越男仔

Open Now

Now Closed

睇完有YouTuber介紹依間之後，一直想試下😂今日經過見到有分店😂，即刻跟住介紹去試左佢哋個2樣招牌菜。-💕 無骨海南雞配黃薑飯 $68 (+$12青檸梳打)附送清雞湯原來下午茶係配白飯，午餐先配黃薑飯，所以叫左個午餐，黃薑飯香，粒粒分明，海南雞肉滑，雞皮都滑嘟嘟🤣。-💕自選配搭 (包一款$9配料)胡志明市紅蕃茄湯$59 (+$3金邊粉+$9手撕雞+$15生牛肉+$25蝦餅)份量超級多😂，金邊粉應該有2個咁多，食落唔會好腍有咬口，湯底蕃茄味超級濃🍅，味道係偏酸小小個種。手撕雞係碎上有雞味，生牛肉最正😚濃郁牛肉味又不失嫩滑口感👍🏻。

越南的味道，襯上熱情好客的服務員和老闆。門店晚餐時段已經不算多人等位，放工一入即沖去摞位。餐牌簡單明白。本身已經心水要試粉絲煲，越南的菜式少不了椰汁。再另加30可以多三個3個蠔，融入椰汁，滾下味道。當是前菜的檬紙卷，裡面有粉絲，上面有海膽，柚子，牛肉碎每款三隻。未點呢菜時候，隔離台都好似點呢個。好似店主的一個越男仔逐一結束呢道菜，朋友偷聽之後都覺得應該不錯。^_^果然不會失望呀。到我地上菜之後，服務員都有過來接受，尤其是柚子呢款，好食不油膩。本身越南就少不了不同款的梳打，我地叫左薄荷青檸梳打，學左招牌啤酒擺左個陣。服務員笑容均可，店主對食物熱忱介紹，相信回頭客應該都不少，下次都會考慮。

今日交返樓比業主，跟手一齊食飯，佢話要試啲佢搬走後先開嘅餐廳，就揀咗呢間。越南汁有少酸酸甜甜，但佢呢個似係魚露加蒜蓉。個柚子檬紙卷啲味唔太突出，沙律醬太多。串燒拼盤原來豬牛雞各兩串加一串菠蘿，但本人唔食牛，餐廳幫我轉咗雞同豬各 3 串加返串菠蘿，好大串肉，食落唔靭。香茅薑蜜唔太重薑味，可能熱飲啲味會出啲。大蘑菇釀生蠔太重芝士，切開有水出，生蠔唔算大隻。原本我哋叫蟹籽蝦餅，但煮到出嚟先話我哋知無蟹籽，得普通蝦餅，所以比咗雙陪份量我哋，其實一早話我哋知可以轉其他嘢嘛！