常樂素食 (Closed)

呢排食得太多肥膩野，決定今日同朋友去食齋！因為銅鑼灣食齋嘅選擇唔多，咁今次就嚟咗呢間試新野。一想到去就比左右兩邊嘅黑板吸引着，上面都寫住餐廳最近熱門及推介嘅菜式，多種菜式琳琅滿目，令人目不暇給，突然間都唔知食邊樣野先係自己想要。我哋揀咗三樣菜色分別係肉燥飯、咕嚕肉同螞蟻上樹。咕嚕肉外型同真嘅非常相似，當然唔好要求真係有兩舊骨扮埋俾你睇啦，顏色都夠誠意，唔會變左鮮紅色，而且仲有唔少既腰果。肉燥飯飯底份量充足，有好多冬菇粒粒、素肉粒，D汁送飯一流。雖然餐牌上寫住落左藥包，但完全唔覺有任何藥嘅味道。螞蟻上樹一黎度已經覺得份量十足，大大碟粉絲，侍應仲問我地要幾辣，第一次食梗係唔好亂黎，試一試個小辣先。粉絲好入味，唔會話勁淡，味道又唔差。兩個女仔食呢個螞蟻上樹，食完真係會好飽。

我有位食素的朋友，間唔中都會約佢出來食飯，今晚佢有時間見我，佢怕我食唔慣齋，(其實我間唔中都會食齋，素食架。) 佢於是帶我去一間較為有特色的素食店-台式素菜，位置係銅鑼灣，就係常樂素食，地點方便。我們相約於銅鑼灣C出口等，只須行2-3分鐘便到達。一出電梯就見到一個佛像，有一幅的畫像，上面寫上人生甜酸苦辣味道，食材，亦有佛經，佛書可供有緣人或食客取閱。內裡環境都幾寬敞，一邊放置茶壺茶具及㝍上餸菜名稱，而另一邊則有百佛圖。又㝍上熱量表供食客參考。噢~平時食左太多卡路里落肚啦，怪不得有個越黎越大的肚腩。真郁悶！又有like爆全場的叉電插蘇，耶！我們點了一個前菜，涼拌和主食。主食--螞蟻上樹 ，名稱有種親近大自然感覺。材料有紅椒，青椒，素肉絲，薑，香菇。味道少許辣夠惹味，粉絲炒得爽身不會黐，亦不會零碎，夠彈牙，很入味，黑芝麻灑上面，遠看真有啲似螞蟻，素肉絲驟眼看有啲似瘦肉絲，青紅椒切粒，色彩繽紛，外觀有啲似夏門炒米。涼拌--風山水起撈，名稱好掂，人生能夠撈到風山水起，相信是每個人的夢想。但亦要知足常樂，這樣才會有一個美好人生。材料有素雞絲，小黃瓜，紅蘿蔔，雞蛋，梨，香菇，沙拉荀，薑片，麻油。首