尚鮮海鮮料理

Open Now

Now Closed

這間火鍋係我吃過最用心的一間。環境方面，爐、檯、椅很新很清潔，所以坐得舒服，食得自在。由於是小店經營，服務員分外殷勤，時時走過來幫我們隔去火鍋面的雜油及調教火候。飲品方面，店主推薦了青檸梳打蜜，酸甜解暑！湯底我們點了牛肝菌，很鮮味！熟食方面，我們點了百花釀油條。油條炸得剛剛好，釀著蝦肉，鬆脆的油條配上彈牙的蝦肉口感十足。肉丸我們點了四色丸尚盛，包括了金沙鮮牛丸（裏面裹著鹹蛋黃）、松露豬肉丸、甜薯墨魚丸、芥末籽蝦丸。每粒肉丸裏面都裹著不同餡料，充滿驚喜。我們還點了一個五味豚拼盤，包括了豚肉片、豬潤、豬粉腸、豬皮、豬扎肉。豚肉片脂肪和肉五五分佈，十分鮮味可口！重頭戲來了！就是這盤手切牛！超好食！牛肉是薄切，脂肪分佈得十分均勻，口感軟滑，而且牛味十足！最後，我們點了一客蟹皇餃。蟹皇味香濃鮮味，而且十分可口飽肚！響鈴是廚房鮮炸的！大大卷又脆口，正！整體來說，這是愉快豐盛的一餐！

同朋友漫無目的咁喺佐敦區遊蕩，遊遊下就遊左上黎呢度，見個環境幾啱坐低慢慢傾計食野，同朋友打一打眼色後就就決定入黎試下。幾個女仔望望餐牌，揀左個聽落都知道勁補身嘅養生燉湯鍋底──姬松茸響螺燉雞，好滋陰，而家入秋飲呢D好啱女仔，完全可以平衡返打邊爐嘅上火feel。嘩！一睇D湯料，先發現真係非常足料，似足阿媽煲嘅愛心老火湯，用呢個湯底夾落唔同嘅火鍋配料，肯定好入味。呢度除左火鍋之外都有唔少小食可以揀，我地就點左個金不換黃金蝦，D蝦肉食落有甜味，而唔係只係得個鹹字，食得出用新鮮貨整，讚！ 火鍋配料都叫左好幾款，印象特別深刻嘅有牛尚盛，肉味濃郁滿口油香，鮮嫰多肉汁，放入濃湯底索晒所有精華。仲有比較特別嘅就係蟹皇餃，有D似蟹粉小龍包，皮薄饀靚，蟹味濃郁，鮮味十足，又有嚼口。整體上呢度環境唔錯，食物質素亦有一定水準，可以encore！

喜歡吃火鍋，因其吃火鍋的氣氛，相約三五知已，不用拘禮，圍著火鍋邊吃邊聊天。如湯底靚，材料新鮮質素上乘，就能讓人有吃了还想再吃的感覺。是日經朋友介紹，黎到“尚鮮” ，呢度的湯底及材料就正正俾到我呢種體驗，而且仲係無煙火鍋！云南黑虎菌炖豬脚根，呢煲毫無疑問係上乘的養生湯。精選野生的黑虎菌，菌體粗壮肥大，肉質細嫩，而裡面的豬肉，成隻雞連雞脚等，肉質仲好嫩滑，加上吸收左野生菌特有的香氣，香味更加濃郁，啖湯更是香甜可口，令人回味無窮！象拔蚌刺身，好新鮮多肉，口感韌而爽脆，味道鮮甜 蟹皇餃，皮薄餡足，一口咬落去餃子皮鮮滑爽口，而餡料鮮香油嫩，蟹味十足，讚  鹽燒牛舌：切得好厚，香味超正，燒的肉汁保留，微脆的表層裹著裡面細嫩的肉質，充滿醇厚的肉香感 鮮炸響鈴是一道很不错的小菜，金黄酥脆，在湯裡浸上幾秒更是里外全酥，真是口口香脆，咸香美味。最後的田園盛為呢餐雖不算豐盛，但滿足的火鍋聚會劃上完美的句號！整體唔錯，海鮮的價錢合理，黑虎掌煲幾抵飲，而餃子就偏貴左D，可能係自家製及真材實料掛！朋友果然無介紹錯，下次會再來！

海鮮湯鍋，必須要有一流的生猛海鮮作材料。當我食過“尚鮮”的海鮮料理後，就有呢種感覺！ 尚鮮龍皇海鮮鍋 ($398)     湯底是用大蝦蝦頭和其他材料，從中午開始用慢火细熬而成的老火湯，再放入大蝦、蜆、帶子、蟹，龍蝦等，啖湯好鮮甜，還以為海鮮會出曬味，然而海鮮的味道經過不同材料的相互輝映，反而鮮味更加突出！材料豐富份量更是十足，食極都有，服務員亦超細心，怕我哋食唔切，D海鮮過火會變韌，嗱嗱聲攞D碟幫我地撈起佢，抵讚。鮮打四寶丸 ($64)      每一款肉丸內都有不同餡料配搭，分別有：金沙牛丸，黑松露豬肉丸，甜薯墨魚丸，芥末籽鮮蝦丸。 這是師傅靠手工打出黎的，卖相精致， 食落滿口肉的香味，彈牙的感覺唔同街市買果D咁假。蟹皇餃（$98）內包住新鮮蟹肉和蟹膏，味道濃郁！餃子吸收了海鮮湯味，更好吃！田園盛($64), 每次打邊爐都一定會點蔬菜, 呢個係好多人的習慣和喜好，唔單止有益健康，更是因為蔬菜吸收了火鍋的精華，變得更好味，菇類、蘿蔔、白菜味道較淡就係最好的例子， 粟米本來就甜，食火鍋生菜是最受歡迎的。