尚鮮海鮮料理

Open Now

Now Closed

同朋友漫無目的咁喺佐敦區遊蕩，遊遊下就遊左上黎呢度，見個環境幾啱坐低慢慢傾計食野，同朋友打一打眼色後就就決定入黎試下。幾個女仔望望餐牌，揀左個聽落都知道勁補身嘅養生燉湯鍋底──姬松茸響螺燉雞，好滋陰，而家入秋飲呢D好啱女仔，完全可以平衡返打邊爐嘅上火feel。嘩！一睇D湯料，先發現真係非常足料，似足阿媽煲嘅愛心老火湯，用呢個湯底夾落唔同嘅火鍋配料，肯定好入味。呢度除左火鍋之外都有唔少小食可以揀，我地就點左個金不換黃金蝦，D蝦肉食落有甜味，而唔係只係得個鹹字，食得出用新鮮貨整，讚！ 火鍋配料都叫左好幾款，印象特別深刻嘅有牛尚盛，肉味濃郁滿口油香，鮮嫰多肉汁，放入濃湯底索晒所有精華。仲有比較特別嘅就係蟹皇餃，有D似蟹粉小龍包，皮薄饀靚，蟹味濃郁，鮮味十足，又有嚼口。整體上呢度環境唔錯，食物質素亦有一定水準，可以encore！