麵屋神匠

Open Now

Now Closed

今日嚟到位於旺角同油麻地交界嘅麵屋神匠食個下午茶。除咗單點，下午茶佢仲有套餐提供，一個麵加小食加野飲。除此以外，佢仲有2人餐同4人餐可以選擇，成班 friends 一齊去可以有唔同嘅優惠。今次就叫咗呢碗蟹白湯拉麵，單價$128 蚊，二人套餐就其中一碗可以揀佢，另外一碗都想揀就要加$28蚊，二人套餐盛圍$238。講返碗拉麵先，size適中，擺盤整齊，中間位置係有啲蟹肉。跟麵有半隻溏心蛋，顏色鮮艷，有機會係新紀元曉嗰類嘅蛋。紫菜正常，叉燒薄切尚算大片，食落味道正常。麵身係拉麵幼麵，呢度就無硬度之類嘅嘢揀。湯底好creamy，飲落有啲似海鮮忌廉湯，加埋啲蟹肉增加咗個鮮甜，蟹味濃郁。跟餐小食揀咗餃子，正常下午茶嚟講呢個餐都可以話係豐富。最後圍返價錢平均每位$150，價錢真係唔係班，但勝在食乜質素係交到貨。

💯訂座超方便唔需要早一日訂，隨興想食，8點多OpenRice 按一按訂座9點食都可以，非常好！而且訂座仲有折扣❗️9點有8折，減返加一都有9折，㩒一㩒就有discount，無得頂❗️💯環境舒適裝修有特色，座位唔算迫，坐得OK舒服店面乾淨企理，地下同枱面唔會好油店內不停循環播熱血系列動漫歌😂好有店舖個性同獨特性😂💯服務貼心由於我先到先落單兩碗拉麵，店員見我只有一人，好貼心提我，拉麵會上得快，不如你叫起我哋先出，以免凍咗。睇得出不是那種追營業額的店，有理無理落單即出，快食完下位那種令我對店舖好感度上升🔝💯食物質素好上面講咁多，唔好食就乜都假😂♨️蟹白湯拉麵🍜好食😋有驚喜❗️基本上我未食過蟹嘅濃湯拉麵，蝦就食過唔知係咪佢哋獨家，但真係做得幾好👍🏻湯濃蟹味，最加分位係有比真蟹肉「蟹。肉。無。食。到。軟。骨❗️❗️❗️」呢個係超加分位！💯💯💯因為好多提供蟹肉嘅食肆，喺Menu度提一句小心軟骨，就奉旨係蟹肉度挑唔曬啲軟骨周不時都食到軟骨好似食沙定食石仔咁咬到殺殺聲，快手吞咗或者吐咗佢算不能盡情享用蟹肉鮮味而呢個食唔到軟骨，當中嘅心機同時間食過蟹拆過蟹肉嘅都會明♥️湯濃、蟹肉多，叉燒都係似慢煮的粉嫩鹹香叉燒唔係常見

去到旺角，肚好餓，突然想食拉麵，最近就係呢間就入左去，除左拉麵仲有沾麵，小食都幾多款揀。我地揀左蟹白湯拉麵，蝦濃湯拉麵，同埋炸芝士年糕。麵係無得揀軟硬既。蟹白湯係勁清甜，仲有一絲絲蟹肉，非常好味👍👍👍 麵係幼身麵，叉燒因為慢煮既關系，有d 似食緊火腿。蝦湯拉麵比較濃味，我個人喜好清淡口味，所以蟹湯我比較喜歡。配料同我個碗一樣。炸芝士年糕係我仔食既，外脆內軟炸得幾好，唔會太油。下次經過會再試埋其他湯。