，於是專登走到元朗試一試。一入到去已經比裝修完全吸引曬，真係佈置得好精緻，睇得出每一邊都用心裝飾！店員都好青輕亦好禮貌，點心店一般比我既印象都係只有阿叔伙記同老戈黎食，但依度則是有不少年輕人聚集。我同朋友兩個人，一共點左6樣野，加茶介埋單百幾，小貴，不過食個環景都值得。第一樣係叉燒腸粉，可惜唔算太滑，一夾就爛，上菜時外表都不討好。第二樣係蝦春卷，入邊大大粒蝦，外邊都好脆！好好味。第三樣係鵪𪂹燒賣，外表不錯，食落都唔差!蝦餃同咖哩魷都好味!最後甜品係桂花糕,好好味! 推介!

聽聞元朗開左間懷舊茶室,當然要拉埋元朗人來試下,入面裝飾仿照80年代屋邨特色,很多當年物件,都可在此找到,地方尚叫寬廣,椅,桌,櫈是用大檔的傳統摺櫈,點心紙得二頁,冇花巧,但有西式飲品,叉燒腸,料叫多,幾好,但豉油冇咩味叉燒包餡太少,皮厚蝦餃元朗友想影相,所以點了兩隻,點知來了4隻,老板話照收2隻錢,一餃有3隻蝦,幾足料蘿蔔糕就比較清淡,得蘿蔔,尚可雞扎都幾正宗,魚肚入味,雞嫩滑,但少了香芋,桂花糕就有香味,但太水狀,夾唔起另外叫了一凍一熱奶茶,凍的淡而冇味,友人的話有茶味但冇奶味,總結,人手不足,好似 得一個店小二,好多時是叫好多次來送到食物和加水,味道一般